تاراز قالاسىنداعى «استانا» شاعىن اۋدانىنان ونەرگە قۇشتار 600 ورەنگە ارنالعان كوركەمونەر مەكتەبى اشىلدى. ول ەكى اۋىسىمدا 1300 وقۋشىنى قابىلداي الادى.
تاراز قالاسىنداعى «استانا» شاعىن اۋدانىنان ونەرگە قۇشتار 600 ورەنگە ارنالعان كوركەمونەر مەكتەبى اشىلدى. ول ەكى اۋىسىمدا 1300 وقۋشىنى قابىلداي الادى.
مەكتەپتە 21 بىلىكتى ۇستاز ءدارىس بەرەدى. ولار كوركەمونەر سىرىنا قۇشتار بالالارعا سۋرەت, جيۆوپيس, ديزاين, ونەر تاريحى, مۇسىندەۋ ونەرىنىڭ تۇرلەرى سياقتى ءتۇرلى پاندەردەن ساباق بەرەدى.
مەكتەپ – كوپقاباتتى تۇرعىن ءۇيدىڭ ءبىرىنشى قاباتىنا ورنالاسقان. ونى زامان تالابىنا ساي مەكتەپكە اينالدىرۋ ءۇشىن 14 ميلليون 319 310 تەڭگە جۇمسالىپتى.
تالانتتى ۇل-قىزداردى وقىتىپ, تاربيەلەيتىن عاجايىپ ءبىلىم ورداسىنىڭ اشىلۋ سالتاناتىنا وبلىس اكىمىنىڭ ورىنباسارى عاني سادىبەكوۆ پەن تاراز قالاسىنىڭ اكىمى بەكبولات ورىنبەكوۆ قاتىسىپ, ونەرلى بالالاردان بولاشاقتا الەمگە تانىمال ۇلكەن تۋىندىلار كۇتەتىندەرىن ايتىپ, تىلەكتەستىك ءبىلدىردى.
كوسەمالى ساتتىباي ۇلى,
«ەگەمەن قازاقستان».
تاراز.
