ءبىلىم • 17 اقپان، 2021

الماتىدا 21 مىڭعا جۋىق وقۋشى ورنى بوي كوتەرەدى

10 رەت كورسەتىلدى

الماتى قالاسىنىڭ اكىمى باقىتجان ساعىنتاەۆتىڭ ەسەپتىك كەزدەسۋىندە مەگاپوليستىڭ الەۋمەتتىك ينفراقۇرىلىمىن دامىتۋ تۋرالى دەرەكتەر ايتىلدى، دەپ حابارلايدى Egemen.kz

ءبىلىم بەرۋ نىساندارىن ۇدەمەلى سالۋ باعدارلاماسىن كەزەڭ-كەزەڭىمەن جۇزەگە اسىرۋ جالعاسۋدا. 2020 جىلى اۋەزوۆ جانە تۇركسىب اۋداندارىندا 1800 ورىندىق ەكى مەملەكەتتىك مەكتەپتىڭ، جۇمىس ىستەپ تۇرعان مەكتەپتەرگە 1817 ورىندىق بەس قوسىمشا قۇرىلىستىڭ قۇرىلىسى اياقتالدى، مەكتەپتەرگە 8263 ورىندىق تاعى ون جەتى جاپسارلاس عيماراتتىڭ قۇرىلىسى جالعاسۋدا.

1390 ورىنعا ارنالعان 2 جەكەمەنشىك مەكتەپ پايدالانۋعا بەرىلدى. 2020 جىلدىڭ باسىنان باستاپ 520 ورىندىق 3 مەملەكەتتىك بالاباقشا سالىنىپ، پايدالانۋعا بەرىلدى، ونىڭ ىشىندە جەكە ينۆەستوردى تارتا وتىرىپ، 150 ورىندىق بالاباقشا سالىندى. «جۇمىسپەن قامتۋدىڭ جول كارتاسى» باعدارلاماسىن جۇزەگە اسىرۋ اياسىندا 640 ورىندىق تاعى 4 بالاباقشانىڭ قۇرىلىسى باستالدى.

بالالاردى مەكتەپتەن تىس بىلىممەن جاپپاي قامتۋ ءۇشىن جاعداي جاساۋ بويىنشا جول كارتاسى قابىلداندى. قالالىق كىتاپحانالار بازاسىندا 156 تەگىن ۇيىرمە اشىلدى. بالالارعا ارنالعان شىعارماشىلىق ۇيىرمەلەر سانى 5400-گە دەيىن ارتتى. بالالار مەن جاسوسپىرىمدەردى دامىتۋ ءۇشىن 5 اۋداندا «شىڭعا ورلەۋ» الەۋمەتتىك كلۋبتارى قۇرىلدى. سپورت عيماراتتارىنىڭ سانى ءبىر جىلدا 745 نىسانعا ارتىپ، 3،4 مىڭ نىسانعا جەتتى، 252 تەگىن سەكتسيا اشىلدى.

الەۋمەتتىك ينفراقۇرىلىمدى دامىتۋ 2021 جىلى جالعاسادى. 8 مەكتەپ، 17 جاڭا كورپۋس-جاپسارلاس قۇرىلىس سالۋ ەسەبىنەن قوسىمشا 20 700 وقۋشى ورنى پايدا بولادى. سونىمەن قاتار، 640 مەكتەپكە دەيىنگى ورىن اشىلادى. اتا-انالار تولەمىن سۋبسيديالاۋ ءۇشىن قالالىق بيۋدجەتتەن 1 ملرد تەڭگە ءبولۋ جوسپارلانۋدا، بۇل بالاباقشالاردا قوسىمشا 5 مىڭ ورىن اشۋعا مۇمكىندىك بەرەدى.

قادامدىق قولجەتىمدى جەردەن مەديتسينالىق قىزمەتتەرمەن قامتاماسىز ەتۋ ءۇشىن جەتىسۋ جانە تۇركسىب اۋداندارىندا 2 وتباسىلىق-دارىگەرلىك امبۋلاتوريا سالىناتىن بولادى. №7 قالالىق كلينيكالىق اۋرۋحانانىڭ جاڭا كورپۋسى-قوسىمشا قۇرىلىسى، سونداي-اق بالالارعا شۇعىل كومەك كورسەتۋ ورتالىعىنىڭ وپەراتسيالىق بلوگى بار جاڭا كورپۋس پايدالانۋعا بەرىلەدى.

ء«بىر تەرەزە» قاعيداتى بويىنشا مەملەكەتتىك جانە جەتى مەملەكەتتىك ەمەس قىزمەتتىڭ 42 ءتۇرىن ۇسىناتىن الەۋمەتتىك قىزمەتتەر ءۇيى اشىلادى. 14 كورتقا ارنالعان تەننيس ورتالىعى پايدالانۋعا بەرىلەدى جانە 6 دەنە شىنىقتىرۋ-ساۋىقتىرۋ كەشەنى سالىنادى.

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

سۋرەتشىلەر ءۇيى اشىلدى

ايماقتار • بۇگىن، 09:08

بال بۇلاق بولىپ اقتى

ايماقتار • بۇگىن، 09:07

وڭايلىقپەن ەم قونبايدى

مەديتسينا • بۇگىن، 09:05

بارەكەلدى، ۆيكتوريا!

سپورت • بۇگىن، 09:02

ۇقساس جاڭالىقتار