2013 جىلعى 5 جەلتوقسان, استانا, ۇكىمەت ءۇيى
مەتروپوليتەننىڭ قاۋىپتىلىگى جوعارى ايماعىندا بولۋ جانە وندا جۇمىس جۇرگىزۋ قاعيدالارىن بەكىتۋ تۋرالى
«قازاقستان رەسپۋبليكاسىنداعى كولىك تۋرالى» 1994 جىلعى 21 قىركۇيەكتەگى قازاقستان رەسپۋبليكاسى زاڭىنىڭ 23-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان مەتروپوليتەننىڭ قاۋىپتىلىگى جوعارى ايماعىندا بولۋ جانە وندا جۇمىس جۇرگىزۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013جىلعى 5 جەلتوقسانداعى №1319 قاۋلىسىمەن بەكىتىلگەن
مەتروپوليتەننىڭ قاۋىپتىلىگى جوعارى ايماعىندا بولۋ جانە وندا جۇمىس جۇرگىزۋ قاعيدالارى
1. جالپى ەرەجەلەر
1. وسى مەتروپوليتەننىڭ قاۋىپتىلىگى جوعارى ايماعىندا بولۋ جانە وندا جۇمىس جۇرگىزۋ قاعيدالارى (بۇدان ءارى – قاعيدالار) مەتروپوليتەننىڭ قاۋىپتىلىگى جوعارى ايماعىندا بولۋ جانە وندا جۇمىس جۇرگىزۋ ءتارتىبىن ايقىندايدى.
2. وسى قاعيدالاردا مىناداي نەگىزگى ۇعىمدار قولدانىلادى:
1) جولاۋشى – مەتروپوليتەندە جول ءجۇرۋ ءۇشىن جول ءجۇرۋ قۇجاتى (بيلەتى) بار جەكە تۇلعا;
2) مەتروپوليتەننىڭ اكىمشىلىگى – جەدەل باسقارۋدى جۇزەگە اسىرۋعا ۋاكىلەتتى, قازاقستان رەسپۋبليكاسىنىڭ زاڭناماسىنا سايكەس ارەكەت ەتەتىن مەتروپوليتەننىڭ كاسىپورىن باسشىلىعى;
3) مەتروپوليتەننىڭ جولاۋشىلارعا قىزمەت كورسەتۋ بويىنشا كەزەكشىسى –جولاۋشىلاردىڭ قاۋىپسىز وتىرۋىن, ءتۇسۋىن, ولاردىڭ ستانتسيا پلاتفورماسىندا بىركەلكى تاراۋىن, جولاۋشىلاردىڭ, سونىڭ ىشىندە مۇمكىندىگى شەكتەۋلى جولاۋشىلاردىڭ مەتروپوليتەننىڭ جىلجىمالى قۇرامىنا وتىرعىزۋ الدىندا (تەحنيكالىق قۇرالداردى پايدالانا وتىرىپ) ستانتسيا بويىنشا قوزعالىسىن قامتاماسىز ەتەتىن قىزمەتكەر;
4) مەتروپوليتەننىڭ قىزمەتكەرى – مەتروپوليتەن اكىمشىلىگىمەن ەڭبەك قاتىناستارىندا تۇرعان جانە لاۋازىمدىق نۇسقاۋلىقتار مەن جەكە ەڭبەك شارتىنا سايكەس جولاۋشىلاردىڭ ءجۇرۋى مەن مەتروپوليتەننىڭ جىلجىمالى قۇرامىنا وتىرۋىنىڭ قاۋىپسىزدىگىن قامتاماسىز ەتۋگە, جولاۋشىلاردىڭ ومىرىنە جانە مەتروپوليتەننىڭ جىلجىمالى قۇرامىنىڭ قوزعالىسى قاۋىپسىزدىگىنە قاۋىپ توندىرەتىن بارلىق جاعدايدا شەشىم جانە مەتروپوليتەننىڭ جىلجىمالى قۇرامدارىن توقتاتۋعا شارالار قابىلداۋعا بايلانىستى جۇمىستى تىكەلەي ورىندايتىن جەكە تۇلعا;
5) مەتروپوليتەننىڭ قاۋىپتىلىگى جوعارى ايماعى – مەتروپوليتەندە جولاۋشىلاردى تاسىمالداۋعا بايلانىستى ەسكالاتورلار, ستانتسيا پلاتفورماسى, مەتروپوليتەننىڭ جىلجىمالى قۇرامى, مەتروپوليتەننىڭ رەلستىك جولدارى, مەتروپوليتەننىڭ وزگە دە وبەكتىلەرى;
6) مەتروپوليتەننىڭ جىلجىمالى قۇرامى – ءبىر نەمەسە بىرنەشە موتورۆاگوندىق سەكتسيالاردان تۇراتىن جانە جولاۋشىلاردى تاسىمالداۋعا ارنالعان جىلجىمالى قۇرام;
7) مەتروپوليتەن – كولىكتىڭ وزگە تۇرلەرىنىڭ جەلىلەرىنەن جانە جۇرگىنشىلەردىڭ ولارعا ءوتۋ جولىنان وقشاۋلانعاڭ/(بولىنگەن, ءبىر دەنگەيدەگى قيىلىستارى جوق) جولدار بويىنشا جولاۋشىلار مەن باگاجدى الەۋمەتتىك ماڭىزى بار تۇراقتى تاسىمالداۋدى جۇزەگە اسىراتىن قالالىق رەلستىك كولىك ءتۇرى;
8) مەتروپوليتەن ستانتسياسى – پويىزداردى قابىلداۋ, جونەلتۋ جانە جولاۋشىلارعا قىزمەت كورسەتۋ بويىنشا قۇرىلىستار مەن قۇرىلعىلار كەشەنى;
9) ستانتسيا پلاتفورماسى – مەتروپوليتەننىڭ جىلجىمالى قۇرامىنا جولاۋشىلاردى وتىرعىزۋ جانە ءتۇسىرۋ ءۇشىن جابدىقتالعان مەتروپوليتەن ستانتسياسىنىڭ بولىگى;
10) ەسكالاتور – ادامداردىڭ ءبىر دەڭگەيدەن ەكىنشى دەڭگەيگە اۋىسۋى ءۇشىن قوزعالاتىن ساتىلارى بار باسپالداق تۇرىندەگى كوتەرۋ-كولىك قۇرىلعىسى.
2. مەتروپوليتەننىڭ قاۋىپتىلىگى جوعارى ايماعىندا بولۋ ءتارتىبى
3. جولاۋشىلار مەتروپوليتەننىڭ ەسكالاتورىن پايدالانعان كەزدە:
1) جولاۋشىلاردىڭ ءجۇرۋ كەزەگىن ساقتايدى;
2) ەسكالاتوردىڭ قوزعالىس باعىتى بويىنشا ون جاقتا تۇرادى;
3) ساتىلارداعى شەكتەۋ سىزىعىن جانە ەسكالاتوردىڭ قوزعالمايتىن بولىكتەرىن باسپاي, تۇتقادان ۇستاپ تۇرادى;
4) جاس بالالاردى قولدارىنان ۇستاپ جۇرەدى;
5) ەسكالاتوردان ءتۇسۋ كەزىندە كىدىرمەيدى;
6) ەسكالاتور بويىنشا سول جاعىمەن جۇرەدى.
جولاۋشىلار اعىنى ۇلعايعان جاعدايدا, جولاۋشىلار ەسكالاتور توسەمىنىڭ سول جانە وڭ جاقتارىن تولتىرادى جانە قوزعالادى.
4. جولاۋشىلارعا ەسكالاتوردا وتىرۋعا, ەسكالاتوردىڭ قوزعالىسىنا قارسى جۇرۋگە, مەتروپوليتەن قىزمەتكەرلەرىنىڭ رۇقساتىنسىز ەسكالاتوردىڭ ءبىر جەلىسىنەن ەكىنشىسىنە جانە جۇمىس ىستەمەيتىن ەسكالاتور بويىنشا ورىن اۋىستىرۋعا تىيىم سالىنادى.
5. مەتروپوليتەننىڭ جىلجىمالى قۇرامىنىڭ كەلۋىن كۇتۋ مەتروپوليتەن ستانتسيالارىنىڭ پلاتفورمالارىندا شەكتەۋ سىزىعىنا كىرمەي جۇزەگە اسىرىلادى.
6. جولاۋشىلاردى مەتروپوليتەننىڭ جىلجىمالى قۇرامىنا وتىرعىزۋ, ءتۇسىرۋ مەتروپوليتەننىڭ جىلجىمالى قۇرامى تولىق توقتاعاننان كەيىن جۇرگىزىلەدى.
7. جولاۋشىلاردىڭ مەتروپوليتەننىڭ جىلجىمالى قۇرامىنان شىعۋى جانە وعان وتىرعىزۋ مەتروپوليتەن ستانتسيالارىنىڭ پلاتفورماسى جاعىنان جۇرگىزىلەدى.
جولاۋشىلار ستانتسيا پلاتفورمالارىندا تۇرعان كەزدە, مەتروپوليتەننىڭ جولاۋشىلارعا قىزمەت كورسەتۋ بويىنشا كەزەكشىسىنىڭ نۇسقاۋىمەن بارلىق پلاتفورما ستانتسياسى بويىنشا بىركەلكى ورنالاسادى جانە مەتروپوليتەننىڭ جىلجىمالى قۇرامى توقتاعان كەزدە جولاۋشىلار ەركىن شىعۋ ءۇشىن مەتروپوليتەننىڭ جىلجىمالى قۇرامىنىڭ اۆتوماتتاندىرىلعان ەسىكتەرىنىڭ الدىنداعى ورىنداردى بوساتادى.
كامەلەتكە تولماعان ادامدار مەتروپوليتەن ستانتسياسىنىڭ اۋماعىندا بىرگە جۇرەتىن ەرەسەك ادامنىڭ نەمەسە مەتروپوليتەننىڭ جولاۋشىلارعا قىزمەت كورسەتۋ بويىنشا كەزەكشىسىمەن بىرگە جۇرەدى.
8. مەتروپوليتەن قىزمەتكەرلەرى, جولاۋشىلار قاۋىپتىلىگى جوعارى ايماقتاردا:
1) كامەلەتكە تولماعانداردى قاراۋسىز قالدىرماۋعا, ءارتۇرلى قيمىل ويىندارىن ۇيىمداستىرماۋعا;
2) ەسكالاتورلاردى جانە وتكەلدەردى قول جۇگىمەن, باگاجبەن, وزگە دە زاتتارمەن بوگەمەۋگە;
3) مەتروپوليتەننىڭ جىلجىمالى قۇرامىنىڭ ءجۇرۋى بارىسىندا وتىرماۋعا جانە تۇسپەۋگە, ۆاگون تەرەزەلەرىنەن باسىن شىعارماۋعا;
4) مەتروپوليتەننىڭ جىلجىمالى قۇرامى ەسىكتەرىنىڭ اۆتوماتتى جابىلۋى مەن اشىلۋىن بوگەمەۋگە, ولاردى قوزعالىس كەزىندە اشپاۋعا;
5) قوقىستاردى تاستاماۋعا, مەتروپوليتەننىڭ جىلجىمالى قۇرامىنىڭ سالونىندا تەز تۇتانعىش جانە جارىلعىش زاتتاردى تاسىمالداماۋعا;
6) ستانتسيالاردا وتەتىن جەرلەرى مەن مەتروپوليتەننىڭ جىلجىمالى قۇرامىندا تەمەكى تارتپاۋعا;
7) ۆەستيبيۋلدەردى, وتپەلەردى, ستانتسيالار پلاتفورمالارىن, مەتروپوليتەننىڭ جىلجىمالى قۇرامىنىڭ سالوندارىن, ەسكالاتورلاردى جانە جولداردى لاستاماۋعا;
8) سپيرتتىك ىشىمدىكتەر ىشپەۋگە, مەتروپوليتەننىڭ جىلجىمالى قۇرامىندا جانە ستانتسيالارىندا الكوگولگە, ەسىرتكىگە نەمەسە ۋىتقا ماس كۇيدە بولماۋعا;
9) جولاۋشى پلاتفورماسى ارقىلى كەلە جاتقان نەمەسە جونەلىپ بارا جاتقان مەتروپوليتەننىڭ جىلجىمالى قۇرامىمەن قاتار جۇگىرمەۋگە, سونداي-اق مەتروپوليتەننىڭ جىلجىمالى قۇرامى ايالداۋسىز ءوتىپ بارا جاتقان كەزدە پلاتفورمانىڭ شەتىنەن ەكى مەتر جاقىن بولماۋعا, مەتروپوليتەننىڭ جىلجىمالى قۇرامى تولىق توقتاعانعا دەيىن جاقىنداماۋعا;
10) مەتروپوليتەننىڭ جىلجىمالى قۇرامى ۆاگونىنىڭ اۆتوماتتاندىرىلعان ەسىگىنە سۇيەنبەۋگە ءتيىس.
9. جولاۋشىلارعا مەتروپوليتەننىڭ ستانتسيالارىندا رەلستىك جولداردان وتۋگە جانە وعان تۇسۋگە جول بەرىلمەيدى.
10. جولاۋشىلار ستانتسيا پلاتفورماسىندا مەتروپوليتەننىڭ جىلجىمالى قۇرامىن كۇتكەن كەزدە جولاۋشىلارعا قىزمەت كورسەتۋ بويىنشا كەزەكشىنىڭ جانە مەتروپوليتەننىڭ باسقا دا قىزمەتكەرلەرىنىڭ مەتروپوليتەننىڭ جىلجىمالى قۇرامىنىڭ كەلۋىن كۇتۋ جانە وعان وتىرعىزۋ كەزىندە جولاۋشىلاردىڭ قاۋىپسىزدىگىن قامتاماسىز ەتۋگە بايلانىستى تالاپتارىن ساقتايدى.
3. مەتروپوليتەننىڭ قاۋىپتىلىگى جوعارى ايماعىندا جۇمىس جۇرگىزۋ ءتارتىبى
11. مەتروپوليتەننىڭ قاۋىپتىلىگى جوعارى ايماقتارىندا جۇمىستار جۇرگىزۋ مەتروپوليتەن اكىمشىلىگى بەرەتىن جازباشا رۇقسات نەگىزىندە جۇرگىزىلەدى.
12. مەتروپوليتەننىڭ قاۋىپتىلىگى جوعارى ايماعىندا جۇمىستار جۇرگىزۋگە رۇقسات الۋ ءۇشىن مەتروپوليتەن اكىمشىلىگىنىڭ مەكەنجايىنا مىناداي قۇجاتتار:
1) جۇمىس تۇرلەرىن جانە ولاردى جۇرگىزۋ قاجەتتىلىگى كورسەتىلگەن جازباشا ءوتىنىش;
2) جۇمىستار جۇرگىزۋ كەزىندە مەتروپوليتەننىڭ قاۋىپتىلىگى جوعارى ايماعىنىڭ وبەكتىلەرى (ەلەمەنتتەرى) زاقىمدالعان جاعدايدا, ولاردى قالپىنا كەلتىرۋ تۋرالى مىندەتتەمە;
3) قورشاۋلاردى ورنالاستىرۋ جانە جۇمىستاردى جۇرگىزۋ ورىندارىنىڭ سحەماسى;
4) جۇمىستاردى جۇرگىزۋدىڭ جانە اياقتاۋدىڭ كۇنتىزبەلىك كەستەسى بەرىلەدى.
13. ءوتىنىش جەتى جۇمىس كۇنىنىڭ ىشىندە قارالادى جانە كورسەتىلگەن مەرزىمنەن كەيىن جۇمىستاردى جۇرگىزۋگە رۇقسات نە باس تارتۋ تۋرالى دالەلدى جاۋاپ بەرىلەدى.
وسى قاعيدالاردىڭ 12-تارماعىندا كورسەتىلگەن قۇجاتتاردى تولىق ۇسىنباۋ مەتروپوليتەننىڭ قاۋىپتىلىگى جوعارى ايماعىندا جۇمىستار جۇرگىزۋگە رۇقسات بەرۋدەن باس تارتۋعا نەگىز بولىپ تابىلادى.
14. جەدەل اۆاريالىق-قالپىنا كەلتىرۋ جۇمىستارى مەتروپوليتەن اكىمشىلىگى وكىلىنىڭ قاتىسۋىمەن ورىندالادى.
جەدەل اۆاريالىق-قالپىنا كەلتىرۋ جۇمىستارىن جۇرگىزۋ قاجەتتىگىن, سونداي-اق ولاردىڭ شارتتارىن مەتروپوليتەن اكىمشىلىگى ايقىندايدى.
15. مەتروپوليتەننىڭ قاۋىپتىلىگى جوعارى ايماعىندا مەتروپوليتەندە قوزعالىس قاۋىپسىزدىگىن تومەندەتەتىن جانە مەتروپوليتەننىڭ جىلجىمالى قۇرامىنىڭ قوزعالىسىندا ۇزىلىستەردىڭ تۋىنداۋىنا اكەلەتىن جۇمىستاردى جۇرگىزۋگە رۇقسات ەتىلمەيدى.
16. جولاۋشىلار قاۋىپسىزدىگىنە قاتەر تونگەن كەزدە مەتروپوليتەننىڭ قىزمەتكەرلەرى مەتروپوليتەننىڭ اۋماعىنان جولاۋشىلاردى ەۆاكۋاتسيالايدى.
17. قاۋىپتىلىگى جوعارى ايماققا ءورت ءسوندىرۋ جانە اۆاريالىق-قۇتقارۋ كوماندالارى, جەدەل مەديتسينالىق جاردەم بريگادالارى كەدەرگىسىز جىبەرىلەدى.
