2013 جىلعى 12 قاراشا, استانا, ۇكىمەت ءۇيى
«تابيعي جانە تەحنوگەندىك سيپاتتاعى توتەنشە جاعدايلار ۋاقىتىندا بايلانىس وپەراتورلارىنىڭ جەلىلەرى مەن قۇرالدارىن پايدالانۋ كەزىندە ولارعا كەلتىرىلگەن شىعىنداردى وتەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2005 جىلعى 7 اقپانداعى №115 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «تابيعي جانە تەحنوگەندىك سيپاتتاعى توتەنشە جاعدايلار ۋاقىتىندا بايلانىس وپەراتورلارىنىڭ جەلىلەرى مەن قۇرالدارىن پايدالانۋ كەزىندە ولارعا كەلتىرىلگەن شىعىنداردى وتەۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2005 جىلعى 7 اقپانداعى №115 قاۋلىسىنا (قازاقستان رەسپۋبليكاسىنىڭ ءپۇاج-ى, 2005 ج., №6, 63-قۇجات) مىناداي وزگەرىستەر ەنگىزىلسىن:
تاقىرىبى مىناداي رەداكتسيادا جازىلسىن:
«الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلار كەزىندە, توتەنشە جاعداي ەنگىزىلگەن كەزدە بايلانىس وپەراتورلارىنىڭ جەلىلەرى مەن بايلانىس قۇرالدارى پايدالانىلعان جاعدايدا ولاردىڭ شەككەن شىعىستارىن وتەۋ قاعيدالارىن بەكىتۋ تۋرالى»;
كورسەتىلگەن قاۋلىمەن بەكىتىلگەن تابيعي جانە تەحنوگەندىك سيپاتتاعى توتەنشە جاعدايلار ۋاقىتىندا بايلانىس وپەراتورلارىنىڭ جەلىلەرى مەن قۇرالدارىن پايدالانۋ كەزىندە ولارعا كەلتىرىلگەن شىعىنداردى وتەۋ ەرەجەسى وسى قاۋلىعا قوسىمشاعا سايكەس جاڭا رەداكتسيادا جازىلسىن.
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 12 قاراشاداعى №1215 قاۋلىسىنا قوسىمشا
قازاقستان رەسپۋبليكاسى ۇكىمەتىنىڭ 2005 جىلعى 7 اقپانداعى №115 قاۋلىسىمەن بەكىتىلگەن
الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلار كەزىندە, توتەنشە جاعداي ەنگىزىلگەن كەزدە بايلانىس وپەراتورلارىنىڭ جەلىلەرى مەن بايلانىس قۇرالدارى پايدالانىلعان جاعدايدا ولاردىڭ شەككەن شىعىستارىن وتەۋ قاعيدالارى
1. وسى الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلار كەزىندە, توتەنشە جاعداي ەنگىزىلگەن كەزدە بايلانىس وپەراتورلارىنىڭ جەلىلەرى مەن بايلانىس قۇرالدارى پايدالانىلعان جاعدايدا ولاردىڭ شەككەن شىعىستارىن وتەۋ قاعيدالارى (بۇدان ءارى – قاعيدالار) «بايلانىس تۋرالى» 2004 جىلعى 5 شىلدەدەگى قازاقستان رەسپۋبليكاسىنىڭ زاڭى 14-بابىنىڭ 2-تارماعىنا سايكەس ازىرلەنگەن جانە الەۋمەتتىك, تابيعي جانە تەحنوگەندىك سيپاتتاعى توتەنشە جاعدايلار (بۇدان ءارى – توتەنشە جاعدايلار) كەزىندە, توتەنشە جاعداي ەنگىزىلگەن كەزدە بايلانىس وپەراتورلارىنىڭ جەلىلەرى مەن بايلانىس قۇرالدارى پايدالانىلعان جاعدايدا ولاردىڭ شەككەن شىعىستارىن وتەۋ ءتارتىبىن ايقىندايدى.
2. قازاقستان رەسپۋبليكاسىنىڭ قولدانىستاعى زاڭناماسىنا سايكەس توتەنشە جاعداي كەزىندە, توتەنشە جاعداي ەنگىزىلگەن كەزدە بايلانىس جەلىلەرى مەن قۇرالدارىن پايدالانۋعا باسىم قۇقىعى بار ۋاكىلەتتى مەملەكەتتىك ورگاندار بايلانىس وپەراتورلارىنىڭ شىعىستارىن وسى قاعيدالارعا سايكەس وتەيدى.
3. توتەنشە جاعدايلار اۋداندارىنىڭ ايماعىنان, توتەنشە جاعداي رەجيمى ەنگىزىلگەن جەردەن تىس توتەنشە جاعدايلار سالدارىن جويۋ كەزىندە بايلانىس وپەراتورلارىنىڭ جەلىلەرى مەن بايلانىس قۇرالدارى پايدالانىلعان جاعدايدا ولاردىڭ شەككەن شىعىستارى مەملەكەتتىك ساتىپ الۋ تۋرالى زاڭناماعا سايكەس بايلانىس قىزمەتتەرىنە اقى تولەۋ ءۇشىن بايلانىس وپەراتورلارى مەن ۋاكىلەتتى مەملەكەتتىك ورگاندار اراسىندا جاسالعان شارتتار نەگىزىندە وتەلەدى.
كورسەتىلگەن قىزمەتتەرگە اقى تولەۋ قىزمەت كورسەتۋ كەزىندە وسى وپەراتورلاردىڭ قولدانىستاعى تاريفتەرى بويىنشا جانە ولاردىڭ جەلىلەرى مەن بايلانىس قۇرالدارى پايدالانىلعان جاعدايدا ولاردىڭ شەككەن ناقتى شىعىندارىن راستايتىن ۇسىنىلعان قۇجاتتار نەگىزىندە تولەنەدى.
4. توتەنشە جاعداي اۋداندارىنىڭ ايماقتارىنان, توتەنشە جاعداي رەجيمى ەنگىزىلگەن جەردەن بايلانىس وپەراتورلارىنىڭ جەلىلەرى مەن بايلانىس قۇرالدارى پايدالانىلعان جاعدايدا ولاردىڭ شەككەن شىعىستارى قازاقستان رەسپۋبليكاسىنىڭ زاڭناماسىنا سايكەس توتەنشە احۋالداردىڭ, توتەنشە جاعدايدىڭ سالدارىن جويۋعا بولىنەتىن قاراجاتتان وتەلەدى.
كورسەتكەن قىزمەتتەرى ءۇشىن بايلانىس وپەراتورلارىنا اقى تولەۋ قىزمەتتەر كورسەتۋ كەزىندە وسى وپەراتورلاردىڭ قولدانىستاعى تاريفتەرى بويىنشا ۋاكىلەتتى مەملەكەتتىك ورگاندار ءتيىستى بيۋدجەتتەردە كوزدەيتىن بيۋدجەت قاراجاتى ەسەبىنەن جۇرگىزىلەدى.
5. وسى قاعيدالاردىڭ 3 جانە 4-تارماقتارىندا كوزدەلگەن جاعدايلاردا بايلانىس وپەراتورلارىنىڭ جەلىلەرى مەن بايلانىس قۇرالدارى پايدالانىلعان جاعدايدا ولاردىڭ شەككەن شىعىستارى توتەنشە جاعدايلاردى جويۋ جونىندەگى جۇمىستار اياقتالعان جانە توتەنشە جاعدايدىڭ قولدانىسى توقتاتىلعان ساتتەن باستاپ ءبىر ايدان كەشىكتىرىلمەيتىن مەرزىمدەردە وتەلەدى.
6. قاجەت بولعان جاعدايلاردا شىعىستاردى وتەۋدىڭ وزگە دە مەرزىمدەرى قازاقستان رەسپۋبليكاسىنىڭ ازاماتتىق زاڭناماسىنا سايكەس ەسكەرتىلۋى مۇمكىن.
