2013 جىلعى 13 قاراشا, استانا, ۇكىمەت ءۇيى
«گاز جانە گازبەن جابدىقتاۋ سالاسىنداعى مەملەكەتتىك-جەكە مەنشىك ارىپتەستىك شەڭبەرىندە ىلەسپە گازدى ينۆەستورلارعا بەرۋدىڭ قاعيدالارى مەن شارتتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 5 شىلدەدەگى № 913 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكiمەتi قاۋلى ەتەدi:
1. «گاز جانە گازبەن جابدىقتاۋ سالاسىنداعى مەملەكەتتىك-جەكە مەنشىك ارىپتەستىك شەڭبەرىندە ىلەسپە گازدى ينۆەستورلارعا بەرۋدىڭ قاعيدالارى مەن شارتتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 5 شىلدەدەگى № 913 قاۋلىسىنا (قازاقستان رەسپۋبليكاسىنىڭ ءپۇاج-ى, 2012 ج., № 62, 855-قۇجات) مىناداي وزگەرىستەر ەنگىزىلسىن:
تاقىرىبى مىناداي رەداكتسيادا جازىلسىن:
«گاز جانە گازبەن جابدىقتاۋ سالاسىنداعى ارىپتەستىك شەڭبەرىندە ىلەسپە گازدى ينۆەستورلارعا بەرۋ قاعيدالارى مەن شارتتارىن بەكىتۋ تۋرالى»;
1-تارماق مىناداي رەداكتسيادا جازىلسىن:
«1. قوسا بەرىلىپ وتىرعان گاز جانە گازبەن جابدىقتاۋ سالاسىنداعى ارىپتەستىك شەڭبەرىندە ىلەسپە گازدى ينۆەستورلارعا بەرۋ قاعيدالارى مەن شارتتارى بەكىتىلسىن.»;
كورسەتىلگەن قاۋلىمەن بەكىتىلگەن گاز جانە گازبەن جابدىقتاۋ سالاسىنداعى مەملەكەتتىك-جەكە مەنشىك ارىپتەستىك شەڭبەرىندە ىلەسپە گازدى ينۆەستورلارعا بەرۋدىڭ قاعيدالارى مەن شارتتارى وسى قاۋلىعا قوسىمشاعا سايكەس جاڭا رەداكتسيادا جازىلسىن.
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-مينيسترi س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 13 قاراشاداعى №1223 قاۋلىسىنا قوسىمشا
قازاقستان رەسپۋبليكاسى ۇكىمەتىنىڭ 2012 جىلعى 5 شىلدەدەگى №913 قاۋلىسىمەن بەكىتىلگەن
گاز جانە گازبەن جابدىقتاۋ سالاسىنداعى ارىپتەستىك شەڭبەرىندە ىلەسپە گازدى ينۆەستورلارعا بەرۋ قاعيدالارى مەن شارتتارى
1. جالپى ەرەجەلەر
1. وسى گاز جانە گازبەن جابدىقتاۋ سالاسىنداعى ارىپتەستىك شەڭبەرىندە ىلەسپە گازدى ينۆەستورلارعا بەرۋ قاعيدالارى مەن شارتتارى (بۇدان ءارى – قاعيدالار) «گاز جانە گازبەن جابدىقتاۋ تۋرالى» قازاقستان رەسپۋبليكاسىنىڭ زاڭىنا (بۇدان ءارى – زاڭ) سايكەس ازىرلەندى.
2. قاعيدالار گاز جانە گازبەن جابدىقتاۋ سالاسىنداعى ارىپتەستىك شەڭبەرىندە ىلەسپە گازدى (بۇدان ءارى – ىلەسپە گاز) ينۆەستورلارعا بەرۋ ءتارتىبى مەن شارتتارىن ايقىندايدى.
3. گاز جانە گازبەن جابدىقتاۋ سالاسىنداعى ارىپتەستىكتىڭ ماقساتى مەملەكەتكە تيەسىلى ىلەسپە گازدى ۇتىمدى پايدالانۋدى جانە ونى كەيىن تەرەڭ وڭدەۋدى جانە ءوزارا ءتيىمدى شارتتاردا قوسىلعان قۇنى جوعارى ونىمدەر ءوندىرۋدى قامتاماسىز ەتۋ جونىندەگى ستراتەگيالىق جانە الەۋمەتتىك مىندەتتەردى شەشۋ ءۇشىن مەملەكەت پەن ينۆەستور اراسىنداعى ءوزارا ءتيىمدى ءىس-قيمىلعا قول جەتكىزۋ بولىپ تابىلادى.
4. وسى قاعيدالاردا پايدالانىلاتىن تەرميندەر مەن ۇعىمدار زاڭعا سايكەس قولدانىلادى.
5. مەملەكەتكە تيەسىلى ىلەسپە گازدى ۇتىمدى پايدالانۋ ماقساتىندا ارىپتەستىك شەڭبەرىندە ينۆەستورلارعا بەرۋ:
1) ىلەسپە گازدى كەيىن تاۋارلىق, سۇيىتىلعان مۇناي جانە (نەمەسە) سۇيىتىلعان تابيعي گاز ەتىپ وڭدەۋ;
2) قازاقستان رەسپۋبليكاسىنىڭ ىشكى قاجەتتىلىكتەرىن ءبىرىنشى كەزەكتەگى تارتىپپەن, ونىڭ ىشىندە قازاقستان رەسپۋبليكاسىن گازداندىرۋدىڭ باس سحەماسىن ەسكەرە وتىرىپ قاناعاتتاندىرۋ ءۇشىن تاراپتار ايقىنداعان كولەمدەردە وندىرىلگەن تاۋارلىق, سۇيىتىلعان مۇناي جانە (نەمەسە) سۇيىتىلعان تابيعي گازدى جەتكىزۋ شارتتارىنا سايكەس جۇزەگە اسىرىلادى.
6. تاۋارلىق جانە (نەمەسە) سۇيىتىلعان مۇناي گازىن زاڭنىڭ 16-بابىنىڭ 3-تارماعىنا سايكەس گاز جانە گازبەن جابدىقتاۋ سالاسىنداعى ارىپتەستىك شەڭبەرىندە ودان ءارى پايدالانۋ ءۇشىن تارتىلاتىن ينۆەستورعا بەرۋ تۋرالى ۋاكىلەتتى ورگاننىڭ شەشىمى ينۆەستورعا مۇناي-, گاز-حيميا ءونىمىن, سونداي-اق جوعارى قوسىلعان قۇنمەن ءوندىرۋ بويىنشا مىندەتتەمەلەر بەكىتىلگەن جاعدايدا عانا قابىلدانادى جانە وسى قاعيدالاردا بەلگىلەنگەن جالپى شارتتارعا سايكەس جۇزەگە اسىرىلادى.
2. ارىپتەستىك شەڭبەرىندە ىلەسپە گازدى ينۆەستورلارعا بەرۋ ءتارتىبى
7. ۋاكىلەتتى ورگاننىڭ شەشىمىمەن زاڭنىڭ 16-بابىنىڭ 1-تارماعىندا كورسەتىلگەن ىلەسپە گاز تىكەلەي جەر قويناۋىن پايدالانۋشىنىڭ ءوزى كورسەتكەن ينۆەستورعا 2011 جىلعى 1 قاڭتارداعى جاعداي بويىنشا جاعىلاتىن ىلەسپە گازدىڭ كولەمدەرىنەن اسپايتىن تاراپتار ايقىنداعان كولەمدە گازبەن جابدىقتاۋ سالاسىنداعى ارىپتەستىك شەڭبەرىندە قازاقستان رەسپۋبليكاسىنىڭ اۋماعىندا وڭدەۋشى ءوندىرىستى سالۋدى نەمەسە تۇرعىزۋدى كوزدەيتىن شارتتىڭ نەگىزىندە تارتىلاتىن ينۆەستوردىڭ مەنشىگىنە وتەۋسىز بەرىلەدى.
8. جەر قويناۋىن پايدالانۋشى وڭدەۋ مۇمكىندىگى بولماعان كەزدە ىلەسپە گاز كولەمدەرىنىڭ ۇلعايۋىنا اكەپ سوعاتىن مۇناي ءوندىرۋدى ۇلعايتۋ نيەتى بولعان كەزدە ىلەسپە گازدىڭ وسى كولەمدەرى ارىپتەستىك تۋرالى شارتتا كوزدەلگەن تالاپتارعا سايكەس ينۆەستورعا بەرۋ ءۇشىن وتەۋسىز نەگىزدە مەملەكەتكە نەمەسە شيكi گازدى بەرۋ ءۇشiن كوزدەلگەن زاڭنىڭ 15-بابىنىڭ ەرەجەلەرىنە سايكەس ۇلتتىق وپەراتورعا تۇسەدى.
3. ۋاكىلەتتى ورگاننىڭ, ينۆەستوردىڭ جانە جەر قويناۋىن پايدالانۋشىنىڭ ءوزارا قارىم-قاتىناس جاساۋىنىڭ شارتتارى
9. ىلەسپە جانە (نەمەسە) تابيعي گازدى تەرەڭ وڭدەۋدى ۇيىمداستىرۋ ماقساتىندا جەر قويناۋىن پايدالانۋشى بىرلەسكەن قىزمەت تۋرالى شارتتىڭ نەگىزىندە ارىپتەستىكتە ينۆەستوردىڭ جاعىندا ارەكەت ەتە الادى.
10. ارىپتەستىك شەڭبەرىندە ينۆەستور وتكىزۋ ءتارتىبى مەن شارتتارىن ۋاكىلەتتى ورگان بەلگىلەيتىن كونكۋرستىڭ نەگىزىندە ايقىندالادى.
11. جەكەلەگەن ەلدى مەكەندەردى گازداندىرۋ جانە (نەمەسە) گاز وڭدەۋ سالاسىنداعى جاڭا تەحنولوگيالار مەن جابدىقتاردى تارتۋ ماقساتىندا كونكۋرستى وتكىزبەي, ۋاكىلەتتى ورگاننىڭ شەشىمى نەگىزىندە ناقتى ينۆەستورمەن گاز جانە گازبەن جابدىقتاۋ سالاسىنداعى پيلوتتىق جوبالاردى ىسكە اسىرۋ جۇرگىزىلەدى. ارىپتەستىك تۋرالى شارتتى ۋاكىلەتتى ورگان ينۆەستورمەن نەمەسە ينۆەستورمەن جانە جەر قويناۋىن پايدالانۋشىمەن جاساسادى جانە وندا وسى قاعيدالاردىڭ 4-بولىمىندە بەلگىلەنگەن شارتتار قامتىلۋعا ءتيىس.
12. وسى قاعيدالاردىڭ 7-تارماعىنىڭ 2) تارماقشاسىندا بەلگىلەنگەن جاعدايلاردا ۋاكىلەتتى ورگان مەن جەر قويناۋىن پايدالانۋشى ىلەسپە گازدىڭ كولەمدەرىن مەملەكەتكە وتەۋسىز نەگىزدە نە جەر قويناۋىن پايدالانۋشى ىلەسپە گازدى وندىرۋگە ارنالعان شىعىنداردى اقىلى نەگىزدە جۇزەگە اسىرعاندا بەرۋ جونىندەگى الدىن الا شارتتى جاساسادى. وسى الدىن الا شارت ينۆەستورمەن گاز جانە گازبەن جابدىقتاۋ سالاسىنداعى ارىپتەستىك شەڭبەرىندە پيلوتتىق جوبا بويىنشا كەلىسسوزدەر جۇرگىزۋ ءۇشىن نەگىز بولىپ تابىلادى.
ىلەسپە گاز مەملەكەتكە اقىلى بەرىلگەن جاعدايدا وسىنداي گازدىڭ باعاسى ۋاكىلەتتى ورگان ستراتەگيالىق جوسپارلاۋ, بيۋدجەت ساياساتىن ازىرلەۋ جانە قالىپتاستىرۋ سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن مەملەكەتتىك ورگانمەن بىرلەسىپ جۇرگىزەتىن ساراپتامامەن راستالۋعا جانە كونكۋرس نەمەسە پيلوتتىق جوبا شارتتارىندا كورسەتىلۋگە ءتيىس.
13. شارتتا مۇناي جانە (نەمەسە) تابيعي گاز ءوندىرۋدىڭ جوبالىق كورسەتكىشتەرى ەسكەرە وتىرىپ, وندىرۋگە ارنالعان كەلىسىمشارتتىڭ قولدانىلۋ مەرزىمى ىشىندە ىلەسپە جانە (نەمەسە) تابيعي گاز بەرۋ كولەمدەرىن كوزدەلۋگە ءتيىس.
14. ينۆەستور ايقىندالعان كۇننەن باستاپ ەكى ايدان كەشىكتىرىلمەي الدىن الا شارت گازدى ىرىكتەۋ ورنىن جانە وزگە دە شارتتاردى كورسەتىپ, ۋاكىلەتتى ورگاننىڭ, ىلەسپە جانە (نەمەسە) تابيعي گاز كولەمدەرىن بەرەتىن جەر قويناۋىن پايدالانۋشىنىڭ, وسىنداي گازدى ىرىكتەۋدى جۇزەگە اسىراتىن ينۆەستوردىڭ اراسىنداعى ۇشجاقتى شارتقا اۋىستىرۋعا جاتادى.
15. ارىپتەستىك جونىندەگى ۇشجاقتى شارتتىڭ تالاپتارىنا سايكەس جەر قويناۋىن پايدالانۋشى ارىپتەستىك شەڭبەرىندەگى ينۆەستوردىڭ وڭدەۋشى ءوندىرىستى سالۋ نەمەسە تۇرعىزۋ مەرزىمىنىڭ ىشىندە, بىراق ءۇش جىلدان كوپ ەمەس وسى قاعيدالاردىڭ 17-تارماعىندا كورسەتىلگەن ىلەسپە جانە (نەمەسە) تابيعي گاز كولەمدەرىنە قاتىستى مەملەكەتتىڭ اگەنتى بولىپ ارەكەت ەتەدى.
16. ۋاكىلەتتى ورگان بەلگىلەنگەن تارتىپپەن مەملەكەت اگەنتىنە مەملەكەتكە تيەسىلى ىلەسپە گاز كولەمدەرىن جاعۋعا رۇقسات بەرەدى.
ارىپتەستىك تۋرالى ۇشجاقتى شارت جاسالعان كەزدە مەملەكەتكە تيەسىلى جاعىلاتىن گاز كولەمدەرىنە بيۋدجەتكە تولەنەتىن تولەمدەر رەجيمى قازاقستان رەسپۋبليكاسىنىڭ زاڭناماسىمەن رەتتەلەدى.
17. ينۆەستور ارىپتەستىك شەڭبەرىندە وڭدەۋشى ءوندىرىستى سالۋ نەمەسە تۇرعىزۋ مەرزىمى ىشىندە جوسپارعا سايكەس مەملەكەتكە كەپىلدىك بولاتىن جانە قۇنى ارىپتەستىكتى ۇيىمداستىرۋ ءۇشىن مەملەكەتكە بەرىلگەن ىلەسپە جانە (نەمەسە) تابيعي گازدى جاعۋدى جۇرگىزگەن جەر قويناۋىن پايدالانۋشىلاردان تۇسكەن تولەمدەردەن بيۋدجەتتىڭ شىعىندارىنان تومەن بولمايتىن جابدىقتى وبەكتىگە جەتكىزۋدى قامتاماسىز ەتۋگە مىندەتتى.
ينۆەستور جىلدار بويىنشا بولىنگەن جابدىقتاردى جەتكىزۋ جوسپارلارىن ۋاكىلەتتى ورگانمەن كەلىسەدى جانە ولار ارىپتەستىك تۋرالى شارتتىڭ اجىراماس بولىگى بولىپ تابىلادى.
18. ينۆەستور وتكىزۋ, ۋاقىتشا ساقتاۋ, جەتكىزۋ جانە ت.ب. جونىندەگى وسىعان ىلەسپە بارلىق مىندەتتەمەلەردى وزىنە قابىلداعان كەزدە تاۋارلىق قانا ەمەس, سۇيىتىلعان گازدى دا, سونداي-اق وزگە دە مۇناي-, گاز-حيميا, سونداي-اق قوسىلعان قۇنى جوعارى ونىمدەر ءوندىرىسى ارىپتەستىك تۋرالى شارتتىڭ تالاپتارى بولا الادى.
19. ارىپتەستىك تۋرالى شارت ينۆەستورمەن ون جىلدان اسپايتىن مەرزىمگە جاسالادى. ارىپتەستىك تۋرالى شارتتىڭ مەرزىمى وتكەننەن كەيىن ينۆەستور ءۇشىن جوبانىڭ وتىمدىلىگىنە قول جەتكىزۋدى ەسكەرە وتىرىپ, قازاقستان رەسپۋبليكاسى ءۇشىن ەكونوميكالىق پايدانى ۇلعايتۋ بويىنشا شارالار قابىلداۋمەن شارت قايتا قارالۋعا ءتيىس.
20. ۋاكىلەتتى ورگاننىڭ شەشىمى بويىنشا ارىپتەستىك تۋرالى شارت جەر قويناۋىن پايدالانۋشىمەن جاسالعان وندىرۋگە ارنالعان كەلىسىمشارت مەرزىمىنە جاسالۋى مۇمكىن.
21. ارىپتەستىك تۋرالى شارتتىڭ قولدانىلۋ مەرزىمىن بەلگىلەۋ كەزىندە تەحنيكالىق-ەكونوميكالىق نەگىزدەمەنىڭ شارتتارى, ونىڭ ىشىندە ينۆەستيتسيالىق جوبانىڭ وتەلۋ مەرزىمى ەسكەرىلەدى.
4. ارىپتەستىك تۋرالى شارتتىڭ تالاپتارى
22. ارىپتەستىك شەڭبەرىندە ۋاكىلەتتى ورگانمەن جاسالاتىن شارت (بۇدان ءارى – شارت) مىناداي تالاپتاردى:
1) انىقتامالاردى;
2) شارتتىڭ ءمانىن;
3) شارتتىڭ قولدانىلۋ مەرزىمىن;
4) تاراپتاردىڭ جالپى قۇقىقتارى مەن مىندەتتەرىن;
5) جوبانى قارجىلاندىرۋدى;
6) قىزمەتتى ساقتاندىرۋدى;
7) قاۋىپسىزدىك پەن وندىرىلەتىن ءونىمنىڭ بەلگىلەنگەن ساپا ستاندارتتارىنا سايكەستىگىن;
8) ينۆەستوردىڭ شارت تالاپتارىن بۇزعانى ءۇشىن م ۇلىكتىك جاۋاپكەرشىلىگىن, ونىڭ ىشىندە ينۆەستور جەتكىزەتىن جابدىقتىڭ مەملەكەت مەنشىگىنە اۋىسۋ شارتتارى مەن مەرزىمدەرىن;
9) وندىرىلگەن ءونىمدى ىشكى نارىققا جەتكىزۋ كولەمدەرى مەن باعاسى بويىنشا مىندەتتەمەلەردى;
10) شارت بويىنشا قۇقىقتار مەن مىندەتتەر بەرۋدى;
11) داۋلاردى شەشۋ ءتارتىبىن;
12) شارتتى ۇزارتۋ جانە ونىڭ قولدانىلۋىن توقتاتۋ تالاپتارىن;
13) شارتتىڭ ءتىلىن قامتۋعا ءتيىس.
23. شارت ىلەسپە گازدى تاۋارلىق جانە (نەمەسە) سۇيىتىلعان گاز ەتىپ وڭدەۋ بويىنشا مىندەتتەمەلەردى, سونداي-اق ءبىرىنشى كەزەكتەگى تارتىپپەن:
شارت قولدانىلاتىن بۇكىل مەرزىمگە كوممۋنالدىق مۇقتاجدارعا ارنالعان رەتتەلەتىن باعالار بويىنشا قازاقستان رەسپۋبليكاسىن گازداندىرۋدىڭ باس سحەماسىن ەسكەرە وتىرىپ, قازاقستان رەسپۋبليكاسىنىڭ ىشكى قاجەتتىلىكتەرىن;
قازاقستان رەسپۋبليكاسىنىڭ جوعارى تەحنولوگيالار سالاسىنداعى ىشكى قاجەتتىلىكتەرىن قاناعاتتاندىرۋ ءۇشىن وندىرىلگەن تاۋارلىق (ونىڭ ءبىر بولىگىن) جانە (نەمەسە) سۇيىتىلعان گازدى جەتكىزۋدى قامتۋعا ءتيىس.
24. شارت وسى قاعيدالاردىڭ 19-تارماعىنا سايكەس تاۋارلىق جانە (نەمەسە) سۇيىتىلعان گازدى, سونداي-اق وزگە دە ءونىمدى پايدالانۋدىڭ باسقا شارتتارى مەن باعىتتارىن قامتۋى مۇمكىن.
25. شارت قازاق جانە ورىس تىلدەرىندە جاسالۋعا ءتيىس. تاراپتاردىڭ كەلىسىمى بويىنشا شارتتىڭ ءماتىنى وزگە تىلگە دە اۋدارىلۋى مۇمكىن.
26. ينۆەستورلاردىڭ شارتتاردىڭ تالاپتارىن ورىنداۋىن باقىلاۋدى جانە مونيتورينگىن ۋاكىلەتتى ورگان جۇزەگە اسىرادى.
