كەشە ۇكىمەت ۇيىندە پرەمەر-مينيستر سەرىك احمەتوۆتىڭ توراعالىعىمەن ەكسپو-2017 حالىقارالىق كورمەسىنە ازىرلەنۋ مەن ونى وتكىزۋ جونىندەگى مەملەكەتتىك كوميسسيانىڭ كەزەكتى وتىرىسى بولىپ ءوتتى.
كەشە ۇكىمەت ۇيىندە پرەمەر-مينيستر سەرىك احمەتوۆتىڭ توراعالىعىمەن ەكسپو-2017 حالىقارالىق كورمەسىنە ازىرلەنۋ مەن ونى وتكىزۋ جونىندەگى مەملەكەتتىك كوميسسيانىڭ كەزەكتى وتىرىسى بولىپ ءوتتى.
وتىرىستا «استانا ەكسپو-2017» ۇك» اق باسقارماسىنىڭ توراعاسى تالعات ەرمەگياەۆ, ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆ, قورشاعان ورتا جانە سۋ رەسۋرستارى ءمينيسترى نۇرلان قاپپاروۆ, استانا قالاسى اكىمىنىڭ ورىنباسارى سەرگەي حوروشۋننىڭ ەسەپتەرى تىڭدالدى.
پرەمەر-مينيستر اتالعان ماسەلەگە قاتىستى ەلباسىنىڭ ەكسپو-عا ازىرلىك پەن ونى وتكىزۋ شارالارىن ۇلتتىق جوسپارعا ەنگىزۋ جونىندەگى تاپسىرماسىن ورىنداۋعا ەرەكشە نازار اۋداردى. بۇل شارالار بارىنشا ەكونوميكالىق تيىمدىلىك بەرۋى ءتيىس.
وتىرىس بارىسىندا «استانا ەكسپو-2017» ۇك» اق ديرەكتورلار كەڭەسى مەن باسقارماسىنىڭ جۇمىس جوسپارى, كورمە نىساندارىنىڭ قۇرىلىسى مەن ينفراقۇرىلىمدارىن سالۋ مەن دامىتۋ جونىندەگى جۇمىس شتابتارىنىڭ قىزمەتى تالقىلاندى.
ۇكىمەت باسشىسى حالىقارالىق كورمەگە ازىرلىك جانە وتكىزۋ جۇمىستارىن تياناقتى دا ساپالى جۇرگىزۋ قاجەتتىگىن تاعى ءبىر ەسكە سالا وتىرىپ, مۇددەلى مەملەكەتتىك ورگاندارعا, ۇلتتىق حولدينگتەر مەن كومپانيالارعا بىرقاتار تاپسىرمالار بەردى, دەپ حابارلادى پرەمەر-ءمينيستردىڭ ءباسپاسوز قىزمەتى.
