قوعام • 16 اقپان، 2021

ۇلى دالانىڭ اعارتۋشىسى تۋرالى ادالدىق ساعاتى ءوتتى

149 رەت كورسەتىلدى

سىبايلاس جەمقورلىققا قارسى ءىس-قيمىل اگەنتتىگىنىڭ كەزەكتى «ادالدىق ساعاتى» قازاقتىڭ اسا كورنەكتى اعارتۋشى-پەداگوگى، جازۋشى، ەتنوگراف، فولكلورشى عالىم، ۇلت ۇستازى ىبىراي التىنسارينگە ارنالدى.

قازاق دالاسىندا ءبىلىمنىڭ شىراعىن جاققان ىبىراي التىنسارين بار عۇمىرىن قازاق بالالارىن وقىتۋ جولىندا وتكىزگەن.

سول ماقساتپەن العاش رەت بالالارعا ارناپ مەكتەپ اشىپ، انا تىلىمىزدە وقۋلىق جازعان.

اعارتۋشى وقۋلىقتى جازۋداعى ماقساتىن «قازاق حريستوماتياسىنىڭ» العى سوزىندە: «بۇل كىتاپتى قۇراستىرعاندا مەن كىتاپتىڭ ورىس-قازاق مەكتەپتەرىندە تاربيەلەنىپ جۇرگەن قازاق بالالارىنا وقۋ كىتابى بولا الۋ جاعىن، سونىمەن قاتار، جالپى حالىقتىڭ وقۋىنا جارايتىن كىتاپ بولا الۋ جاعىن كوزدەدىم…» دەپ تۇجىرىمداعان.

قازاق جاستارى اراسىندا ءبىلىم بەرۋدى دامىتۋدىڭ ماڭىزدىلىعىن التىنسارين ءوزىنىڭ باسقا دا كوپتەگەن شىعارمالارىندا سيپاتتاعان.

ولاردىڭ قاتارىنا «وسيەت ولەڭدەر»، ء«اي، جىگىتتەر» سياقتى تاعى دا باسقا تۋىندىلارىن جاتقىزۋعا بولادى. بۇل ولەڭدەرىندە بيىك ادامگەرشىلىك تۇرعىسىنان ۇرلىق-قارلىقتى، استامسۋ، ادىلەتسىزدىكتى سىناپ، ەڭبەكسىزدىكتى، ەسكىلىكتى سالتتاردىڭ زياندىعىن كورسەتىپ، ادال ەڭبەكتىڭ ادامگەرشىلىك مىنەز-ق ۇلىقتىڭ ارتىقشىلىقتارىن بەينەلەيدى.

«كەل، بالالار، وقىلىق» ولەڭىندە اقىن قازاق اۋىز ادەبيەتىنىڭ داستۇرلەرىن شەبەر پايدالانىپ، ءبىلىم مەن ناداندىقتى، جاقسىلىق پەن جاماندىقتى قاتار الىپ، سالىستىرىپ وتىردى.

ى. ءالتىنساريننىڭ شىعارمالارى بۇگىنگى كۇنگە دەيىن زاماناۋي ءبىلىم بەرۋ جۇيەسىنىڭ نەگىزى بولىپ تابىلادى.

جازۋشىنىڭ ادامگەرشىلىك تۋرالى يدەيالارى ەستەتيكالىق تاربيەمەن بايلانىستا، بىرىمەن-ءبىرى ۇشتاستىرىلا سۋرەتتەلىپ وتىرادى.

قازاق دالاسىنا ازاتتىق يدەياسى تاراي باستاعان تۇستا جاڭا پوەزيانىڭ باستاۋشىسى، ءبىلىمنىڭ كوشباسشىسى، العاشقى ۇستازى بولىپ ىبىراي التىنسارين قاشان دا تاريح بيىگىندە تۇرا بەرەرى حاق.

ۇلت ۇستازى ءبىزدىڭ تاريحىمىزدا وشپەس ءىز قالدىردى. ونىڭ ارمانى – حالىقتىڭ گۇلدەنگەن بولاشاعىنا نىق سەنىممەن قارايتىن ءبىلىمدى جاستار بولدى.

 

بەينە-دارىسكە سىلتەمە: https://youtu.be/nucWdy4gOsY

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار