بيىل ەلىمىزدىڭ بارلىق وبلىستارىندا «دامۋ» قورىنىڭ ايماقتىق فيليالدارىنىڭ جانىنان كاسىپكەرلىكتى قولداۋدىڭ موبيلدىك ورتالىقتارى قۇرىلعان بولاتىن. وبلىستاعى موبيلدىك ورتالىق مامىر ايىنان باستاپ اۋداندارعا 35 رەت ساپارعا شىعىپ, كاسىپكەرلەرمەن تىعىز بايلانىستا جۇمىس ىستەۋدى جولعا قويدى. وسى ساپارلاردىڭ بارىسىندا 147 جۇمىس جاساپ جاتقان جانە 290 الەۋەتتى كاسىپكەرلەرگە 480-گە جۋىق كەڭەستەر بەرىلدى.
بيىل ەلىمىزدىڭ بارلىق وبلىستارىندا «دامۋ» قورىنىڭ ايماقتىق فيليالدارىنىڭ جانىنان كاسىپكەرلىكتى قولداۋدىڭ موبيلدىك ورتالىقتارى قۇرىلعان بولاتىن. وبلىستاعى موبيلدىك ورتالىق مامىر ايىنان باستاپ اۋداندارعا 35 رەت ساپارعا شىعىپ, كاسىپكەرلەرمەن تىعىز بايلانىستا جۇمىس ىستەۋدى جولعا قويدى. وسى ساپارلاردىڭ بارىسىندا 147 جۇمىس جاساپ جاتقان جانە 290 الەۋەتتى كاسىپكەرلەرگە 480-گە جۋىق كەڭەستەر بەرىلدى.
اۋدانداردا وتكىزىلگەن شارالارعا «بيزنەستىڭ جول كارتاسى-2020» باعدارلاماسىنىڭ «بيزنەستى جۇرگىزۋگە سەرۆيستىك قولداۋ كورسەتۋ» باعىتى بويىنشا سەرۆيستىك قىزمەتتەر كورسەتەتىن كومپانيالار دا قاتىستى. اۋىلدىق كاسىپكەرلەر ءۇشىن كاسىپكەرلىكتى قولداۋدىڭ موبيلدىك ورتالىعىنىڭ ماڭىزى وتە زور. سەبەبى, اۋىلدىق كاسىپكەرلەردىڭ بارلىعىنىڭ ءبىردەي اتالعان قىزمەتتەردى پايدالانۋ ءۇشىن وبلىس ورتالىعىنا بارۋعا ۋاقىتتارى بولا بەرمەيدى. ال موبيلدىك ورتالىقتا مامانداردىڭ توبى كاسىپكەرلەرگە قاجەتتى قىزمەتتەردى ولاردىڭ تۇرعىلىقتى جەرلەرىنە بارىپ تەگىن كورسەتەدى.
كاسىپكەرلىكتى قولداۋدىڭ موبيلدىك ورتالىعىنىڭ قىزمەتىن پايدالانعان كاسىپكەرلەردىڭ ءبىرى – ەمبى قالاسىنىڭ تۇرعىنى ازامات ەسپەنبەتوۆ پلاستيكالىق تەرەزەلەر شىعارۋمەن اينالىسادى. وسى جىلى «اقتوبە» ايماقتىق يندۋستريالىق تەحنوپاركى» جشس سەرۆيستىك قولداۋ شەڭبەرىندە وعان ءوندىرىستى كەڭەيتۋگە باعىتتالعان بيزنەس-جوسپار قۇرۋ بويىنشا اقىسىز قىزمەت كورسەتتى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
