ورتالىقتىڭ ترەناجەر زالى, الەۋمەتتىك-تۇرمىستىق بولمەسى, كومپيۋتەر سىنىبى بار.
– ەڭ باستىسى, مۇندا ەمدەۋ-دەنە شىنىقتىرۋ كەشەنى بار. مۇندا كىشكەنتاي بالعىندار كاسىبي ينسترۋكتوردىڭ كومەگىمەن ءبىر اربادان ەكىنشى ارباعا اۋىسۋدى, ەڭبەكتەۋدى ۇيرەنەدى, سونداي-اق اربانى جانە ءوز دەنەسىن باسقارۋ داعدىسىنا ماشىقتانادى. جاتتىعۋلار جۇمساق كىلەمنىڭ ۇستىندە وتەدى, – دەدى ورتالىقتىڭ الەۋمەتتىك ماسەلەلەر جونىندەگى مامانى مارات ايتباەۆ.
وڭالتۋ ورتالىعىنىڭ ارنايى سپورت زالى دا بار. مۇندا قوستاناي وبلىسىنىڭ پاراليمپيادالىق سپورت تۇرلەرى فەدەراتسياسى مۇمكىندىگى شەكتەۋلى بالالار مەن جاسوسپىرىمدەرگە ارناپ 6 ۇستەل تەننيسىن, پاۋەرليفتينگپەن اينالىسۋعا ارنالعان سپورت قۇرالدارى مەن ەكى ساكى, ءجۇرۋ داعدىسىن قالىپتاستىراتىن جاتتىعۋ قۇرىلعىسىن اكەپ ورناتقان. سپورت زالدىڭ ءبىر بۇرىشىندا 8 كاسىبي بي ارباسى تۇر. ورتالىق ماماندارىنىڭ ايتۋىنشا, سپورت زال 25 بالاعا ارنالعان. مۇنىڭ سىرتىندا, ەرەكشە مۇقتاجدىققا يە بالالاردى تاربيەلەپ وتىرعان 25 اناعا قىزمەت كورسەتە الادى.
– ءساۋىر ايىنىڭ سوڭىنا تامان «قولىمنان ءبارى كەلەدى» دەپ اتالاتىن تۋرنير وتكىزۋدى جوسپارلاپ وتىرمىز. ورتالىققا كەلىپ جۇرگەن بالالاردىڭ بۇل جەردەن نە ۇيرەنگەنى سول جارىستا بەلگىلى بولادى. ال مامىر ايىندا انالار مەن بالالاردى «حاتيكو» دەمالىس ورنىنا اپارامىز. تابيعات اياسىنا شىققان بالالاردىڭ بەلسەندىلىگى ارتىپ, مورالدىق جاي-كۇيى جاقسارادى. ءارى قاراي وبلىس كولەمىندەگى ەرەكشە بالالاردى ىرىكتەپ الىپ, سپورت سەكتسيالارى مەن ۇيىرمەلەرگە تارتۋدى كوزدەپ وتىرمىز. بەيىمدەۋ ورتالىعى, ەڭ الدىمەن, ءار بالاعا وزىنە ۇنايتىن, قولىنان كەلەتىن سپورت ءتۇرىن تاڭداپ, سۇيىكتى ىسىمەن اينالىسۋىنا مۇمكىندىك بەرەدى, – دەدى ء«ۇمىت-نادەجدا» قوعامدىق قورىنىڭ ديرەكتورى دۇيسەنعالي وسپانوۆ.
ەرەكشە بالالارعا ەسىگىن ايقارا اشقان وڭالتۋ ورتالىعىنا العاش كەلگەن اتا-انانىڭ ءبىرى – قوستانايلىق ۆالەنتينا نەستەرەۆا. ۇلى 13 جاستا, ءتۋابىتتى تسەرەبالدى سال اۋرۋىمەن, ياعني بتسپ-مەن اۋىرادى.
– دەنساۋلىعى ءسال دە بولسا جاقسارىپ قالار دەگەن ۇمىتپەن بالامدى تالاي جەرگە ارقالاپ اپاردىم. وسى قالاداعى سپورت سەكتسيالارى مەن ۇيىرمەلەردىڭ بارىنە اپارىپ شىقتىم. ەندى, مىنە, بەيىمدەۋ ورتالىعىنداعى ارنايى كەشەندە بالاما كەرەكتىڭ ءبارى بار. ەڭ باستىسى, ۇلىمدى ەرەكشە بالالارمەن قالاي جۇمىس ىستەۋ كەرەك ەكەنىن جاقسى بىلەتىن كاسىبي ماماندار جاتتىقتىرادى. سونداي-اق, بالاما قاجەت قىزمەت تۇرلەرى مەن وڭالتۋ شارالارىن دا ءبىر جەردەن الامىز, – دەدى ۆ.نەستەروۆا.
وڭالتۋ ورتالىعىندا سان سالانى مەڭگەرگەن بىلىكتى ماماندار جۇمىس ىستەيدى. عيماراتتا بالالارعا ارنالعان بىرنەشە ويىن بولمەسى بار. مىسالى, ءبىر بولمەدەگى مامان بالالاردىڭ ويلاۋ قابىلەتىن دامىتۋمەن اينالىسسا, ەكىنشى بولمەدە قيمىل-قوزعالىسقا داعدىلاندىرۋ ويىندارى وتەدى.
قوستاناي وبلىسى
