قازاقستاننىڭ تۇڭعىش پرەزيدەنتى مەملەكەت قايراتكەرى پەتر نەفەدوۆتىڭ ومىردەن وزعانى تۋرالى سۋىت حاباردى كۇيزەلىسپەن قابىلدادى.
«قاراپايىم كەنشىدەن باستاپ, ەلىمىزدىڭ ونەركاسىپتىك ءوڭىرى – قاراعاندى وبلىسىنىڭ باسشىسى قىزمەتىنە دەيىنگى ەڭبەك جولىندا ول ەلىمىزدىڭ الەۋمەتتىك-ەكونوميكالىق دامۋىنا سۇبەلى ۇلەس قوستى.
ول ءاردايىم وندىرىستەگى باي تاجىريبەسىمەن جانە بىلىمىمەن, جوعارى كاسىبيلىگىمەن ءارى ۇيىمداستىرۋشىلىق قابىلەتىمەن ەرەكشەلەنەتىن.
پەتر پەتروۆيچ نەفەدوۆتىڭ جارقىن بەينەسى ءبىزدىڭ جۇرەگىمىزدە ساقتالادى», – دەلىنگەن جەدەلحاتتا.
ەسكە سالايىق, مەملەكەت قايراتكەرى, قاراعاندى وبلىسىنىڭ بۇرىنعى اكىمى پەتر نەفەدوۆ 80 جاسىندا ومىردەن ءوتتى.
