BoxRec مالىمەتى بويىنشا, جەرلەسىمىزدىڭ قارسىلاسى 33 جاستاعى امەريكالىق سكوتت سيگمون (34-14-1, 17 كو) بولماق. 10 راۋندقا جوسپارلانعان جەكپە-جەك اقش-تىڭ فلوريدا شاتاتىنداعى پلانت-سيتي قالاسىندا وتەدى. وتانداسىمىز ەڭ سوڭعى رەت وتكەن جىلدىڭ جەلتوقسانىندا گەننادي گولوۆكين – كاميل شەرەمەتا اراسىنداعى بوكس كەشىنىڭ اندەركاردىندا جۇدىرىقتاسىپ, ەكۆادورلىق كارلوس گونگورادان (18-0, 13 كو) 12-راۋندتا نوكاۋتپەن جەڭىلگەن بولاتىن. بۇل كەزدەسۋدە ەكىنشى ورتا سالماقتاعى IBO بەلبەۋى ساراپقا سالىنعان ەدى.
ال امەريكالىق بوكسشى سيگمون ءوزىنىڭ سوڭعى جەكپە-جەگىن 2019 جىلعى 20 قىركۇيەكتە وتكىزىپ, 35 جاستاعى وتانداسى لايونەلل تومپسوننان جەڭىلگەن. انىقتاپ ايتار بولساق, سكوتت جەتىنشى راۋندتان كەيىن جۇدىرىقتاسۋدان باس تارتقان.
