مادريدتە قازاقستانداعى ينۆەستيتسيالىق جانە كاسىپكەرلىك مۇمكىندىكتەرىن تالقىلادى

ءمادريدتىڭ ساۋدا-ونەركاسىپ پالاتاسى جانە قازاقستان ەلشىلىگى ۇيىمداستىرعان ۆەبينارعا «Kazakh Invest» اق, ەۋروپالىق قايتا قۇرۋ جانە دامۋ بانكى (ەقدب), ازيا دامۋ بانكى (ادب), يسپانيانىڭ يندۋستريا, ساۋدا جانە تۋريزم مينيسترلىگىنىڭ قازاقستانداعى ساۋدا ميسسياسىنىڭ وكىلدەرى جانە تاعى باسقالار قاتىستى. ولاردىڭ اراسىندا كولىك ينفراقۇرىلىمى, جاڭارتىلاتىن قۋات كوزدەرى, قۇرىلىس, ماشينا جاساۋ, اۋىلشارۋاشىلىق يندۋسترياسى جانە ت.ب. سالالاردى قىزمەت ەتەتىن 20 يسپاندىق كومپانيالارىە بولدى.

ءىس-شارانى اشا وتىرىپ, ساۋدا پالاتاسىنىڭ پرەزيدەنتى انحەل اسەنسيو يسپانيانىڭ ستراتەگيالىق سەرىكتەسى - قازاقستان ورتالىق ازياداعى ءسوزسىز كوشباسشى ەكەنىن, 2021 جىلى 3%-كە, 2022 جىلى 4,3%-كە كولەمدەگى وسىمگە قول جەتكىزۋى مۇمكىن مەملەكەت ەكەنىن ايتتى. قازاقستان الدىنا اۋقىمدى ماقساتتار تۇر. الەم بانكىنىڭ «Doing Business - 2020» بەدەلدى رەيتينگىندە ەلىمىز جوعارى 25-ورىنعا يە بولدى, وسىنىڭ ءوزى ونى شەتەلدىك ينۆەستيتسيالار ءۇشىن تارتىمدى باعىتقا اينالدىرادى.

قازاقستان ەلشىسى كونستانتين جيگالوۆ ءوز سوزىندە قازاقستان مەن يسپانيا اراسىنداعى ستراتەگيالىق بايلانىستاردى نىعايتۋدىڭ نەگىزى 2009 جىلى جاسالعان ستراتەگيالىق سەرىكتەستىك تۋرالى كەلىسىمدى قامتيتىن زاڭنامالىق بازانىڭ قارقىندى دامۋى بولدى دەپ باسا ايتتى.

پاندەمياعا قاراماستان, ىسكەرلىك ىنتىماقتاستىق جالعاسۋدا. ساۋدا جانە ينتەگراتسيا ءمينيسترى ب.سۇلتانوۆتىڭ مادريدكە ساپارى ناتيجەسىندە قازاقستان كوتەرمە ساتۋ نارىقتارىنىڭ جەلىسىن دامىتۋدا يسپان تاجىريبەسىن ءساتتى قولدانۋدا. قازاقستان ەلورداسى مەن فيرا-بارسەلونا اكىمدىگى بيىل ازيا ەلدەرى ءۇشىن نۇر-سۇلتاندا «اقىلدى قالا كونگرەسىن» وتكىزۋگە دايىندىق ۇستىندە.

كونفەرەنتسيادا «Kazakh Invest» اق, ەۋروپالىق قايتا قۇرۋ جانە دامۋ بانكى, ازيا دامۋ بانكىنىڭ وكىلدەرى, سونداي-اق يسپانيانىڭ قازاقستان رەسپۋبليكاسىنداعى ساۋدا وكىلى مانۋەل سانچەس ءسوز سويلەدى. ءىس-شاراعا قاتىسۋشىلارعا قازاقستاننىڭ تارتىمدى ينۆەستيتسيالىق مۇمكىندىكتەرى, باسىم سەكتورلار مەن ناقتى جوبالار ۇسىنىلدى; ارنايى ەكونوميكالىق ايماقتاردىڭ ارتىقشىلىقتارى, سالىقتىق جەڭىلدىكتەر مەن پرەفەرەنتسيالار تۋرالى ايتتى; ەقدب مەن ادب قازاقستاندا جۇزەگە اسىراتىن جوبالاردى قارجىلىق قولداۋ قۇرالدارى تۋرالى تولىق اقپارات بەرىلدى.