بۇل ءۇشىن كادرلاردى ىرىكتەۋدىڭ اۆتوماتتاندىرىلعان «نr-process» جۇيەسى ىسكە قوسىلماق. بۇعان دەيىن بۇل جۇيە قالاداعى ءبىلىم سالاسىنا ەندىرىلىپ, بۇگىنگى كۇنگە دەيىن 300-دەن پەداگوگ جۇمىسقا ورنالاسقان بولاتىن.
مامانداردى جۇمىسقا ىرىكتەيتىن اقپاراتتىق جۇيەنى ىسكە اسىرۋ ءۇشىن شىمكەنت قالاسىنىڭ دەنساۋلىق ساقتاۋ باسقارماسى مەن «HR-process» كومپانياسى اراسىندا كەلىسىم شارت ءتۇزىلدى. كەلىسىم نەگىزىندە 2021 جىلدىڭ ءساۋىر ايىنان باستاپ جاڭا جۇيە ىسكە قوسىلىپ, جۇمىس ىزدەۋشى ازاماتتار اقپاراتتىق پورتال ارقىلى جۇمىسقا قىبىلدانادى. كادرلاردى ىرىكتەۋدىڭ اشىق جانە وبەكتيۆتى جۇيەسى – دەنساۋلىق سالاسىنا ۇزدىك مامانداردى تارتۋدىڭ كەپىلى بولادى.
جاڭا جۇيە ارقىلى جۇمىس ىزدەگەن مەديتسينا ءبىلىمى بار ماماندار باس دارىگەر نەمەسە كادر بولىمىنە بارماي-اق ارنايى باعدارلاما ارقىلى جۇمىسقا تۇرۋعا ءوتىنىش بىلدىرەدى. ياعني, «HR-process» اقپاراتتىق پورتالىندا جۇمىس ىزدەۋشى ازامات ءوزى تۋرالى تولىق اقپاراتتى ەنگىزىپ, ۇپاي جينايدى. جوعارى ۇپاي جيناعان ازامات اۆتوماتتى تۇردە قالاداعى مەملەكەتتىك مەديتسينالىق ۇيىمدارعا جۇمىسقا قابىلدانادى.
ايتا كەتەيىك, بۇل جوبانىڭ ماقساتى كانديداتتار ءۇشىن دەنساۋلىق ساقتاۋ مەكەمەلەرىنىڭ وزەكتى بوس ورىندارىنا قولجەتىمدىلىكتى قامتاماسىز ەتە وتىرىپ, كادرلاردى ىرىكتەۋ كەزىندە سىبايلاس جەمقورلىقتى الدىن الۋ بولىپ تابىلادى.
بۇگىندە قالاداعى مەملەكەتتىك مەديتسينا مەكەمەلەرىندە انەستەزيولوگ, رەانيماتولوگ, رەۆماتولوگ, ينفەكتسيونيست جانە پەدياتر سىندى ماماندىقتارى بويىنشا 120-دان استام دارىگەرلەردىڭ بوس ورنى بار.
