سوكولوۆ-سارىباي كەن ءوندىرۋ بىرلەستىگىندەگى قىزىلجار كەنىشىندە جاقىندا اك كۇيدىرەتىن كەشەن ىسكە قوسىلدى. بۇل كەشەننىڭ ىسكە قوسىلۋى وسى ارادان اك تاستىڭ وندىرىلۋىنە تىكەلەي بايلانىستى. اك تاستى الدىمەن قيىرشىقتاپ, ودان كەيىن كۇيدىرەدى. پايدالى كەندى ۇقساتىپ جۇرگەن بۇرىنعى جابدىق ەسكىردى, ونى جاڭارتۋدى ۋاقىت تالاپ ەتتى. سوندىقتان اك ءوندىرۋدى جاقسارتۋ ءۇشىن وبلىستىڭ يندۋستريالاندىرۋ كارتاسىنا ەنگەن جاڭا جوبانى جۇزەگە اسىرۋ كەرەك بولدى. اك كۇيدىرەتىن ەكى پەشتىڭ قۇرىلىسى 2011 جىلى باستالعان بولاتىن.
سوكولوۆ-سارىباي كەن ءوندىرۋ بىرلەستىگىندەگى قىزىلجار كەنىشىندە جاقىندا اك كۇيدىرەتىن كەشەن ىسكە قوسىلدى. بۇل كەشەننىڭ ىسكە قوسىلۋى وسى ارادان اك تاستىڭ وندىرىلۋىنە تىكەلەي بايلانىستى. اك تاستى الدىمەن قيىرشىقتاپ, ودان كەيىن كۇيدىرەدى. پايدالى كەندى ۇقساتىپ جۇرگەن بۇرىنعى جابدىق ەسكىردى, ونى جاڭارتۋدى ۋاقىت تالاپ ەتتى. سوندىقتان اك ءوندىرۋدى جاقسارتۋ ءۇشىن وبلىستىڭ يندۋستريالاندىرۋ كارتاسىنا ەنگەن جاڭا جوبانى جۇزەگە اسىرۋ كەرەك بولدى. اك كۇيدىرەتىن ەكى پەشتىڭ قۇرىلىسى 2011 جىلى باستالعان بولاتىن.
– قازىرگى پەشتەردىڭ بۇرىنعىلاردان باستى ايىرماشىلىعى بار, ولار كومىرمەن ەمەس, گازبەن جۇمىس ىستەيدى. بۇل اكتىڭ وتە ساپالى وندىرىلۋىنە ىقپال ەتەدى. ساپا – كەن ءوندىرۋ بىرلەستىگى ءۇشىن باسىم باعىت. سوندىقتان جاڭا جوبانىڭ ءبىزدىڭ بولىمشە ءۇشىن ماڭىزدىلىعى دا وسىندا جاتىر, – دەيدى قىزىلجار كەنىشىنىڭ باستىعى ۆالەري كليشين.
اك تەك سوكولوۆ-سارىباي كەن ءوندىرۋ بىرلەستىگىنىڭ وندىرىستىك قاجەتىن وتەپ قانا قويمايدى, ول جالپى وبلىس ءوڭىرىنىڭ تۇتىنۋشىلارى ءۇشىن شىعارىلادى. ءار پەش تاۋلىگىنە 50 توننا اك كۇيدىرە الادى, ال جىلدىق كورسەتكىش 30 مىڭ توننانى قۇرايدى. قۇنى 1 ميلليارد تەڭگەدەن استام جوبا ارقاسىندا اك كۇيدىرۋ كەشەنىندە قوسىمشا تاعى دا 50 جۇمىس ورنى اشىلدى.
– سوكولوۆ-سارىباي كەن ءوندىرۋ بىرلەستىگى ەكونوميكالىق جاڭعىرتۋ ماسەلەلەرىندە شەشىمدى قادامدار جاساپ وتىر. تەك رۋدنىي قالاسى عانا ەمەس, تۇتاس قوستاناي وبلىسىنىڭ ەكونوميكالىق يگىلىگى ەلىمىزدەگى كەن ءوندىرۋ سالاسىنىڭ ءىرى كاسىپورنىنداعى جۇمىستىڭ ىرعاقتىلىعىنا بايلانىستى ەكەنىن ءبىز جاقسى تۇسىنەمىز, – دەيدى «سوكولوۆ-سارىباي كەن ءوندىرۋ بىرلەستىگى» اكتسيونەرلىك قوعامىنىڭ پرەزيدەنتى مۇحامەدجان تۇرداحۋنوۆ. قۇرىلىس قارقىن العان قازىرگى ۋاقىتتا اك ەلىمىزدىڭ قاي شالعايىندا بولسىن قاجەتتىلىگى مول تاۋار. ونىڭ سىرتقى نارىقتا دا سۇرانىمىنا ەشكىم شەك كەلتىرمەيدى.
ءنازيرا جارىمبەتوۆا,
«ەگەمەن قازاقستان».
قوستاناي وبلىسى,
رۋدنىي قالاسى.
