ايماقتار • 23 اقپان، 2021

ەرلان تۇرعىمباەۆ اقتوبەلىك ۆولونتەرلەرگە العىس ءبىلدىردى

5 رەت كورسەتىلدى

اقتوبە قالاسىنا ءىسساپارى كەزىندە ءىىم ەرلان تۇرعىمباەۆ ۆولونتەرلەرمەن كەزدەسىپ، كارانتين رەجىمىن جانە قوعامدىق ءتارتىپتى ساقتاۋدى قامتاماسىز ەتۋگە كومەكتەسكەنى ءۇشىن ولارعا العىس ءبىلدىردى، دەپ حابارلايدى Egemen.kz

ىشكى ىستەر ءمينيسترى ەرلان تۇرعىمباەۆ اقتوبە وبلىسىنا جۇمىس ساپارى اياسىندا وبلىستىق پوليتسيا دەپارتامەنتىنىڭ بىرقاتار نىسانىن ارالادى. ولاردىڭ قاتارىندا اقتوبە قالاسىنىڭ ورتالىعىندا ورنالاسقان مودۋلدىك ستاتسيونارلىق بەكەت بار. بەكەتتە پوليتسەيلەردىڭ جۇمىس ىستەۋىنە جانە ازاماتتاردى تاۋلىك بويى قابىلداۋىنا بارلىق جاعداي جاسالعان. مينيستر جەرگىلىكتى اتقارۋشى ورگانداردىڭ حالىقتىڭ قاۋىپسىزدىگى مەن تىنىشتىعىن قامتاماسىز ەتۋگە باعىتتالعان جۇمىسىن جوعارى باعالادى.

دامىعان ەلدەردىڭ تاجىريبەسى بويىنشا قازىرگى زامانعى ستاتسيونارلىق پوليتسيا بەكەتتەرى نەعۇرلىم كريمينوگەندى ۋچاسكەلەردە ورناتىلىپ جاتىر. اقتوبەدە بەس بەكەت بار.

«ەل پرەزيدەنتى قاسىم-جومارت توقاەۆ سەرۆيستىك مودەلدىڭ نەگىزگى ەلەمەنتى «حالىققا جاقىن پوليتسيا» بولۋى ءتيىس دەپ ايتتى. وسى قاعيداتتى ىسكە اسىرا وتىرىپ، ءبىز پوليتسيا قىزمەتكەرىنىڭ قوعامدىق ورىنداردا جۇرۋىنە قول جەتكىزدىك. ازاماتتار وزدەرىن قاۋىپسىز سەزىنۋىنە، قاجەت كەزدە پوليتسياعا جۇگىنۋىنە بار جاعداي جاسالدى. بۇگىن ءبىز وڭ ناتيجەنى كورىپ وتىرمىز. ستاتسيونارلىق بەكەتتەر ورناتىلعان جەرلەردە قۇقىق بۇزۋشىلىقتار سانى ايتارلىقتاي ازايدى»، دەپ اتاپ ءوتتى ۆەدومستۆو باسشىسى.

2020 جىلى وبلىس اۋماعىندا قىلمىس 37% تومەندەدى. مينيستر جەرگىلىكتى پوليتسيا قىزمەتىن رەفورمالاۋ ماسەلەسىندە ۋچاسكەلىك ينسپەكتورعا نەگىزگى ءرول بەرىلەتىنىن اتاپ ءوتتى. وسىعان بايلانىستى ەرلان تۇرعىمباەۆ پوليتسيا قىزمەتكەرى وتباسىمەن بىرگە تۇراتىن ۋچاسكەلىك پۋنكتپەن بىرىكتىرىلگەن ۇيگە باردى.

مينيستر ۋچاسكەلىك پوليتسيا ينسپەكتورىنىڭ ۇنەمى اكىمشىلىك ۋچاسكەدە بولۋى ماڭىزدى ەكەنىن جانە وڭىردە قۇقىق بۇزۋشىلىقتىڭ الدىن الۋدى قامتاماسىز ەتۋ ءۇشىن ولاردىڭ شتاتىن ىشكى رەزەرۆتەر ەسەبىنەن تولىق جاساقتاۋ قاجەت ەكەنىن اتاپ ءوتتى.

«اكىمدىكتەرمەن بىرلەسىپ، ۋچاسكەلىك ينسپەكتورلارعا ءتيىستى جاعداي جاساپ، ۋچاسكەلىك پۋنكتتەر جەلىسىن كەڭەيتە وتىرىپ، ءبىز ازاماتتارىمىزدىڭ قاۋىپسىزدىك دەڭگەيىن ارتتىرامىز. مۇنداي جۇمىستى ءبىز بارلىق وڭىرلەردە جۇرگىزەتىن بولامىز»، دەدى ىشكى ىستەر ءمينيسترى.

قۇقىقتىق ءتارتىپتى قامتاماسىز ەتۋدە ەرىكتىلەر پوليتسيا قىزمەتكەرلەرىنە كومەك كورسەتىپ كەلەدى. وبلىس بويىنشا ىشكى ىستەر ورگاندارى وتكىزەتىن بارلىق الدىن الۋ ءىس-شارالارىنا 300-دەن استام ەرىكتى قاتىسادى.

مينيستر ەرىكتىلەرمەن كەزدەسىپ، ولارعا كارانتين رەجيمىن جانە قوعامدىق ءتارتىپتى قورعاۋدى قامتاماسىز ەتۋگە كومەكتەسكەنى ءۇشىن العىس ايتتى. كەيىن جەكە قۇراممەن كەزدەسىپ، وبلىستىق پوليتسيا دەپارتامەنتى قىزمەتكەرلەرىنىڭ الدىنا وڭىردەگى قاۋىپسىزدىك دەڭگەيىن ارتتىرۋ جانە حالىقپەن جۇمىستى جالعاستىرۋ، ولاردىڭ ماسەلەلەرىن دەرەۋ شەشۋ مىندەتتەرىن قويدى.

سوڭعى جاڭالىقتار

COVID-19: سىرى قاشان اشىلار؟..

كوروناۆيرۋس • بۇگىن، 08:35

جاقسىلىق جاساساڭ، اۋىلىڭا جاسا

مەديتسينا • بۇگىن، 08:31

العا باسقان ازاماتتىق قوعام

قازاقستان • بۇگىن، 08:26

اقىن داڭقى الاسارمايدى

رۋحانيات • بۇگىن، 08:25

ءوڭىردىڭ وركەندەۋى – ورتاق يگىلىك

وڭتۇستىك قازاقستان • بۇگىن، 08:22

عۇلاما عالىم، كورنەكتى قايراتكەر

قازاقستان • بۇگىن، 08:19

70 ملن توننا مۇناي ەكسپورتتالدى

قازاقستان • بۇگىن، 08:17

ماقتانىشىم مەن ساعىنىشىم

قازاقستان • بۇگىن، 08:15

جاقسىلىققا جەتەلەگەن جوبا

قوعام • بۇگىن، 08:10

وزىق كاسىپورىن – «رودينا»

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار