2013 جىلعى 4 قازان, استانا قالاسى
گازبەن جابدىقتاۋ جۇيەلەرىنە قوسۋعا ارنالعان تەحنيكالىق شارتتاردى بەرۋ قاعيداسىن بەكىتۋ تۋرالى
قازاقستان رەسپۋبليكاسى ۇكىمەتىنىڭ 2012 جىلعى 10 تامىزداعى № 1041 قاۋلىسىمەن بەكىتىلگەن تاۋارلىق جانە سۇيىتىلعان مۇناي گازىن بولشەك ساۋدادا وتكىزۋ جانە پايدالانۋ قاعيدالارىنىڭ 7-تارماعىنا سايكەس بۇيىرامىن:
1. قوسا بەرىلگەن گازبەن جابدىقتاۋ جۇيەلەرىنە قوسۋعا ارنالعان تەحنيكالىق شارتتاردى بەرۋ قاعيداسى بەكىتىلسىن.
2. قازاقستان رەسپۋبليكاسى مۇناي جانە گاز مينيسترلىگىنىڭ گاز ونەركاسىبىن دامىتۋ دەپارتامەنتى (س.ا.برەكەشەۆ) قازاقستان رەسپۋبليكاسى ادىلەت مينيسترلىگىندە وسى بۇيرىقتىڭ مەملەكەتتىك تىركەۋىن جانە ونىڭ ودان ءارى زاڭنامادا بەلگىلەنگەن تارتىپپەن رەسمي بۇقارالىق اقپارات قۇرالدارىندا جاريالانۋىن قامتاماسىز ەتسىن.
3. وسى بۇيرىق العاشقى رەسمي جاريالانعانىنان كەيىن كۇنتىزبەلىك وتىز كۇن وتكەن سوڭ قولدانىسقا ەنگىزىلەدى.
مينيستر ۇ.قارابالين.
كەلىسىلدى
قازاقستان رەسپۋبليكاسى
وڭىرلىك دامۋ ءبىرىنشى
ۆيتسە-ءمينيسترى
_____________ ق. وسكەنباەۆ
«___» __________ 2013 جىل كەلىسىلدى
قازاقستان رەسپۋبليكاسى
تابيعي مونوپوليالاردى رەتتەۋ اگەنتتىگىنىڭ توراعاسى
_____________ م. وسپانوۆ
«___» __________ 2013 جىل
قازاقستان رەسپۋبليكاسى مۇناي جانە گاز ءمينيسترىنىڭ
2013 جىلعى 4 قازانداعى № 180 بۇيرىعىمەن بەكىتىلگەن
گازبەن جابدىقتاۋ جۇيەلەرىنە قوسۋعا ارنالعان تەحنيكالىق شارتتاردى بەرۋ قاعيداسى
1. جالپى ەرەجە
1. گازبەن جابدىقتاۋ جۇيەلەرىنە قوسۋعا ارنالعان تەحنيكالىق شارتتاردى بەرۋدىڭ وسى قاعيداسى (بۇدان ءارى – قاعيدا) «گاز جانە گازبەن جابدىقتاۋ تۋرالى» قازاقستان رەسپۋبليكاسىنىڭ 2012 جىلعى 9 قاڭتارداعى زاڭىنا (بۇدان ءارى – زاڭ), قازاقستان رەسپۋبليكاسى ۇكىمەتىنىڭ 2012 جىلعى 10 تامىزداعى № 1041 قاۋلىسىمەن بەكىتىلگەن تاۋارلىق جانە سۇيىتىلعان مۇناي گازىن بولشەك ساۋدادا وتكىزۋ جانە پايدالانۋ قاعيدالارىنا سايكەس ازىرلەندى جانە گازبەن جابدىقتاۋ جۇيەلەرىنە قوسۋعا ارنالعان تەحنيكالىق شارتتاردى بەرۋ مەن ولاردى بەرۋدەن دالەلدى باس تارتۋ ءتارتىبىن بەلگىلەيدى.
2. وسى قاعيدادا مىناداي نەگىزگى ۇعىمدار مەن انىقتامالار پايدالانىلادى:
قىزمەت جەتكىزۋشى – گاز تاراتاتىن نەمەسە گاز جەلىلىك ۇيىمدار;
تەحنيكالىق شارتتار – گازبەن جابدىقتاۋ جۇيەسى وبەكتىلەرىن سالۋعا, سۇراتىلاتىن (ەسەپ ايىرىسۋ) پارامەترلەردە تۇتىنۋشىنى قوسۋعا, گازبەن جابدىقتاۋ جۇيەسى وبەكتىسىنىڭ باستاپقى جوبالىق شەشىمىن وزگەرتۋگە ارنالعان گاز تاراتاتىن نەمەسە گاز جەلىلىك ۇيىمدارى بەرەتىن قۇجات.
وسى قاعيدادا پايدالانىلاتىن وزگە دە تەرميندەر مەن انىقتامالار زاڭعا سايكەس قولدانىلادى.
2. تەحنيكالىق شارتتاردى بەرۋ
3. تەحنيكالىق شارتتاردى قىزمەت جەتكىزۋشى مىنا جاعدايلاردا:
1) گازبەن جابدىقتاۋ جۇيەلەرىنە قوسىلاتىن جاڭا وبەكتىلەر جوبالانعان جانە كەيىن سالىنعاندا;
2) جۇمىس ىستەپ تۇرعان گازبەن جابدىقتاۋ جۇيەسىنىڭ تۇتىنىلاتىن قىزمەت كولەمدەرى ارتقاندا;
3) وبەكتىنى جاڭارتۋ جانە/نەمەسە پروفيلين وزگەرتۋ, ەگەر ول تۇتىناتىن قىزمەت كولەمدەرى مەن سيپاتتامالارىن وزگەرتۋگە اكەپ سوقسا.
4. تەحنيكالىق شارتتاردى الۋ ءۇشىن جەكە نەمەسە زاڭدى تۇلعا (بۇدان ءارى – ءوتىنىش بەرۋشى) قىزمەت جەتكىزۋشىگە بارىنشا ساعاتتىق تۇتىنۋ كولەمىن كورسەتە وتىرىپ ءوتىنىش ەرىكتى تۇردە بەرەدى.
وتىنىشكە مىنالار قوسا بەرىلەدى:
1) جەكە تۇلعالار ءۇشىن – وبەكت يەسىنىڭ جەكە كۋالىگىنىڭ كوشىرمەسى, زاڭدى تۇلعالار ءۇشىن – مەملەكەتتىك تىركەۋ/قايتا تىركەۋ تۋرالى كۋالىگى نەمەسە انىقتامانىڭ كوشىرمەسى;
2) وبەكتى ورنالاسقان جىلجىمايتىن م ۇلىككە قۇقىق بەلگىلەيتىن قۇجاتتار, نەمەسە جىلجىمايتىن م ۇلىك يەسىنىڭ وبەكتىنى گازداندىرۋعا ارنالعان نوتاريالدى كۋالاندىرعان كەلىسىمىنىڭ كوشىرمەسى;
3) گازداندىرىلاتىن وبەكتىگە (تۇرعىن ۇيگە) ارنالعان تەحنيكالىق پاسپورتتىڭ كوشىرمەسى نەمەسە قولدانىستاعى ء(ۇي ىشىندەگى) جەلىلەردى جاڭارتۋعا ارنالعان گازداندىرۋدىڭ ەسكيزدىك جوباسىنىڭ كوشىرمەسى;
4) 1:500 ماسشتابتاعى قۇرىلىس ۋچاسكەسىنىڭ توپوگرافيالىق ءتۇسىرىلىمى (بارلىق جەر ءۇستى جانە جەر استى كوممۋنيكاتسيالارى جانە قۇرىلىستارىمەن);
5) تەحنيكالىق سيپاتتاماسى كورسەتىلگەن گاز تۇتىنۋ جابدىقتارىنا ارنالعان تەحنيكالىق پاسپورتتىڭ كوشىرمەسى;
6) وبەكتىنىڭ ورنالاسۋ سحەماسى;
7) زاڭدى تۇلعالار ءۇشىن - كوپ قاباتتى ۇيلەردى گازداندىرۋ كەزىندە تاماق ءپىسىرۋ, جىلىتۋ, اۋانى جاڭارتۋ, كونديتسيونەرلەۋ, ىستىق سۋمەن جابدىقتاۋ ءۇشىن تابيعي گازدى پايدالانۋعا ارنالعان گيدراۆليكالىق ەسەپتەۋلەر.
5. جاڭا كەڭەيتىلەتىن جانە جاڭارتىلاتىن وبەكتىلەردىڭ گازبەن جابدىقتاۋ جۇيەلەرىنىڭ وندىرىستىك قۋاتتىلىعىن انىقتاۋ قاجەت بولعاندا قىزمەت جەتكىزۋشى وسى قاعيدانىڭ 4-تارماعىنا سايكەس ءوتىنىش كەلىپ تۇسكەن كۇنىنەن باستاپ ءۇش جۇمىس كۇنى ىشىندە كوممەرتسيالىق ەسەپتەۋ اسپاپتارىن ورناتۋ بويىنشا اقپاراتتاردى, ساۋالناما پاراعىن, جەر ۋچاسكەسىن ءبولۋ سىزباسىن سۇراتادى.
6. قىزمەت جەتكىزۋشىنىڭ تەحنيكالىق شارتتاردى بەرۋ مەرزىمى – وسى قاعيدانىڭ 4-تارماعىنا سايكەس ءوتىنىش كەلىپ تۇسكەن كۇنىنەن باستاپ بەس جۇمىس كۇنى.
7. گازبەن جابدىقتاۋ جۇيەلەرىنە وبەكتىلەردى قوسۋعا تەحنيكالىق شارتتار:
1) وسى قاعيدانىڭ 4-تارماعىنا سايكەس وتىنىشكە قوسا بەرىلەتىن قۇجاتتار مەن مالىمەتتەردىڭ تولىق جانە دۇرىس بولعان;
2) گازداندىرىلاتىن وبەكتىنىڭ قازاقستان رەسپۋبليكاسىنىڭ نورماتيۆتىك قۇقىقتىق اكتىلەرى مەن نورماتيۆتىك-تەحنيكالىق قۇجاتتارىنىڭ تالاپتارىنا سايكەس كەلگەن;
3) وبەكتىنى گازداندىرۋدىڭ تەحنيكالىق مۇمكىندىگى بولعاندا, ونىڭ ىشىندە, جاڭا وبەكتىلەردى قوسۋ نەمەسە قولدانىستاعى قۋاتتاردى ارتتىرۋ باسقا تۇتىنۋشىلارعا كورسەتىلەتىن قىزمەت ساپاسىن تومەندەتۋگە اكەلمەگەن;
4) جەلى بولعان جاعدايدا جۇزەگە اسىرىلاتىن بولادى.
8. وسى قاعيدانىڭ 7-تارماعىنداعى تالاپتارىنىڭ بىرەۋىنە سايكەس كەلمەسە ءوتىنىش بەرۋشىگە ءوتىنىش كەلىپ تۇسكەن كۇنىنەن باستاپ مەرزىمى بەس جۇمىس كۇنى ىشىندە باس تارتۋ سەبەپتەرى كورسەتىلگەن جازباشا تۇردە دالەلدى جاۋاپ جىبەرىلەدى.
9. تەحنيكالىق شارتتاردا جابدىقتىڭ ۇيعارىندى قۋاتتىلىعى, سانى, ورنالاسۋى جانە نەگىزگى سيپاتتامالارى كورسەتىلەدى.
10. تەحنيكالىق شارتتار جوبالاۋ (جوبالاۋ-سمەتالىق) قۇجاتتاما قۇرامىندا بەكىتىلگەن قۇرىلىستىڭ نورماتيۆتىك ۇزاقتىعىنىڭ بۇكىل مەرزىمى ىشىندە قولدانىلادى.
11. گازبەن جابدىقتاۋ جۇيەسى وبەكتىسىنىڭ باستاپقى جوبالىق شەشىمى وزگەرگەن جاعدايدا, تەحنيكالىق شارت, ولاردىڭ قولدانىلۋ كەزەڭى ىشىندە ءوتىنىش بەرۋشىنىڭ جاڭا تەحنيكالىق شارتقا ءوتىنىشى وسى قاعيدادا بەلگىلەنگەن تارتىپپەن قىزمەت جەتكىزۋشىگە بەرۋ ارقىلى وزگەرەدى.
12. تەحنيكالىق شارتتى ولاردىڭ قولدانىلۋ كەزەڭى ىشىندە وزگەرتۋ قىزمەت جەتكىزۋشىنىڭ باستاماسى بويىنشا ءوتىنىش بەرۋشىنىڭ كەلىسىمىمەن قازاقستان رەسپۋبليكاسىنىڭ نورماتيۆتىك قۇقىقتىق اكتىلەرى مەن نورماتيۆتىك-تەحنيكالىق قۇجاتتارىنىڭ تالاپتارى وزگەرتىلگەن جاعدايدا جول بەرىلەدى.
13. قىزمەت جەتكىزۋشى بەرىلگەن تەحنيكالىق شارتتاردىڭ ەسەبىن جۇرگىزەدى.
14. وبەكت يەسى اۋىسقان كەزدە مۇددەلى تاراپتاردىڭ ءبىرى (يەسى, ساتىپ الۋشى, جالعا الۋشى) ساتىپ الۋ-ساتۋ (م ۇلىكتىك جالداۋ) شارتى جاسالعان كۇنىنەن باستاپ ون كۇنتىزبەلىك كۇن ىشىندە قىزمەت جەتكىزۋشىگە يەسىنىڭ اۋىسۋى تۋرالى حابارلايدى جانە ولاردىڭ وكىلدەرىن بەلگىلەنگەن كۇنى مەن ساعاتتا كورسەتكىشتەردى, كوممەرتسيالىق ەسەپكە الۋ اسپاپتارىنىڭ قوسىلۋ سحەماسىن تەكسەرىپ سالىستىرۋ ءۇشىن شاقىرادى. قىزمەت جەتكىزۋشى ءتيىستى اكتىنى جاسايدى جانە تۇتىنۋشىعا سول جەردە بەرەدى.
قىزمەت جەتكىزۋشىگە يەسىنىڭ اۋىسۋى تۋرالى حابارلامامەن بىرگە تاراپتاردىڭ بالانستىق تيىستىلىگىن جانە پايدالانۋ جاۋاپكەرشىلىگىن ءبولۋ اكتىلەرىن قايتا راسىمدەۋگە جىبەرەدى. قايتا راسىمدەلگەن اكتىنى بەرۋ مەرزىمى حابارلاما العان كۇنىنەن باستاپ ءۇش جۇمىس كۇنىن قۇرايدى.
15. تەحنيكالىق شارتتاردى بەرۋ اقىسىز جۇزەگە اسىرىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2012 جىلعى 20 قاراشا نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №8021 بولىپ ەنگىزىلدى.
