تۋريزم • 17 اقپان، 2021

تۋريستىك قىزمەت سالاسىنداعى قۇجات ماقۇلداندى

17 رەت كورسەتىلدى

پارلامەنت ءماجىلىسىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۋريستىك قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ەكىنشى وقىلىمدا ماقۇلداندى، دەپ حابارلايدى Egemen.kz

زاڭ جوباسى تۋريستىك قىزمەت سالاسىنداعى زاڭنامانى جەتىلدىرۋ ماقساتىندا ازىرلەندى. اتالعان قۇجات 2020 جىلعى 18 قاراشادا ماجىلىستە ءبىرىنشى وقىلىمدا ماقۇلداندى. جۇمىس توبىنىڭ زاڭ جوباسىمەن جۇمىسى بارىسىندا دەپۋتاتتار:

- شەتەلدىك ءتۋريستى تارتقانى ءۇشىن تۋروپەراتورلاردىڭ شىعىندارىن سۋبسيديالاۋ، تۋريستىك قىزمەت وبەكتىلەرىن سالۋ، رەكونسترۋكتسيالاۋ، جول بويىنداعى سەرۆيس وبەكتىلەرىن سالۋ كەزىندەگى شىعىنداردىڭ ءبىر بولىگىن وتەۋ بويىنشا تۋريستىك سالانى مەملەكەتتىك قولداۋ شارالارىن ايقىنداۋعا جانە دامىتۋدى ىنتالاندىرۋعا;

- ىشكى جانە كەلۋ ءتۋريزمى سالاسىنداعى تۋروپەراتورلىق قىزمەت ليتسەنزياسىن حابارلاما تارتىبىنە اۋىستىرۋدى الىپ تاستاۋعا جانە ليتسەنزيالاۋ قىزمەتىنىڭ وسى ءتۇرىن ساقتاۋعا;

- باسىم تۋريستىك اۋماقتى باسقارۋ ءۇشىن باسقارۋشى كومپانيا قۇرۋ جونىندەگى نورمانى الىپ تاستاۋعا;

- تۋريستىك جارنانى رەسپۋبليكالىق بيۋدجەتتەن رەسپۋبليكالىق ماڭىزى بار قالالاردىڭ، استانانىڭ، اۋدانداردىڭ جانە وبلىستىق ماڭىزى بار قالالاردىڭ بيۋدجەتتەرىنە اۋىستىرۋعا جانە ماسليحاتتارعا تۋريستىك جارنانىڭ مولشەرلەمەلەرىن بەكىتۋ جونىندە قۇزىرەتتى بەرۋگە باعىتتالعان تۇزەتۋلەر ەنگىزدى. بۇدان باسقا، دەپۋتاتتار قازاقستان رەسپۋبليكاسىنىڭ قولدانىستاعى زاڭناماسىنا جانە زاڭ تەحنيكاسىنىڭ تالاپتارىنا سايكەس كەلتىرۋ بويىنشا، سونداي-اق زاڭ جوباسىنىڭ جەكەلەگەن نورمالارىن ناقتىلايتىن جانە مازمۇنىن جاقسارتاتىن تۇزەتۋلەر ەنگىزدى.

جۇمىس توبىنا پارلامەنت ءماجىلىسىنىڭ كوميتەتتەرى مەن دەپۋتاتتارىنان 355 تۇزەتۋ كەلىپ ءتۇستى، ولار مۇددەلى مينيسترلىكتەر مەن ۆەدومستۆولار، قوعامدىق بىرلەستىكتەر مەن ساراپتاما ۇيىمدارى وكىلدەرىنىڭ قاتىسۋىمەن جۇمىس توبىنىڭ 32 وتىرىسىندا، كوميتەتتىڭ كەڭەيتىلگەن وتىرىستارىندا قارالدى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار