ۇكىمەت • 16 اقپان، 2021

اسقار مامين Nur Otan-نىڭ سايلاۋالدى باعدارلاماسىن ىسكە اسىرۋ جونىندەگى شتاب قۇرۋدى تاپسىردى

50 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ەلىمىزدىڭ 2021 جىلعى قاڭتارداعى الەۋمەتتىك-ەكونوميكالىق دامۋىنىڭ جانە رەسپۋبليكالىق بيۋدجەتتىڭ اتقارىلۋىنىڭ قورىتىندىلارى قارالدى، دەپ حابارلايدى Egemen.kz.

ەكونوميكانىڭ، بانك سالاسىنىڭ جاي-كۇيى، رەسپۋبليكالىق بيۋدجەتتىڭ اتقارىلۋى، مەملەكەتتىك ساتىپ الۋداعى جەرگىلىكتى قامتۋ تۋرالى ۇلتتىق ەكونوميكا ءمينيسترى اسەت ەرعاليەۆ، ۇلتتىق بانك توراعاسى ەربولات دوساەۆ، قارجى ءمينيسترى ەرۇلان جاماۋباەۆ، ونەركاسىپ پەن ەنەرگەتيكا سەكتورىنداعى جاعداي تۋرالى يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ جانە ەنەرگەتيكا ءمينيسترى نۇرلان نوعاەۆ، اگروونەركاسىپتىك كەشەندەگى جاعداي تۋرالى اۋىل شارۋاشىلىعى ءمينيسترى ساپارحان وماروۆ، ينۆەستيتسيالار تارتۋ تۋرالى پرەمەر-ءمينيستردىڭ ورىنباسارى – سىرتقى ىستەر ءمينيسترى مۇحتار تىلەۋبەردى، «Nur Otan» پارتياسىنىڭ سايلاۋالدى باعدارلاماسىن ىسكە اسىرۋ جونىندەگى جول كارتاسىنىڭ ءىس-شارالارىن ورىنداۋ تەتىكتەرى تۋرالى پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ باياندادى.

بيىلعى قاڭتار ايىندا ەكونوميكانىڭ نەگىزگى سالالارى كورسەتكىشتەردىڭ جاقسارۋ ۇردىسىنە يە. بۇل رەتتە كارانتيندىك شارالاردىڭ ساقتالۋى مەن كۇشەيۋى كورسەتىلەتىن قىزمەتتەر مەن كولىك سالالارىنا اسەر ەتۋدە.

وڭدەۋ ونەركاسىبىندە تۇراقتى ديناميكا بايقالىپ وتىر، ول جىل باسىنان بەرى 3%-عا ءوستى. ءوسىمنىڭ نەگىزگى قوزعالتقىشتارى مەتاللۋرگيا ءوندىرىسى (+3،1%)، ونىڭ ىشىندە اۆتوموبيل جاساۋدى قوسا العاندا (+21،2%)، ماشينا جاساۋ (+16،2%)، ءتۇستى مەتالدار ءوندىرىسى (+6،6%)، سونداي-اق حيميا ونەركاسىبى (+12،8%)، قۇرىلىس ماتەريالدارى ءوندىرىسى (+11،8%) جانە فارماتسەۆتيكا (+4%) بولدى.

قۇرىلىس كولەمى 7%-عا، تۇرعىن ءۇيدى پايدالانۋعا بەرۋ 9،4%-عا نەمەسە شامامەن 801 مىڭ شارشى مەترگە ۇلعايدى. اۋىل شارۋاشىلىعىندا ءوندىرىس كولەمى 2،5%-عا ارتتى.

وپەك+ كەلىسىمدەرى اياسىندا مۇناي ءوندىرۋدى قىسقارتۋ بويىنشا قازاقستاننىڭ مىندەتتەمەلەرىن ورىنداۋىنا بايلانىستى تاۋ-كەن ءوندىرىسى سەكتورى ۇلتتىق ەكونوميكانىڭ باياۋلاۋىنىڭ نەگىزگى فاكتورىنا اينالدى. مۇناي ءوندىرۋدىڭ ناقتى كولەم يندەكسى -12،3%-دى قۇرادى. سونىمەن قاتار كومىر ءوندىرىسى جوعارى قارقىنمەن وسۋدە (+10،1%).

نەگىزگى كاپيتالعا سالىنعان ينۆەستيتسيالاردىڭ ءوسۋى تاۋ-كەن ءوندىرىسىن ەسەپكە الماعاندا 25،5%-دى قۇرادى. قىزمەت كورسەتۋ سەكتورىندا اقپارات جانە بايلانىس سالاسىندا جوعارى ءوسۋ قارقىنىنا قول جەتكىزىلدى (+9،4%)

ەكونوميكانىڭ تۇراقتىلىعى جۇمىسسىزدىق دەڭگەيىن 5%-عا دەيىنگى دياپازوندا ۇستاپ تۇرۋعا مۇمكىندىك بەردى.

ەپيدەميولوگيالىق جاعداي باقىلاۋعا الىنعان، ازاماتتاردىڭ قاۋىپسىزدىگىن قامتاماسىز ەتۋ ءۇشىن كەيبىر وڭىرلەردە بەلگىلى ءبىر شەكتەۋلەر ءالى دە قولدانىلىپ وتىر.

 

اقمولا، اقتوبە، الماتى، جامبىل، قوستاناي وبلىستارى، سونداي-اق نۇر-سۇلتان، الماتى جانە شىمكەنت قالالارى نەگىزگى 7 كورسەتكىشتىڭ 5-ءى بويىنشا الەۋمەتتىك-ەكونوميكالىق دامۋ ءوسىمىن قامتاماسىز ەتتى. قاراعاندى، قىزىلوردا، پاۆلودار، تۇركىستان جانە شىعىس قازاقستان وبلىستارىندا 4 كورسەتكىش بويىنشا وڭ ديناميكاعا قول جەتكىزىلدى.

«مينيسترلىكتەر مەن اكىمدىكتەر جۇمىستى جانداندىرىپ، ءتيىستى شارالار قابىلداپ، بەلگىلەنگەن ماقساتتار مەن مىندەتتەردى ناقتى ورىنداۋى قاجەت»، — دەپ ا. مامين، ەل ەكونوميكاسىنا ينۆەستيتسيالار تارتۋ كولەمىن ارتتىرۋدىڭ ماڭىزدىلىعىنا ەرەكشە نازار اۋداردى.

ۇكىمەت باسشىسى ەكى كۇن مەرزىمدە «Nur Otan» پارتياسىنىڭ سايلاۋالدى باعدارلاماسىن ىسكە اسىرۋ جونىندەگى شتاب قۇرۋدى تاپسىردى. ونىڭ وتىرىستارىن اپتا سايىن پرەمەر-ءمينيستردىڭ ءبىرىنشى ورىنباسارى، اي سايىن پرەمەر-مينيستر وتكىزەتىن بولادى.

شتابتىڭ جۇمىس ورگانى بولىپ ۇلتتىق ەكونوميكا مينيسترلىگى بەلگىلەندى، وعان وسى جىلدىڭ 1 ناۋرىزىنا دەيىن جول كارتاسى كورسەتكىشتەرىنىڭ تسيفرلىق كارتاسىن ازىرلەۋ تاپسىرىلدى.

سوڭعى جاڭالىقتار

وڭىردە دامۋ ءۇردىسى بار

ايماقتار • كەشە

تاڭدايدىڭ تارلانى

تاريح • كەشە

جوعالعان سولدات

تاريح • كەشە

دومبىرانى دارىپتەدى

رۋحانيات • كەشە

ۇقساس جاڭالىقتار