تاجىكستان جوعارعى سوتى سيرياداعى قارۋلى قاقتىعىستارعا قاتىسقان ەلدىڭ بەس ازاماتىن ەكى جىلعا باس بوستاندىعىنان ايىرۋعا ۇكىم شىعاردى. بۇل تۋرالى يتار-تاسس حابارلادى.
«قاماۋعا الىنعان بەسەۋى دە سيريا حالىقارالىق ۋنيۆەرسيتەتىندە وقىپ جۇرگەن ستۋدەنتتەر ەكەن. ايىپتالۋشىلار ءوز ەرىكتەرىمەن ۇكىمەتكە قارسى كۇشتەردىڭ قاتارىنا ءوتىپ, سوعىس قيمىلدارىنا قاتىسقان, – دەپ مالىمدەدى تاجىكستان ۇلتتىق قاۋىپسىزدىك كوميتەتىنىڭ وكىلى. – ولار ەلگە ورالعان كەزدەرىندە قاماۋعا الىنىپ, ءوز كىنالارىن تولىق مويىندادى». ولارعا «قىلمىستىق ۇيىمنىڭ نەمەسە وزگە قارۋلى توپتاردىڭ قىزمەتىنە قاتىستى» دەگەن ايىپ تاعىلدى. «ايىپتالۋشىلاردىڭ ءوز ەرىكتەرىمەن كىنالارىن مويىنداۋلارىنا بايلانىستى سوت ۇكىمى جەڭىلدەتىلدى», – دەيدى ارنايى قىزمەت وكىلى.
تاجىكستان كۇشتىك قۇرىلىمدارىنىڭ اقپارى بويىنشا, سيرياداعى سوعىس قيمىلدارىنا ەلدىڭ 150-دەن استام ازاماتى قاتىسۋدا. ولاردىڭ كوبىسى سيريا اۋماعىنا باسقا ەل ارقىلى كىرگەن نەمەسە سول ەلدەگى جوعارى وقۋ ورىندارىندا ءبىلىم الىپ جۇرگەن جاستار كورىنەدى.
ايدار ورىسباەۆ.
دەرەككوز: Itar-tass.com
فوتو: Interaffairs.ru
