ايماقتار • 16 اقپان, 2021

سوزاق اۋدانىندا كۇن ساۋلەسىنەن قۋات الاتىن 68 قۇرىلعى ورناتىلدى

350 رەت

كورسەتىلدى

1 مين

وقۋ ءۇشىن

سوزاق اۋدانىندا بىلتىر مەملەكەتتىك «ينۆەست» باعدارلاماسى اياسىندا اۋىل شارۋاشىلىعى سالاسىن دامىتىپ, شالعايداعى مالشىلارعا قولداۋ كورسەتۋ ماقساتىندا 585 ملن تەڭگەگە 43 ارتەزيان قۇدىعى قازىلعان. جايىلىمداردى سۋلاندىرۋ ماقساتىندا ورناتىلعان قۇدىقتارعا 320 ملن تەڭگەدەن استام سۋبسيديا بەرىلگەن. ودان بولەك, 68 شارۋا قوجالىعىنا كۇننەن قۋات الاتىن قوندىرعى ورناتىلىپ بەرىلگەن. مەملەكەت تاراپىنان بۇل ماقساتتا 164 ملن تەڭگەدەن استام سۋبسيديا تولەندى, دەپ حابارلايدى Egemen.kz تۇركىستان وبلىسى اكىمىنىڭ ءباسپاسوز قىزمەتىنە سىلتەمە جاساپ.

مارجان تىلەۋبەك

سوزاق اۋدانىندا كۇن ساۋلەسىنەن قۋات الاتىن 68 قۇرىلعى ورناتىلدى

جالپى اۋداندا 800-دەن استام اگروقۇرىلىم بار. اۋداندا اۋىل شارۋاشىلىعى سالاسىن دامىتۋ نەگىزگى ماقساتتاردىڭ ءبىرى. ماسەلەن, 2018-2020 جىلدارى مال شارۋاشىلىعىنا ارنالعان جالپى 62 ارتەزيان قۇدىقتارى ورناتىلعان.

بيىل دا شالعايداعى مال شارۋاشىلىعىمەن اينالىساتىن 40 شارۋالىلىققا قۇدىق قازىلىپ, اگروقۇرىلىمدارعا كۇن ساۋلەسى ارقىلى جارىقتاندىرۋ قوندىرعىلارى ورناتىلادى. وڭىردە شارۋالاردى قولداپ, سۋبتسيديالاۋعا باعىتتالعان «ينۆەست» مەملەكەتتىك باعدارلاماسىنا دەگەن قىزىعۋشىلىق ارتۋدا.