استانادا ۇلتتىق سپورت تۇرلەرى قاۋىمداستىعىنىڭ ۇيىمداستىرۋىمەن «التىن تۇعىر» نوميناتسياسى بويىنشا ماراپاتتاۋ ءراسىمى ءوتتى. بۇل تۋرالى www.egemen.kz ءتىلشىسى حابارلادى.
بۇل نوميناتسيا بويىنشا ۇلتتىق سپورت تۇرىمەن اينالىساتىن 26 ادام ماراپاتتالدى. وندا ەڭ ۇزدىك كوكپار شابۋىلشىسى اتاعى داۋلەتبەك ومباەۆقا بەرىلسە, كوكپاردىڭ جەكپە-جەك شەبەرى دەپ قۇلاجان توعايباەۆ تانىلدى. سونداي-اق, سامات مالىمباەۆ كوكپاردىڭ جاس ساڭلاعى, كۇنتۋعان توقتىباي ۇزدىك بۇركىتشى اتاعىنا يە بولدى. راسىمدە قىز قۋ, تەڭگە ءىلۋ, اۋدارىسپاق, اسىق اتۋ, قازاق كۇرەسىنىڭ الەم جانە ازيا چەمپيوندارى, «ەۋرازيا بارىسى» حالىقارالىق ءتۋرنيرىنىڭ جەڭىمپازدارى دا ماراپاتتالدى.
وسىدان كەيىن قاۋىمداستىق قازاق حالقىنىڭ سالت-داستۇرلەرىن ناسيحاتتاپ, ۇلتتىق سپورتتىڭ دامۋىنا ەڭبەك ەتىپ جۇرگەن ازاماتتارعا «ەلىمجان» توسبەلگىسى تابىس ەتىلدى. بۇل توسبەلگىگە جۋرناليستەر دە يە بولدى.
داستان كەنجالين.
دەرەككوز: http://ulttyqsport.kz/
