قوعام • 22 اقپان، 2021

Nur Otan باتىس وڭىرلەردى دامىتۋدىڭ ەگجەي-تەگجەيلى جوسپارىن ازىرلەدى

21 رەت كورسەتىلدى

«Nur Otan» پارتياسى 2025 جىلعا دەيىنگى ءوزىنىڭ 216 سايلاۋالدى باعدارلاماسىن جۇزەگە اسىرۋدىڭ ەگجەي-تەگجەيىمەن ازاماتتاردى تانىستىرۋدى جالعاستىرۋدا. ەلىمىزدىڭ باتىس وڭىرلەرىندە جىل سايىن قانداي ىستەر اتقارىلادى جانە ولاردىڭ ناقتى كورسەتكىشتەرى قانداي؟ بۇل تۋرالى پارتيانىڭ ءباسپاسوز قىزمەتى ارنايى اقپارات تاراتتى، دەپ حابارلايدى Egemen.kz.

ەلباسى، پارتيا ليدەرى نۇرسۇلتان نازارباەۆتىڭ تاپسىرماسىنا سايكەس ءاربىر وڭىردە، قالا مەن اۋداندا جۇيەلى باقىلاۋدى قامتاماسىز ەتۋ ءۇشىن ماقساتتى ينديكاتورلار مەن مەرزىمدەردى، سونداي-اق وعان جاۋاپتى ورىنداۋشىلاردى بەلگىلەي وتىرىپ، سايلاۋالدى مىندەتتەمەلەردى ىسكە اسىرۋ بويىنشا جول كارتالارى بەكىتىلدى.

باتىس قازاقستان وبلىسىندا الداعى 5 جىلدا 1498 كورسەتكىش پەن 3541 ءىس-شارانى ورىنداۋ كوزدەلگەن. 2021 جىلى «Nur Otan» پارتياسىنىڭ سايلاۋالدى باعدارلاماسى 20،2%-عا، 2022 جىلى – 39،6%-عا، 2023 جىلى – 59،9%-عا، 2024 جىلى – 78،7%-عا جانە 2025 جىلى 100%-عا ورىندالادى.

بيىلدىڭ وزىندە 7،5 مىڭ پاتەردىڭ 1،9 مىڭى، 23 مەكتەپتىڭ 4-ەۋى، 15 سپورت نىسانىنىڭ 9-ى، 2 مادەنيەت نىسانى، 5 مەديتسينالىق نىساننىڭ 1-ەۋى سالىنادى. 5 جىل ىشىندە 65 مىڭ جۇمىس ورنى اشىلىپ، 10 جاڭا تۋريستىك نىسان سالىنادى.

اتىراۋ وبلىسىندا 725 كورسەتكىش پەن 1013 ءىس-شارانى ورىنداۋ جوسپارلانعان. 2021 جىلى وڭىردەگى سايلاۋالدى باعدارلاما 19،3%-عا، 2022 جىلى – 38،7%-عا، 2023 جىلى-59%-عا، 2024 جىلى – 79،4%-عا جانە 2025 جىلى تولىعىمەن ىسكە اسىرىلادى.

جىل سوڭىنا دەيىن 289 كم اۆتوجولدىڭ 32 شاعىرىمى، 153 كم سۋمەن جابدىقتاۋ جەلىلەرىنىڭ 121 شاقىرىمى سالىنىپ، جوندەلەدى. 103 مىڭ جۇمىس ورنىن قۇرۋ، 11 مەكتەپ، 56 بالاباقشا، 10 مەديتسينالىق نىسان، بارلىق 7 اۋدان ورتالىعىندا تقق سۇرىپتاۋ كەشەندەرىنىڭ قۇرىلىسى جانە ت. ب. جوسپارلانعان.

ماڭعىستاۋ وبلىسىندا بەكىتىلگەن جول كارتاسى اياسىندا 2645 كورسەتكىش پەن 2328 ءىس-شارانى ورىنداۋ كوزدەلىپ وتىر. 2021 جىلى پارتيا باعدارلاماسى 19،9%-عا، 2022 جىلى – 40،1%-عا، 2023 جىلى – 60،6%-عا، 2024 جىلى – 80،1%-عا جانە 2025 جىلى 100%-عا ىسكە اسىرىلاتدى.

5 جىل ىشىندە وبلىستا قۇرىلىسى جوسپارلانعان 30 مەكتەپتىڭ 6-اۋى وسى جىلى سالىنادى. سول سياقتى 89 بالاباقشانىڭ 10-ى، 14 سپورت نىسانىنىڭ 3-ەۋى بوي كوتەرەدى. 1534 نىساننىڭ 305-ءى ەرەكشە قاجەتتىلىكتەرى بار ادامدار ءۇشىن بەيىمدەلەتىن بولادى. 70 مىڭنان استام جۇمىس ورنىن قۇرۋ جوسپارلانۋدا. تۇرعىن ۇيمەن قامتاماسىز ەتۋ دەڭگەيىن ارتتىرۋ ءۇشىن قالالاردا 48 كوپپاتەرلى ءۇي جانە وبلىس اۋداندارىندا 89 ءۇي سالىنادى

اقتوبە وبلىسىندا 1825 كورسەتكىش جانە 3750 ءىس-شارا بەكىتىلدى. 2021 جىلى «Nur Otan» باعدارلاماسى 19،5%-عا، 2022 جىلى – 39،8%-عا، 2023 جىلى – 60%-عا، 2024 جىلى – 80،1%-عا جانە 2025 جىلى 100%-عا ورىندالادى.

2021 جىلى وڭىردە 1057 كم سۋمەن جابدىقتاۋدىڭ 336 كم، 1697 كم گازبەن جابدىقتاۋدىڭ 457 كم، سونداي-اق 2022 كم اۆتوجولدىڭ 377 كم سالىنادى جانە جوندەلەدى. 2025 جىلعا دەيىن 105 مىڭ جۇمىس ورنى قۇرىلادى، 25 تۋريستىك نىسان جانە 9 تقق پوليگونى سالىنادى.

وبلىس حالقىنىڭ 29%-ى اۋىلدىق جەرلەردە تۇراتىنىن ەسكەرە وتىرىپ، وڭىردە ەكى جىلىجاي كەشەنىن، ەكى ءسۇت-تاۋار فەرماسىن، قۇس فابريكاسىن سالۋ جانە ىقم باسىن ۇلعايتۋ جوسپارلاپ وتىر. اۋىل شارۋاشىلىعىنىڭ ءداستۇرلى ەمەس تۇرلەرىن – ومارتاشىلىقتى، جيدەك داقىلدارىن ءوسىرۋدى جانە ت.ب. دامىتۋعا ەرەكشە نازار اۋدارىلادى.

بارلىق سايلاۋالدى ۋادەلەرمەن nurotan.kz جانە nurotan2021.kz.سايتتارىنان تانىسۋعا بولادى.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار