ەكىباستۇزداعى «بولات نۇرجانوۆ اتىنداعى گرەس-1» سەرىكتەستىگى قىسقى ماۋسىمعا جاقسى دايارلىقپەن جۇمىسقا كىرىستى. ەلەكتر ەنەرگياسىن وندىرۋمەن جانە تاراتۋمەن اينالىساتىن جىلۋ ەلەكتر ستانساسىنىڭ بەلگىلەنگەن قۋاتتىلىعى 4000 مۆت. وعان تەپە-تەڭ نەگىزدە «سامۇرىق-ەنەرگو» اكتسيونەرلىك قوعامى مەن «قازاقمىس» توبى يەلىك جاسايدى. ستانسا ەكىباستۇزدىڭ كومىرىن پايدالانادى. وندىرگەن ەلەكتر ەنەرگياسىنىڭ باسىم بولىگى ەلىمىزدىڭ ەنەرگەتيكالىق نارىعىندا ۇلەستىرىلەدى.
ەكىباستۇزداعى «بولات نۇرجانوۆ اتىنداعى گرەس-1» سەرىكتەستىگى قىسقى ماۋسىمعا جاقسى دايارلىقپەن جۇمىسقا كىرىستى. ەلەكتر ەنەرگياسىن وندىرۋمەن جانە تاراتۋمەن اينالىساتىن جىلۋ ەلەكتر ستانساسىنىڭ بەلگىلەنگەن قۋاتتىلىعى 4000 مۆت. وعان تەپە-تەڭ نەگىزدە «سامۇرىق-ەنەرگو» اكتسيونەرلىك قوعامى مەن «قازاقمىس» توبى يەلىك جاسايدى. ستانسا ەكىباستۇزدىڭ كومىرىن پايدالانادى. وندىرگەن ەلەكتر ەنەرگياسىنىڭ باسىم بولىگى ەلىمىزدىڭ ەنەرگەتيكالىق نارىعىندا ۇلەستىرىلەدى.
بۇگىندە بۇل ستانسادا «قازاقمىس» توبى مەن «سامۇرىق-ەنەرگو» اق-تىڭ جالپى قۇنى 1 ملرد. اقش دوللارىنان اساتىن ۇزاق مەرزىمدى ينۆەستيتسيالىق باعدارلاماسى ىسكە اسىرىلۋدا. باعدارلاما ىسكە قوسىلماي تۇرعان ەكى ەنەرگوبلوكتى قالپىنا كەلتىرۋدى جانە قولدانىستاعى بەس ەنەرگوبلوكتى, جالپى ستانسالىق جابدىقتاردى كۇردەلى جوندەۋدەن وتكىزىپ, جاڭعىرتۋدى, تازارتۋشى ەلەكتر سۇزگىلەرىن ورناتۋدى كوزدەيدى.
قازىرگى ۋاقىتتا ەكى ەنەرگوبلوك تا قالىپتى جۇمىس جاساپ تۇر. بۇدان باسقا تاعى ەكى ەنەرگوبلوك ازىرلىك ساپىنا قويىلعان. نەگىزىندە ستانسانىڭ بارلىق 6 ەنەرگوبلوگى جۇمىسقا كىرىسكەندە ستانسا 3000 مۆت. قۋاتتىلىعىنا جەتەدى. ستانسا بيىلعى جىلدىڭ 9 ايى ىشىندە گرەس-1 ستانساسىندا 10 032 ملرد. كۆت. ساعات ەلەكتر ەنەرگياسى ءوندىرىلىپتى. قازىرگى كەزدە وتىننىڭ قورى 465 357 توننا كومىر, 1771 توننا مازۋتتى قۇرايدى. جىلدىڭ سوڭىنا دەيىن تاعى دا 1 500 توننا مازۋت ساتىپ الىنباق. مۇندا № 4, 6 جانە 8 ەنەرگوبلوكتارى جوندەۋدەن وتكىزىلسە, №5 جانە №3 ەنەرگوبلوكتارىنا ەلەكتر سۇزگىلەرى ورناتىلدى, №7 ەنەرگوبلوكقا كۇردەلى جوندەۋ جۇرگىزىلدى. تيىمدىلىگى جوعارى بولاتىن تازارتۋشى ەكى ەلەكتر سۇزگىسىنىڭ ورناتىلۋى اۋاعا تارالاتىن زياندى زاتتاردىڭ كولەمىن بارىنشا قىسقارتادى. جالپى, زاماناۋي ەلەكتر سۇزگىلەر ستانسادا جۇمىس جاساپ تۇرعان بارلىق ەنەرگوبلوكتاردا قاراستىرىلعان. ولاردى كۇزگى-قىسقى كەزەڭگە دايارلاۋ ءۇشىن 64 ءىس-شارادان تۇراتىن باعدارلاما ىسكە اسىرىلدى. توسىننان كەلگەن اپاتتاردان ساقتانۋ جانە ءورت ءسوندىرۋ جۇيەلەرىنە تەكسەرىس جاسالدى. قىزمەتكەرلەر قۇرامىنىڭ توتەنشە جاعدايلاردا جۇمىس جاساۋ بويىنشا جاتتىقتىرۋلارى ءوتتى. كاسىپورىننىڭ باس ديرەكتورى رىسقان سۆامباەۆتىڭ ايتۋىنشا, بۇل جاسالعان جۇمىستار قىسقى ماۋسىمدا تاپسىرىلعان مىندەتتەردى مۇلتىكسىز ورىنداۋعا مۇمكىندىك بەرەدى.
فاريدا بىقاي,
«ەگەمەن قازاقستان».
ەكىباستۇز.
