سەمينار جينالىسقا گم-172/10 مەكەمەسى باستىعىنىڭ ورىنباسارى ادىلەت پودپولكوۆنيگى ەسبولات اگلەپەسوۆيچ سۋزاكباەۆ توراعالىق ەتتى.
سونىمەن قوسا اقتاۋ قالاسى اكىمدىگىنىڭ «اقتاۋ قالالىق قوعامدىق دامۋ ورتالىعىنىڭ» ءدىن ماسەلەلەرى بويىنشا تەولوگ مامانى جانىبەك رىزاعالي ۇلى قۇربانوۆ پەن «اقنيەت» اقپاراتتىق-ناسيحاتتاۋ جانە وڭالتۋ ورتالىعىنىڭ تەولوگ مامانى تىنىشتىقوۆ اسلانبەك ساعىناي ۇلى شاقىرتىلدى.
گم-172/10 مەكەمەسىنىڭ ارنايى كونتينگەنتتەر اراسىندا الەۋمەتتىك پسيحولوگويالىق تاربيە جۇمىسى ءبولىمىنىڭ ينسپەكتور پسيحولوگى ادىلەت اعا لەيتەنانتى توكجان جيەمباەۆا ءوزىنىڭ دايىنداعان ۆيدەو-روليكتەرىن كورسەتتى.
ءارى قاراي اقتاۋ قالاسى اكىمدىگىنىڭ «اقتاۋ قالالىق قوعامدىق دامۋ ورتالىعىنىڭ» ءدىن ماسەلەلەرى بويىنشا تەولوگ مامانى جانىبەك رىزاعالي ۇلى قۇربانوۆ سوتتالعاندارعا سۋيتسيد تاقىرىبىندا ءتۇسىندىرۋ جۇمىستارىن جۇرگىزدى اتاپ ايتقاندا, «سۋيتسيد» لاتىن تىلىنەن الىنعان ء«وزىن ءوزى ءولتىرۋ, وزىنە قول سالۋ» دەگەن ماعىنانى بىلدىرەدى. بۇل ارەكەت كوپ جاعدايدا ەسى دۇرىس ادامنىڭ مىنەز-قۇلقىنىڭ بۇزىلۋ فورماسىنىڭ ەڭ شەگى بولىپ تابىلادى. وسىنداي ماسەلەنىڭ ءبىزدىڭ ەلىمىزدە دە پروبلەمالىق ماسەلە بولىپ تۇرعانىن سوزگە تيەك ەتتى. ماسەلەن سۋيتسيد بويىنشا ەلەمىز الەمدە 9-شى ورىندا تۇرعانىن ايتىپ مۇنداي جاعدايلارعا بارماي بارىنشا سابىرلى بولۋعا شاقىردى.
«اقنيەت» اقپاراتتىق-ناسيحاتتاۋ جانە وڭالتۋ ورتالىعىنىڭ تەولوگ مامانى ا.تىنىشتىقوۆ سوتتالعاندارعا جىگەر بەرەتىن قۇران اياتتارىنان, حاديستەردەن مىسال كەلتىرىپ, قاناتتى سوزدەرىمەن ءسۋيتسيدتى بولدىرماۋ بارشا مۇسىلمانعا مىندەت جانە شاريعات تۇرعىسىندا وتە ۇلكەن كۇنا ەكەنىن ءتۇسىندىردى.
ءسوز سوڭىندا گم-172/10 مەكەمەسى باستىعىنىڭ ورىنباسارى ادىلەت پودپولكوۆنيگى ە.سۋزاكباەۆ سەمينارعا قاتىسقاندارعا العىسىن ءبىلدىرىپ, وسىنداي ءىس-شارالار الداعى ۋاقىتتا جازاسىن وتەۋشى سوتتالعاندارعا تۇراقتى تۇردە وتكىزىلەتىندىگىن ايتتى.
