«تسيفرلىق جاز» باعدارلاماسىنىڭ ءتورتىنشى تولقىنىنىڭ ەرەكشەلىكتەرى تۋرالى «سامۇرىق-قازىنا» تسيفرلاندىرۋ جانە ترانسفورماتسيالاۋ جونىندەگى باسقارۋشى ديرەكتورى داۋرەن كەرەيباەۆ ءباسپاسوز بريفينگ بارىسىندا ايتىپ ءوتتى.
ونىڭ ايتۋىنشا, بيىل تمد-دا بالاماسى جوق بىرەگەي باعدارلاماعا IT سالاسىنداعى بولاشاق ماماندار عانا ەمەس, سونىمەن قاتار HR, قارجىگەرلەر, ەكونوميستەر جانە تەحنيكالىق ماماندىق وكىلدەرى قاتىسا الادى.
تاعىلىمدامادان وتۋشىلەر الماتى جانە استانا قالالارىنداعى «سامۇرىق-قازىنا» توبىنىڭ: «قازمۇنايگاز» ۇك» اق, «قازاقستان تەمىر جولى» ۇك» اق, «قازپوچتا» اق, «سامۇرىق-ەنەرگو» اق, «قازاقتەلەكوم» اق, «KEGOC» اق, «ەير استانا» اق, «قازاتومونەركاسىپ» ۇاك» اق, «QazCloud» جشس جانە ت.ب. كومپانيالارىندا جۇمىس تاجىريبەسىن ساتىپ الۋ مۇمكىندىگىنە يە بولادى.
باعدارلامانىڭ ءاربىر قاتىسۋشىسىنا جەكە تالىمگەر بەكىتىلەدى. تاعىلىمداما كەزەڭىندە 50 000 تەڭگە مولشەرىندە اي سايىنعى ستيپەنديا كوزدەلگەن.
«تسيفرلىق جاز» جاس تالانتتارعا كەم دەگەندە تاعىلىمدامادان وتۋگە, ءوز مۇمكىندىكتەرىن سىناۋعا, ەلىمىزدىڭ ءىرى كومپانيالارىنىڭ جوبالارىن ىسكە اسىرۋعا ۇلەس قوسۋعا, وقۋعا, ەڭ كوپ دەگەندە جۇمىسقا ورنالاسۋعا كومەكتەسەدى», دەدى داۋرەن كەرەيباەۆ.
ەستەرىڭىزگە سالا كەتەيىك, «تسيفرلىق جاز» باعدارلاماسى جاس مامانداردى قور كومپانيالارى توبىنداعى تسيفرلاندىرۋ جانە ترانسفورماتسيالاۋ جوبالارىنا تارتۋ ءۇشىن 2018 جىلى ىسكە قوسىلدى. باعدارلاما ستۋدەنتتەر اراسىندا تانىمال بولا باستادى: 2018 جىلى قاتىسۋعا 500 ءوتىنىم بەرىلدى, ال 2020 جىلى-4,5 ەسە كوپ. وتكەن ءۇش جىل ىشىندە باعدارلامانىڭ 54 تۇلەگى قور توبىنىڭ كومپانيالارىنان جۇمىس تۋرالى ۇسىنىستار الدى.
