ءىس-شاراعا س.وتەباەۆ اتىنداعى اتىراۋ مۇناي جانە گاز ۋنيۆەرسيتەتىنىڭ رەكتورى گۇلزادا شاكۋليكوۆا جانە «Petronas» تەحنولوگيالىق ۋنيۆەرسيتەتىنىڭ رەكتورى موحامەد يبراھيم قاتىستى.
مەموراندۋم شەڭبەرىندە ءبىلىم بەرۋ مەن عىلىمي زەرتتەۋلەر سالاسىنداعى ىنتىماقتاستىقتى دامىتۋ جوسپارلانۋدا, ستۋدەنتتەر مەن وقىتۋشىلار ەكى ۋنيۆەرسيتەتتىڭ عىلىمي-تەحنيكالىق بازاسىنا, زەرتحانالار مەن كىتاپحانالارىنا قول جەتكىزە الادى, عىلىمي باستامالارعا تۇراقتى قولداۋ كورسەتىلەتىن بولادى, سونداي-اق ەكى ۋنيۆەرسيتەتتىڭ عالىمدارى مەن وقىتۋشىلارى اراسىندا تاجىريبە الماسۋ ءۇشىن ءتۇرلى ءىس-شارالار تۇراقتى تۇردە وتكىزىلەتىن بولادى.
ايتا كەتەتىن جايت, بۇعان دەيىن ەلشىلىك ۇيىمداستىرعان كەلىسسوزدەردىڭ جانە ولاردىڭ ناتيجەسىندە ۋنيۆەرسيتەتتەر اراسىندا جاسالعان كەلىسىمدەرگە سايكەس, اتىراۋ مۇناي جانە گاز ۋنيۆەرسيتەتىنىڭ 5 ستۋدەنتى 2020 جىلعى 30 جەلتوقسانىنان باستاپ «Petronas» تەحنولوگيالىق ۋنيۆەرسيتەتىندە الماسۋ باعدارلاماسى بويىنشا ءبىلىم الۋدا.
