2013 جىلعى 4 جەلتوقسان, استانا, ۇكىمەت ءۇيى
«اۆتوموبيل كولىگىمەن جۇكتەردى تاسىمالداۋ قاعيداسىن بەكىتۋ تۋرالى»
قازاقستان رەسپۋبليكاسى ۇكىمەتىنىڭ 2011 جىلعى 18 شىلدەدەگى
№ 826 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
1. «اۆتوموبيل كولىگىمەن جۇكتەردى تاسىمالداۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 18 شىلدەدەگى № 826 قاۋلىسىنا (قازاقستان رەسپۋبليكاسىنىڭ ءپۇاج-ى, 2011 ج., № 47, 645-قۇجات) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن قاۋلىمەن بەكىتىلگەن اۆتوموبيل كولىگىمەن جۇكتەردى تاسىمالداۋ قاعيداسىندا:
2-تارماقتىڭ 2) تارماقشاسى مىناداي رەداكتسيادا جازىلسىن:
«2) اۆتوموبيلمەن تاسىمالداۋشى (بۇدان ءارى – تاسىمالداۋشى) – مەنشىك قۇقىعىندا نەمەسە وزگە دە زاڭدى نەگىزدەردە اۆتوكولىك قۇرالدارىنا يەلىك ەتەتىن, جولاۋشىلاردى, باگاجدى, جۇكتەردى نەمەسە پوشتانى تاسىمالداۋدا اقىعا نەمەسە جالعا قىزمەتتەر كورسەتەتىن زاڭدى نەمەسە جەكە تۇلعا;»;
2-تارماق مىناداي مازمۇنداعى 3-1) تارماقشامەن تولىقتىرىلسىن:
«3-1) ءوزى اۋدارعىش – جۇكتى ءتۇسىرۋ ءۇشىن مەحانيكالىق ەڭكەيتىلەتىن شاناعى بار, جۇكتى ءوزى تۇسىرەتىن اۆتوموبيل, تىركەمە نەمەسە جارتىلاي تىركەمە;»;
مىناداي مازمۇنداعى 10-1-تارماقپەن تولىقتىرىلسىن:
«10-1. تاسىمالداۋشى اۆتوكولىك قۇرالدارىن پايدالانۋ پروتسەسىندە جۇرگىزۋشىلەردىڭ رەيس الدىنداعى (اۋىسىم الدىنداعى) مەديتسينالىق تەكسەرۋدەن ءوتۋىن, سونداي-اق اۆتوكولىك قۇرالدارىنىڭ رەيس الدىنداعى (اۋىسىم الدىنداعى) تەحنيكالىق قاراپ تەكسەرۋدەن ءوتۋىن قامتاماسىز ەتەدى.»;
20-تارماق مىناداي مازمۇنداعى ءتورتىنشى بولىكپەن تولىقتىرىلسىن:
«اۆتوكولىك قۇرالىنىڭ جولداما پاراقتارى جانە تاۋار-كولىك جۇكقۇجاتتارى جولداما پاراقتارى مەن تاۋار-كولىك جۇكقۇجاتتارى قوزعالىسىن ەسەپكە الۋ جۋرنالدارىندا تىركەۋگە جانە تاسىمالداۋشىدا جۋرنالدارمەن بىرگە 5 جىل بويى ساقتالۋعا جاتادى.»;
28-تارماق مىناداي رەداكتسيادا جازىلسىن:
«28. تيەۋ جۇمىستارىن جۇزەگە اسىرۋ كەزىندە جۇك اۆتوكولىك قۇرالىنىڭ سالماقتىق جانە گاباريتتىك پارامەترلەرى زاڭنامادا بەلگىلەنگەن جول بەرىلەتىن پارامەترلەردەن اسپايتىنداي ەتىپ ورنالاستىرىلادى.»;
مىناداي مازمۇنداعى 28-1-تارماقپەن تولىقتىرىلسىن:
«28-1. جۇك جونەلتۋشىگە اۆتوكولىك قۇرالىنا جۇك تيەۋ پروتسەسىندە قازاقستان رەسپۋبليكاسىنىڭ زاڭناماسىندا بەلگىلەنگەن جول بەرىلەتىن سالماقتىق جانە گاباريتتىك پارامەترلەردى ارتتىرۋعا جول بەرىلمەيدى.»;
34-تارماق مىناداي رەداكتسيادا جازىلسىن:
«34. بەلگىلى ءبىر جۇكتى تاسىمالداۋعا ارنالعان اۆتوكولىك قۇرالدارىن قوسىمشا جابدىقتاۋ مەن جاراقتاندىرۋدى جۇك جونەلتۋشى تاسىمالداۋشىمەن كەلىسىم بويىنشا عانا جۇرگىزۋى مۇمكىن, ال قاۋىپتى, ءىرى گاباريتتى نەمەسە اۋىر سالماقتى جۇكتەر تاسىمالدانعان جاعدايدا, قازاقستان رەسپۋبليكاسىنىڭ اكىمشىلىك پوليتسياسى ورگاندارىمەن كەلىسىلەدى.»;
57-تارماق الىنىپ تاستالسىن;
234-تارماق مىناداي رەداكتسيادا جازىلسىن:
«234. استىق, سۇرلەم ماسساسى جانە قانت قىزىلشاسى ىدىسسىز تاسىلمەن ەرنەۋلى اۆتوكولىك قۇرالدارىمەن جانە (نەمەسە) ءوزى اۋدارعىشتارمەن تاسىمالدانادى.»;
254-تارماقتىڭ ەكىنشى بولىگى مىناداي رەداكتسيادا جازىلسىن:
«جانۋارلاردى ءوزى اۋدارعىشتارمەن تاسىمالداۋعا جول بەرىلمەيدى.»;
295-تارماق مىناداي رەداكتسيادا جازىلسىن:
«295. سۇيىق بەتون مەن قۇرىلىس ەرىتىندىلەرىن تاسىمالداۋ ءۇشىن تاسىمالداۋشىلار ءوزى اۋدارعىشتاردى, وجاۋ نەمەسە بۋنكەرلىك ۇلگىلەردەگى شاناقتارى بار جۇك اۆتوموبيلدەرىن, تسيستەرنالاردى بولەدى. قۇرعاق بەتون قوسپالارىن جانە قۇرىلىس ەرىتىندىلەرىن ىدىستىق تاسىلمەن قاپتاردا تاسىمالداۋ ءۇشىن تاسىمالداۋشىلار ەرنەۋلى اۆتوكولىك كۇرالدارىن, ال ىدىسسىز تاسىلمەن تاسىمالداۋ كەزىندە بۋنكەر ۇلگىسىندەگى شاناقتارى بار جۇك اۆتوموبيلدەرى مەن تسيستەرنالاردى بولەدى.»;
296-تارماق مىناداي رەداكتسيادا جازىلسىن:
«296. سۇيىق بەتون مەن قۇرىلىس ەرىتىندىلەرىن تاسىمالداۋعا ارنالعان ءوزى اۋدارعىشتاردىڭ تىعىزدالعان ارتقى ەرنەۋى, 450-500 مم بيىكتەتىلگەن الدىڭعى جانە قاپتال ەرنەۋلەرى بولادى.»;
312-تارماق مىناداي رەداكتسيادا جازىلسىن:
«312. ءۇيىپ تاسىمالداناتىن جۇكتەردى تاسىمالداۋ ءۇشىن تاسىمالداۋشىلار ءوزى اۋدارعىشتاردى بولەدى.»;
مىناداي مازمۇنداعى 312-1-تارماقپەن تولىقتىرىلسىن:
«312-1. رۇقسات ەتىلگەن ەڭ كوپ ماسساسى قازاقستان رەسپۋبليكاسىنىڭ زاڭناماسىندا بەلگىلەنگەن اۆتوكولىك قۇرالىنىڭ جول بەرىلەتىن جالپى ماسساسىنان اساتىن ءوزى اۋدارعىشپەن جۇكتەردى قازاقستان رەسپۋبليكاسىنىڭ جالپى پايدالانىمداعى اۆتوموبيل جولدارى ارقىلى اۆتوموبيلمەن تاسىمالداۋلارعا جول بەرىلمەيدى.»;
313-تارماق مىناداي رەداكتسيادا جازىلسىن:
«313. تاسىمالداۋشىلار جۇكتى اۆتوموبيلمەن تاسىمالداۋ شارتى بويىنشا ءوزى اۋدارعىشتاردى جىلىتۋ جۇيەسىمەن جابدىقتاۋدى جۇك جونەلتۋشىنىڭ نەمەسە جۇك الۋشىنىڭ ەسەبىنەن تولەۋ ارقىلى وسى جۇمىستاردى وزدەرىنە قابىلداپ الۋى مۇمكىن.».
2. وسى قاۋلى 1-تارماقتىڭ2015 جىلعى 1 قاڭتاردان باستاپ قولدانىسقا ەنگىزىلەتىن جيىرما سەگىزىنشى جانە جيىرما توعىزىنشى ابزاتستارىن قوسپاعاندا, العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
