2013 جىلعى 12 قاراشا, استانا, ۇكىمەت ءۇيى
مەملەكەتتىك اۆياتسيا ينسپەكتورلارىن كاسىپتىك دايارلاۋ جانە ولاردىڭ بىلىكتىلىگىن ۇستاۋ قاعيدالارىن بەكىتۋ تۋرالى
«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» 2010 جىلعى 15 شىلدەدەگى قازاقستان رەسپۋبليكاسى زاڭىنىڭ 16-6-بابى 6-تارماعىنىڭ 3) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان مەملەكەتتىك اۆياتسيا ينسپەكتورلارىن كاسىپتىك دايارلاۋ جانە ولاردىڭ بىلىكتىلىگىن ۇستاۋ قاعيدالارى بەكىتىلسىن.
2. وسى قاۋلى 2014 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ
2013 جىلعى 12 قاراشاداعى №1212 قاۋلىسىمەن بەكىتىلگەن
مەملەكەتتىك اۆياتسيا ينسپەكتورلارىن كاسىپتىك دايارلاۋ جانە ولاردىڭ بىلىكتىلىگىن ۇستاۋ قاعيدالارى
1. جالپى ەرەجەلەر
1. وسى مەملەكەتتىك اۆياتسيا ينسپەكتورلارىن كاسىپتىك دايارلاۋ جانە ولاردىڭ بىلىكتىلىگىن ۇستاۋ قاعيدالارى (بۇدان ءارى – قاعيدالار) «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» 2010 جىلعى 15 شىلدەدەگى قازاقستان رەسپۋبليكاسى زاڭىنىڭ 16-6-بابى 6-تارماعىنىڭ 3) تارماقشاسىنا سايكەس ازىرلەندى.
2. وسى قاعيدالار قازاقستان رەسپۋبليكاسىنىڭ مەملەكەتتىك اۆياتسيا ينسپەكتورلارىن كاسىپتىك دايارلاۋ جانە ولاردىڭ بىلىكتىلىگىن ۇستاۋ ءتارتىبىن ايقىندايدى.
3. وسى قاعيدالاردا پايدالانىلاتىن نەگىزگى تەرميندەر مەن انىقتامالار:
1) مەملەكەتتىك اۆياتسيا ينسپەكتورى – ازاماتتىق اۆياتسيا سالاسىنداعى ۋاكىلەتتى ورگاننىڭ (بۇدان ءارى – ۋاكىلەتتى ورگان) اۋە كەڭىستىگىن پايدالانۋ سالاسىندا مەملەكەتتىك باقىلاۋ مەن قاداعالاۋدى جۇزەگە اسىرۋعا ۋاكىلەتتى لاۋازىمدى تۇلعاسى;
2) بىلىكتىلىك – ءوزىنىڭ قىزمەتتىك مىندەتتەرى مەن فۋنكتسيالارىن ءتيىمدى ورىنداۋ ءۇشىن تالاپ ەتىلەتىن ءبىلىمنىڭ, داعدى مەن ماشىقتىڭ قاجەتتى دەڭگەيىن يەلەنۋى;
3) بىلىكتىلىك بەلگىسى – كۋالىكتە جاسالعان جانە سونىڭ ءبىر بولىگى بولىپ تابىلاتىن جازبا, وندا وسى كۋالىككە قاتىستى ەرەكشە شارتتار, قۇقىقتار نەمەسە شەكتەۋلەر كورسەتىلەدى;
4) تاعىلىمداما – ازاماتتىق جانە ەكسپەريمەنتتىك اۆياتسيا قىزمەتىن مەملەكەتتىك باقىلاۋ مەن قاداعالاۋ ادىستەرىن پراكتيكالىق يگەرۋ ماقساتىندا وقىتۋدى قامتاماسىز ەتەتىن تۇلعانىڭ باسشىلىعىمەن مەملەكەتتىك اۆياتسيا ينسپەكتورىن جۇمىس ورنىندا وقىتۋ;
5) باستاپقى دايارلىق – ازاماتتىق جانە ەكسپەريمەنتتىك اۆياتسيا سالاسىندا مەملەكەتتىك باقىلاۋ مەن قاداعالاۋ فۋنكتسيالارىن جۇزەگە اسىرۋى ماقساتىندا مەملەكەتتىك اۆياتسيا ينسپەكتورىنا كاسىپتىك ءبىلىم بەرۋ پروتسەسى;
6) ارنايى دايارلاۋ (قايتا دايارلاۋ) – مەملەكەتتىك اۆياتسيا ينسپەكتورىن وقىتۋدىڭ جاڭا تالاپتاردىڭ ەنگىزىلۋىنە بايلانىستى جاڭا (قوسىمشا) كاسىپتىك ءبىلىم, داعدى مەن ماشىق الۋعا باعىتتالعان پروتسەسى;
7) كاسىپتىك دەڭگەيدى ۇستاۋ – مەملەكەتتىك اۆياتسيا ينسپەكتورىن وقىتۋ پروتسەسى, ونىڭ ماقساتى كاسىپتىك ءبىلىمدى, داعدى مەن ماشىقتى جاڭارتۋ, كەڭەيتۋ جانە تەرەڭدەتۋ بولىپ تابىلادى;
8) تەوريالىق دايارلىق – مەملەكەتتىك اۆياتسيا ينسپەكتورىن كاسىپتىك دايارلاۋ پروتسەسىنىڭ كەزەڭى, ودان وتكەن كەزدە ءبىلىم الۋشى ازاماتتىق اۆياتسيا سالاسىنداعى ۋاكىلەتتى ورگان بەكىتكەن وقىتۋ باعدارلامالارىنا سايكەس ارنايى تەوريالىق ءبىلىم الادى;
9) ترەناجەردا دايارلاۋ – مەملەكەتتىك اۆياتسيا ينسپەكتورىن كاسىپتىك دايارلاۋ پروتسەسىنىڭ كەزەڭى, ودان وتكەن كەزدە ءبىلىم الۋشى ءارتۇرلى جاتتىقتىرۋشى قوندىرعىلاردىڭ (اۆياتسيالىق ترەناجەرلار) كومەگىمەن پراكتيكالىق داعدى مەن ماشىق الادى, ساقتايدى جانە جەتىلدىرەدى;
10) جەكە باعدارلاما – مەملەكەتتىك اۆياتسيا ينسپەكتورى جۇمىسىنىڭ قاعيدالارى مەن راسىمدەرىن زەردەلەۋگە, ينسپەكتسيا ناتيجەلەرىن قۇجاتتاۋ, باسقا مەملەكەتتىك ورگاندارمەن ءوزارا ءىس-قيمىل جاساسۋ, مەملەكەتتىك اۆياتسيا ينسپەكتورلارىنىڭ ءوز وكىلەتتىگىن قولدانۋ, ۇشۋ قاۋىپسىزدىگىن جانە اۆياتسيالىق قاۋىپسىزدىكتىڭ دەڭگەيىن ارتتىرۋعا باعىتتالعان سالالىق جانە مەملەكەتتىك باعدارلامالاردى ازىرلەۋ داعدىسىن قالىپتاستىرۋ, سونداي-اق اۆياتسيالىق وقيعالار جانە باسقا دا قولايسىز جاعدايلاردى تەكسەرۋ ماتەريالدارى نەگىزىندە الدىن الۋ ءىس-شارالارىن ازىرلەۋ ماسەلەلەرىن زەردەلەۋگە باعدارلانعان باعدارلاما;
11) كۋرس – مەملەكەتتىك اۆياتسيا ينسپەكتورىن وقىتۋ پروتسەسى, ونىڭ ماقساتى كاسىپتىك جانە ادىستەمەلىك شەبەرلىگىن جەتىلدىرۋگە باعىتتالعان ءبىلىمى مەن داعدىلارىن جاڭارتۋ جانە تەرەڭدەتۋ بولىپ تابىلادى;
12) يكاو – حالىقارالىق ازاماتتىق اۆياتسيا ۇيىمى.
4. مەملەكەتتىك اۆياتسيا ينسپەكتورلارىن دايارلاۋ ۋاكىلەتتى ورگان سەرتيفيكاتتاعان اۆياتسيالىق وقۋ ورتالىقتارىندا جۇرگىزىلەدى.
5. يكاو-نىڭ باس حاتشىسى بەكىتكەن Doc8335 «پايدالانۋشىنى ينسپەكتسيالاۋ, سەرتيفيكاتتاۋ جانە ۇنەمى قاداعالاۋ راسىمدەرى بويىنشا باسشىلىق» تالاپتارىنا سايكەس مەملەكەتتىك باقىلاۋ فۋنكتسيالارىن جۇزەگە اسىرۋ ءۇشىن مەملەكەتتىك اۆياتسيا ينسپەكتورلارى وقىتۋ كەزىندە مىناداي:
1) ۇشۋ ءوندىرىسىن باقىلاۋدى قامتاماسىز ەتۋ;
2) اۋە كەمەلەرىنىڭ ۇشۋ جارامدىلىعىن ۇستاۋ;
3) شەتەلدىك اۆياتاسىمالداۋشىلاردىڭ اۋە كەمەلەرىن باقىلاۋدى قامتاماسىز ەتۋ;
4) اۋەايلاقتاردىڭ پەررونىندا ۇشۋ قاۋىپسىزدىگىن باقىلاۋدى قامتاماسىز ەتۋ;
5) اۋەايلاقتاردا (تىكۇشاق ايلاقتارىندا) جانە الاڭداردا ۇشۋدى باقىلاۋدى قامتاماسىز ەتۋ;
6) اۋە تاسىمالىنىڭ قاعيدالارىن ورىنداۋدى باقىلاۋدى قامتاماسىز ەتۋ;
7) اۆياتسيالىق قاۋىپسىزدىكتى باقىلاۋدى قامتاماسىز ەتۋ;
8) ۇشۋدىڭ اۆاريالىق-قۇتقارۋ قىزمەتىمەن قامتاماسىز ەتىلۋىن باقىلاۋدى قامتاماسىز ەتۋ;
9) اۆياتسيالىق پەرسونالعا كۋالىكتەر بەرۋ جۇيەسىن باقىلاۋدى قامتاماسىز ەتۋ;
10) اۆياتسيالىق وقيعالار مەن وقىس وقيعالاردى تەكسەرۋدى باقىلاۋدى قامتاماسىز ەتۋ باعىتتارى بويىنشا جەكە ماسەلەلەردى تەرەڭدەتىپ زەردەلەۋدىڭ قوسىمشا نەمەسە كەڭەيتىلگەن باعدارلامالارىن وتەدى.
6. يكاو كونۆەنتسياسىنا 1-قوسىمشانىڭ تالاپتارىنا سايكەس وزدەرىندە اۆياتسيالىق پەرسونالدىڭ قولدانىستاعى ءتيىستى كۋالىكتەرى بولۋعا ءتيىس مەملەكەتتىك اۆياتسيا ينسپەكتورلارى بىلىكتىلىگىن ۇستاۋ جانە ولاردىڭ قولدانىلۋ مەرزىمىن ۇزارتۋ ءۇشىن قازاقستان رەسپۋبليكاسى ۇكىمەتىنىڭ 2011 جىلعى 17 مامىرداعى № 532 قاۋلىسىمەن بەكىتىلگەن قازاقستان رەسپۋبليكاسى ازاماتتىق اۆياتسياسىندا ۇشۋ جۇمىسىن ۇيىمداستىرۋ جونىندەگى قاعيداعا سايكەس وقۋدان وتەدى.
اۋە كەمەلەرىنىڭ ۇشۋىن ورىنداۋعا جانە قامتاماسىز ەتۋگە, ولارعا تەحنيكالىق قىزمەت كورسەتۋگە, اۋە قوزعالىسىنا قىزمەت كورسەتۋگە تىكەلەي بايلانىستى مەملەكەتتىك اۆياتسيا ينسپەكتورلارى كاسىپتىك قىزمەتكە وسىنداي قىزمەتتى جۇزەگە اسىرۋ قۇقىعىنا ارنالعان كۋالiگi بولعان جانە دەنساۋلىق جاعدايى بەلگىلەنگەن تالاپتارعا سايكەس كەلگەن جاعدايدا جىبەرىلەدى.
مiندەتتi مەديتسينالىق كۋالاندىرىلۋعا جاتاتىن مەملەكەتتىك اۆياتسيا ينسپەكتورلارىنا دەنساۋلىق جاعدايى بويىنشا قويىلاتىن تالاپتار حالىقارالىق ازاماتتىق اۆياتسيا ۇيىمىنىڭ (يكاو) ستاندارتتارى نەگiزiندە ازiرلەنگەن جانە دەنساۋلىق ساقتاۋ سالاسى مەن ازاماتتىق اۆياتسيا سالاسىنداعى ۋاكiلەتتi ورگاندار بەكiتكەن قازاقستان رەسپۋبليكاسىنىڭ ازاماتتىق اۆياتسياسىنداعى مەديتسينالىق كۋالاندىرۋ قاعيدالارىندا بەلگiلەنەدi. اۆياتسيا پەرسونالىنا جاتاتىن ادامنىڭ دەنساۋلىق جاعدايىنىڭ سايكەستىگى اۆياتسيا پەرسونالى كۋالىگىنىڭ اجىراماس بولىگى بولىپ تابىلاتىن مەديتسينالىق قورىتىندىمەن راستالادى.
2. مەملەكەتتىك اۆياتسيا ينسپەكتورلارىن كاسىپتىك دايارلاۋ جانە ولاردىڭ بىلىكتىلىگىن ۇستاۋ ءتارتىبى
7. مەملەكەتتىك اۆياتسيا ينسپەكتورلارىن دايارلاۋ ۋاكىلەتتى ورگان بەكىتكەن باستاپقى دايارلاۋ جانە بىلىكتىلىكتى ارتتىرۋ باعدارلامالارى بويىنشا جۇرگىزىلەدى.
دايارلىقتىڭ مەرزىمدىلىگى مەن كولەمىن ۋاكىلەتتى ورگان بەلگىلەيدى.
8. كاسىپتىك دايارلىق جانە بىلىكتىلىگىن ۇستاۋ كۋرستارىنان وتكەننەن كەيىن مەملەكەتتىك اۆياتسيا ينسپەكتورلارىنا اۆياتسيالىق وقۋ ورتالىعى ءتيىستى كۋرستى وتكەندىگىن راستايتىن قۇجات (سەرتيفيكات) بەرەدى.
9. مەملەكەتتىك اۆياتسيا ينسپەكتورلارىنىڭ قازاقستان رەسپۋبليكاسىنىڭ زاڭناماسى تالاپتارىنىڭ ورىندالۋىن باقىلاۋ جانە قاداعالاۋ, اۋە كەمەلەرىن جانە ولاردىڭ ەكيپاجدارىن باعىتتار بويىنشا ينسپەكتسيالاۋدى قوسا العاندا, ازاماتتىق اۆياتسيا ۇيىمدارى مەن كاسىپورىندارىندا ۇشۋ قاۋىپسىزدىگىن قامتاماسىز ەتۋدى باقىلاۋ جونىندەگى فۋنكتسيالاردى ورىنداۋىنا بەلگىلەنگەن ۇلگىدەگى قۇجاتتار (سەرتيفيكاتتار, كۋالىكتەر, ليتسەنزيالار) بەرىلىپ, كاسىپتىك دايارلىقتىڭ تولىق كۋرسىن وتكەننەن كەيىن رۇقسات ەتىلەدى.
10. باستاپقى دايارلىق مىناداي مىندەتتى دايارلىق تۇرلەرىنەن تۇرادى:
1) مەملەكەتتىك اۆياتسيا ينسپەكتورىنىڭ دايارلىق دەڭگەيىن ەسكەرە وتىرىپ, جەكە باعدارلاما بويىنشا تەوريالىق وقىتۋ جانە ازاماتتىق اۆياتسيا سالاسىنداعى ۋاكىلەتتى ورگاندا فۋنكتسيونالدىق مىندەتتەرى بويىنشا ونىڭ ءبىلىمىن تەستىلەۋ;
2) ينسپەكتورلىق قۇرامدى ءتيىستى دايارلاۋ كۋرستارىندا (بازالىق ينسپەكتورلىق كۋرس) وقىتۋ;
3) ازاماتتىق اۆياتسيا سالاسىنداعى ۋاكىلەتتى ورگاننىڭ ءتيىستى قۇرىلىمدىق بولىمشەسىنىڭ تاعايىندالعان ادامدارىنىڭ باسشىلىعىمەن سەرتيفيكاتتاۋدى, تەكسەرۋدى, قاداعالاۋدى جانە باقىلاۋدى ورىنداۋ ءۇشىن جۇمىس شارتتارىندا مەملەكەتتىك اۆياتسيا ينسپەكتورىنىڭ تاعىلىمداماسى.
11. بىلىكتىلىگىن ارتتىرۋ جانە كاسىپتىك دەڭگەيدى ۇستاۋ مىناداي جولمەن جۇزەگە اسىرىلادى:
1) ازاماتتىق اۆياتسيا قىزمەتى ماسەلەلەرى بويىنشا حالىقارالىق ازاماتتىق اۆياتسيا ۇيىمدارى نە اۆياتسيالىق وقۋ ورتالىقتارى, اۆياتسيالىق تەحنيكانى وندىرۋشىلەر وتكىزەتىن كۋرستارعا, سەمينارلارعا, وقىتۋعا قاتىسۋ;
2) اۆياتسيالىق ترەناجەرلاردى پايدالانا وتىرىپ, ترەناجەرلىك دايارلىقتان ءوتۋ.
كاسىپتىك دەڭگەيدىڭ راستالۋى بىلىكتىلىك تالاپتارىنا سايكەس تەستىلەۋ جانە بەلگىلەنگەن ۇلگىدەگى قۇجاتتاردى (سەرتيفيكاتتار, كۋالىكتەر, ليتسەنزيالار) بەرۋ ارقىلى ايقىندالادى.
12. ارنايى دايارلىق (قايتا دايارلاۋ) ازاماتتىق اۆياتسيا سالاسىنداعى زاڭنامادا ماڭىزدى وزگەرىستەر, ۇشۋلار قاۋىپسىزدىگىن, اۆياتسيالىق قاۋىپسىزدىكتى قامتاماسىز ەتۋگە قاتىستى جانە مەملەكەتتىك اۆياتسيا ينسپەكتورىنان جاڭا ءبىلىم مەن داعدىلاردى تالاپ ەتەتىن جاڭا تالاپتار مەن راسىمدەر ەنگىزىلگەن جاعدايلاردا جۇزەگە اسىرىلادى.
13. جۇمىس ورنىنداعى تاعىلىمداما ازاماتتىق اۆياتسيا سالاسىنداعى ۋاكىلەتتى ورگاننىڭ باسشىسى تاعايىنداعان مەملەكەتتىك اۆياتسيا ينسپەكتورىنىڭ باسشىلىعىمەن جۇرگىزىلەدى.
ازاماتتىق اۆياتسيا ۇيىمدارى مەن كاسىپورىندارىندا اۋە كەمەلەرىن جانە ولاردىڭ ەكيپاجدارىن ينسپەكتسيالاۋدى قوسا العاندا, ۇشۋ قاۋىپسىزدىگىن قامتاماسىز ەتۋدى باقىلاۋدى ورىنداۋعا التى اي ىشىندە ءىس جۇزىندە قاتىسپاعان مەملەكەتتىك اۆياتسيا ينسپەكتورى ۇشۋ قاۋىپسىزدىگىن قامتاماسىز ەتۋدى باقىلاۋدى جۇرگىزۋگە تاعىلىمدامادان وتكەننەن كەيىن عانا جىبەرىلەدى.
3. مەملەكەتتىك اۆياتسيا ينسپەكتورلارىن كاسىپتىك دايارلاۋدى جانە ولاردىڭ بىلىكتىلىگىن ۇستاۋدى جوسپارلاۋ
14. مەملەكەتتىك اۆياتسيا ينسپەكتورلارىن كاسىپتىك دايارلاۋ جانە بىلىكتىلىگىن ۇستاۋ قاجەتتىلىگىن ۋاكىلەتتى ورگان فۋنكتسيونالدىق جانە العا قويىلعان مىندەتتەردى ورىنداۋ تالاپتارىن نەگىزگە الا وتىرىپ, سونداي-اق شتات كەستەسىنە سايكەس كادرلاردىڭ قوزعالىسى نەگىزىندە ايقىندايدى.
15. پەرسونالدى وقىتۋدى جوسپارلاۋ مەملەكەتتىك اۆياتسيا ينسپەكتورلارىن تەوريالىق جانە پراكتيكالىق ۇزدىكسىز وقىتۋدى قامتاماسىز ەتۋ, سونداي-اق وقۋ پروتسەسىن باقىلاۋدى جانە رەتتەۋدى جۇزەگە اسىرۋ ماقساتىندا جۇرگىزىلەدى.
مەملەكەتتىك اۆياتسيا ينسپەكتورلارىن وقىتۋ جوسپارى مىناداي مالىمەتتەردى قامتيدى:
1) دايارلىق باعدارلاماسىنىڭ اتاۋى;
2) بىلىكتىلىكتى ارتتىرۋ كۋرستارىنىڭ اتاۋى;
3) وقىتۋ نىسانى (توپپەن, جەكە);
4) وقۋشىلاردىڭ سانى;
5) وقۋدىڭ ۇزاقتىعى.
4. كاسىپتىك دايارلىقتان ءوتۋ جانە بىلىكتىلىكتى ۇستاۋ تۋرالى اقپاراتتى ەسەپكە الۋ
16. مەملەكەتتىك اۆياتسيا ينسپەكتورلارىنىڭ كاسىپتىك دايارلىقتان ءوتۋى جانە بىلىكتىلىكتى ۇستاۋى تۋرالى اقپاراتتى ەسەپكە الۋدى (جازۋلاردى ساقتاۋدى) ازاماتتىق اۆياتسيا سالاسىنداعى ۋاكىلەتتى ورگاننىڭ كادرلار قىزمەتى جۇزەگە اسىرادى.
بۇل رەتتە مەملەكەتتىك اۆياتسيا ينسپەكتورلارىنىڭ دايارلىعىنىڭ دەڭگەيى جانە كاسىپتىك قىزمەتى تۋرالى اقپارات ۇنەمى جانداندىرىلىپ وتىرادى.
