17 اقپان كۇنى قىزىلوردا قالالىق پوليتسيا باسقارماسىنا 1988 جىلى تۋعان قالا تۇرعىنى ارىزداندى. ارىزدانۋشىنىڭ ايتۋىنشا, وعان بەلگىسىز ءبىر ازاماتشا قالا اۋماعىندا قولجەتىمدى تۇرعىن ءۇي الۋعا جاردەمدەسەمىن دەپ ۋادە بەرىپ, الداۋ ارقىلى 1 250 000 تەڭگە كولەمىندە اقشاسىن يەلەنگەن.
پوليتسيا قىزمەتكەرلەرى وتكىزگەن جەدەل-ىزدەستىرۋ ءىس-شارالارىنىڭ ناتيجەسىندە وسى قىلمىستى جاساۋعا كۇدىكتى رەتىندە وبلىس ورتالىعىنىڭ 33 جاستاعى تۇرعىنى ۇستالدى. اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 190-بابىنىڭ 1-بولىگىمەن (الاياقتىق) سوتقا دەيىنگى تەرگەپ-تەكسەرۋ امالدارى جۇرگىزىلۋدە.
