ايماقتار • 24 اقپان، 2021

شىعىس قازاقستاندا «پاراسات جولى» ورتالىعى اشىلدى

29 رەت كورسەتىلدى

بۇگىن د.سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتىندە «پاراسات جولى» ورتالىعى سالتاناتتى تۇردە اشىلدى، دەپ حابارلايدى Egemen.kz

اتالعان شارا سىبايلاس جەمقورلىققا قارسى ءىس-قيمىل اگەنتتىگى شقو بويىنشا دەپارتامەنتىنىڭ باسشىسى ەرلان جالماعامبەتتىڭ، ءبىلىم ورداسىنىڭ رەكتورى جاسۇلان شايماردانوۆتىڭ جانە وڭىرلىك اقپاراتتىق-اعارتۋشىلىق شتاب جەتەكشىسى ارايلىم ەسىمبەكوۆا مەن «سانالى ۇرپاق» كلۋب مۇشەلەرىنىڭ قاتىسۋىمەن ءوتتى.

اتالعان شارا اتالعان وقۋ ورىننىڭ كىتاپحاناسىندا ءوتتى. «پاراساتتى جول» ورتالىعى بۇعان دەيىن ا.س.پۋشكين اتىنداعى وبلىستىق كىتاپحاناسىندا جۇمىسىن باستاعان بولاتىن. ەندى وقۋ ورىندارى اراسىندا العاش بولىپ شقتۋ-دا اشىلدى.

ورتالىقتا ادالدىق، ادىلدىك، پاراساتتىلىق قاسيەتتەرىن دارىپتەيتىن اباي مەن شاكارىمنىڭ ەڭبەكتەرى، ساكەن سەيفۋلليننىڭ شىعارمالارى قويىلعان. سونداي-اق جوو جاسالعان سىبايلاس جەمقورلىققا قارسى سيپاتتاعى ادىستەمەلىك نۇسقالار مەن  كىتاپتار قويىلعان.

سالتاناتتى ءىس-شارادا ۋنيۆەرسيتەت ستۋدەنتتەرى قويىلىم كورسەتىپ، پاراساتتى ادام فورمۋلاسىن ۇسىندى.

اشىلعان «پاراسات جولى» ورتالىعى وسكەلەڭ ۇرپاق ساناسىنا سىلكىنىس جاساۋعا جانە وقىرمان قاۋىمنىڭ تانىم-تۇيسىگىنە ىزگى وي قالدىرادى دەگەن سەنىمدەمىز.

سوڭعى جاڭالىقتار

ۇقساس جاڭالىقتار