ەكونوميكا • 16 اقپان، 2021

مەملەكەتتىك بيۋدجەتكە 526 ملرد تەڭگە كىرىس تۇسكەن

11 رەت كورسەتىلدى

بۇگىن ۇكىمەت وتىرىسىندا قارجى ءمينيسترى ەرۇلان جاماۋباەۆ بيىلعى قاڭتارداعى مەملەكەتتىك بيۋدجەتتىڭ اتقارىلۋ كورسەتكىشتەرى مەن قارجىلىق جاعدايدى باياندادى، دەپ حابارلايدى Egemen.kz

«مەملەكەتتىك بيۋدجەتكە 526 ملرد تەڭگە سوماسىندا كىرىس ءتۇستى نەمەسە جوسپار 116،1 پايىزعا اتقارىلدى. رەسپۋبليكالىق بيۋدجەتكە 288 ملرد تەڭگە سوماسىندا كىرىس ءتۇستى نەمەسە جوسپار 90 پايىزعا اتقارىلدى. كىرىستەر بويىنشا جوسپار 32 ملرد تەڭگەگە ورىندالمادى»، دەدى مينيستر.

ونىڭ ايتۋىنشا، سالىقتار بويىنشا ورىندالماۋدىڭ نەگىزگى سوماسى قوسىلعان قۇن سالىعىنا جانە كورپوراتيۆتىك تابىس سالىعىنا تيەسىلى.

قوسىلعان قۇن سالىعى بويىنشا جوسپاردى ورىندالماۋ سەبەپتەرى:

- 2020 جىلعى قاڭتارمەن سالىستىرعاندا قوسىلعان قۇن سالىعى قايتارىلۋىنىڭ 2،3 ەسەگە ءوسۋى;

- «ەلەكتروندىق شوت-فاكتۋرالار» اقپاراتتىق جۇيەسى دەرەكتەرىنە سايكەس، ساتۋ بويىنشا اينالىمداردىڭ 14 پايىزعا ازايۋى. نەگىزگى تومەندەۋ تاۋ-كەن ءوندىرۋ ونەركاسىبى سالاسىنا تيەسىلى، وندا اينالىمدار وتكەن جىلعى قاڭتارمەن سالىستىرعاندا 29 پايىزعا نەمەسە 373 ملرد تەڭگەگە ازايعان;

- 2020 جىلعى قاڭتارمەن سالىستىرعاندا قازاقستان رەسپۋبليكاسىنىڭ ءۇشىنشى ەلدەرمەن تاۋار اينالىمى 22 پايىزعا تومەندەۋى.

«كورپوراتيۆتىك تابىس سالىعى بويىنشا جوسپاردىڭ ورىندالماۋى 2021 جىلعى قاڭتاردا 743 ءىرى سالىق تولەۋشى بويىنشا مالىمدەلگەن اۆانستىق تولەمدەر سوماسىنىڭ وتكەن جىلدىڭ ۇقساس كەزەڭىمەن سالىستىرعاندا 38،1 پايىزعا ازايۋىنا بايلانىستى»، دەدى ە. جاماۋباەۆ.

ونىڭ سوزىنە قاراعاندا، جەرگىلىكتى بيۋدجەتتەردىڭ كىرىستەرى 178،6 پايىزعا اتقارىلدى جانە 239 ملرد تەڭگەنى قۇرادى. جالپى جوسپار 105 ملرد تەڭگەگە، ونىڭ ىشىندە سالىقتار بويىنشا 90 ملرد تەڭگەگە اسىرا ورىندالدى.

بارلىق وڭىرلەردە كىرىستەر بويىنشا جوسپارلار اسىرا ورىندالدى.

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار