الەم • 18 اقپان، 2021

سيتسيليا ارالىندا ەتنا جانارتاۋى اتقىلادى

71 رەت كورسەتىلدى

ۇلتتىق گەوفيزيكا جانە ۆۋلكانولوگيا ينستيتۋتى جەرگىلىكتى ۋاقىت بويىنشا 16:10-دا جانارتاۋدىڭ بەلسەندىگى جوعارىلاعانىن تىركەدى، دەپ حابارلايدى Egemen.kz

بۇل 2،9-دان 3 شاقىرىمعا دەيىنگى تەرەڭدىكتە بولعان جەر استى دۇمپۋلەرىنەن بولعان. اتقىلاۋ بيىكتىگى ءبىر شاقىرىمنان استى. سونىمەن قاتار ۆۋلكانولوگتار بۇل وقيعا جەرگىلىكتى تۇرعىندارعا قاۋىپ توندىرمەيدى دەپ سەندىرەدى.

«قازىر ۋايىمداماي، كورىنىستەن ءلاززات الۋعا بولادى»، دەدى ماروك نەري ۇلتتىق گەوفيزيكا جانە ۆۋلكانولوگيا ينستيتۋتىنىڭ مامانى.

كاتانيادا ءتۇتىن مەن اۋاعا اتقىلاعان كۇل سالدارىنان حالىقارالىق اۋەجايدىڭ جۇمىسىن توقتاتۋعا تۋرا كەلدى. زارداپ شەككەندەر تۋرالى اقپارات جوق. ال جەرگىلىكتى تۇرعىندار الەۋمەتتىك جەلىلەردە جانارتاۋدىڭ سۋرەتتەرى مەن ۆيدەوسىن تاراتىپ جاتىر. 

ەتنا − ەۋروپاداعى ەڭ ۇلكەن جانە بەلسەندى جانارتاۋ، ونىڭ بيىكتىگى 3،3 مىڭ مەترگە جەتەدى. وسىعان دەيىن قاڭتاردىڭ سوڭىندا جەرگىلىكتى تۇرعىندار جانارتاۋدان لاۆا اتقىلاعان كورىنىستى باقىلاعان بولاتىن.

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار