قازاقستان • 15 اقپان، 2021

سايلاۋالدى مىندەتتەمەلەردى ىسكە اسىرۋدىڭ جول كارتاسى

17 رەت كورسەتىلدى

ماجىلىستە پالاتا سپيكەرى، Nur Otan پارتياسى پارلامەنتتىك فراكتسياسىنىڭ جەتەكشىسى نۇرلان نىعماتۋليننىڭ توراعالىعىمەن فراكتسيانىڭ كەڭەيتىلگەن وتىرىسى ءوتتى، دەپ حابارلادى ءماجىلىستىڭ ءباسپاسوز قىزمەتى.

وندا ۇكىمەتتىڭ جانە Nur Otan پار­تياسىنىڭ ماجىلىستەگى فراكتسياسىنىڭ Nur Otan پارتياسىنىڭ 2025 جىلعا دەيىن­گى «وزگەرىستەر جولى: ءار ازامات­قا لايىقتى ءومىر!» سايلاۋالدى باع­دار­لاماسىن ورىنداۋدىڭ جول كارتاسىن ىسكە اسىرۋ جونىندەگى بىرلەسكەن جۇمىسى تۋرالى ايتىلدى.

وتىرىستا پرەمەر-مينيستر اس­قار مامين پارتيانىڭ سايلاۋ باع­دار­لاماسىنىڭ ورىندالۋى جايلى بايانداما جاسادى.

جول كارتاسى سايلاۋالدى باعدار­لا­مانىڭ ءتورت باعىتىن ىسكە اسىرۋ بو­يىن­شا 362 ءىس-شارانى قامتيدى. ولار جىلدار بويىنشا بەلگىلەنگەن جانە قار­جىلىق تۇرعىدان بەكىتىلگەن. بۇل رەتتە ءىس-شارالاردىڭ باسىم بولىگى الەۋمەتتىك ماسەلەلەردى شەشۋگە، سونداي-اق ەكونوميكا مەن وڭىرلەردىڭ تۇراقتى دامۋىنا باعىتتالعان. وسى ماقساتپەن وتاندىق زاڭنامانى جەتىلدىرۋ دە جوسپارلانعان.

«جول كارتاسىنىڭ ازىرلەنگەن جوباسى Nur Otan پارتياسىنىڭ «وزگەرىستەر جولى: اركىمگە لايىقتى ءومىر!» سايلاۋالدى باعدارلاماسىن تولىق ءارى ساپالى ىسكە اسىرۋ جونىندەگى بارلىق قاجەتتى شارالاردى قامتيدى. ۇكىمەت بارلىق ءىس-شارالاردىڭ ۋاقىتىلى ورىندالۋىن قامتاماسىز ەتەدى. بارلىق شارالاردى ىسكە اسىرۋدىڭ ناتيجەسى – جاڭا شىنايىلىق جاعدايىندا حالىقتىڭ تۇرمىس ساپاسى مەن ءال-اۋقاتىنىڭ ناقتى ارتۋى بولادى»، دەدى ا.مامين.

ۇكىمەت باسشىسىنىڭ بايانداماسىنان كەيىن دەپۋتاتتار مينيسترلەرگە بىرقاتار سۇراق قويدى. قاينار اباسوۆ اۋىل شارۋاشىلىعى ءمينيسترى ساپارحان وماروۆقا Nur Otan پارتياسىنىڭ سايلاۋالدى باعدارلاماسىنا سايكەس 600 مىڭ گەكتار جاڭا سۋارمالى جەردى يگەرىپ، ونىڭ جالپى الاڭىن 2،2 ملن گەكتارعا دەيىن جەتكىزۋ مىندەتى تۇرعانىن ايتتى. سايلاۋ الدىنداعى ۇگىت-ناسيحات كەزىندە اۋىل شارۋاشىلىعى وندىرۋشىلەرى كوتەرگەن نەگىزگى پروبلەما – سۋاراتىن سۋمەن جەتكىلىكتى تۇردە قامتاماسىز ەتىلمەۋ جانە يرريگاتسيالىق جۇيەلەردىڭ ناشار جاعدايدا بولۋى. ويتكەنى سۋارمالى جەرلەردى تولىققاندى سۋاراتىن سۋمەن قامتاماسىز ەتۋ جوعارى ساپالى ءونىم الۋدىڭ، ال وڭتۇستىكتە جىلىنا ەكى رەتكە دەيىن ءونىم الۋدىڭ نەگىزگى قۇرامداس بولىگى بولىپ تابىلاتىنىن جەتكىزىپ، بۇل جوبانى قانداي قاراجات نەمەسە قولدانىستاعى قانداي باعدارلامالار ەسەبىنەن ىسكە اسىرۋدى جوسپارلاپ وتىرعانى تۋرالى سۇرادى.

وسىعان وراي، ءماجىلىس توراعاسى: «ارينە، 600 مىڭ گەكتار جاڭا جەردى يگەرۋ وڭاي شارۋا ەمەس. باعدارلامادا جازىلعاننان كەيىن، وعان قول جەتكىزۋىمىز كەرەك. مەنىڭشە، بۇل تەك قانا اۋىل شارۋاشىلىعى مينيسترلىگىنىڭ ماسەلەسى ەمەس. بۇعان ەكولوگيا مينيسترلىگى دە ءوز ۇلەسىن قوسۋ كەرەك»، دەدى.

ءماجىلىس سپيكەرى سايلاۋالدى باع­دار­لامادا كورسەتىلگەن ءىس-شارالاردى ىسكە اسىرۋعا قاجەتتى قاراجاتتاردىڭ كوزدەلگەنىن اتاپ ءوتىپ، دەپۋتاتتار سىرتقى جانە ىشكى ناقتى جاعدايلاردى ەسكەرە وتىرىپ، كەزەكتى رەسپۋبليكالىق بيۋدجەت جوباسىن قاراۋ كەزىندە حا­لىق الدىنداعى مىندەتتەمەلەردى قار­جىلاندىرۋ ءۇشىن قاجەتتى تۇزەتۋلەردى ەنگىزۋگە دايىن ەكەنىن جەتكىزدى.
وتىرىس بارىسىندا، نۇرلان نىع­ماتۋلين: «ەلباسىنىڭ جول كارتاسىن ازىرلەۋ تۋرالى تاپسىرماسىنا سايكەس، كوپتەگەن جۇمىستار اتقارىلعانىن كورىپ وتىرمىز. وعان فراكتسيا دەپۋتاتتارى دا، ۇكىمەت مۇشەلەرى دە، پارتيا وكىلدەرى دە بەلسەندى قاتىستى. الداعى جوسپارلارىمىز، ماقساتتارىمىز بەلگىلى. ەندى وسى باعىتتا جۇمىسىمىزدى ودان ءارى جالعاستىراتىن بولامىز»، دەدى.

جول كارتاسى پارتيانىڭ ناقتى ماقساتتارىنا باعىتتالعانىن جەتكىزگەن پالاتا سپيكەرى سايلاۋالدى باعدارلاما حالىقتىڭ بارلىق ساناتىن قامتىعانىن ايتا كەلە: «سونىمەن بىرگە الەۋمەتتىك قامتاماسىز ەتۋ، ءبىلىم، دەنساۋلىق، اۋىل شارۋاشىلىعى، ونەركاسىپ، شاعىن جانە ورتا بيزنەستى دامىتۋعا جاڭا قادام جاسالىندى. باعدارلامادا وتباسىن، ايەل ازاماتتاردى، جاستاردى قولداۋعا دا ەرەكشە كوڭىل ءبولىندى. وسى ماقساتتارعا جەتۋ ءۇشىن جول كارتاسىنىڭ ءاربىر تار­ماعىنىڭ ورىندالۋىن قاتاڭ باقىلاۋ قا­جەت. بۇل – ەلباسىمىزدىڭ قاڭتاردىڭ ورتاسىندا بىزگە بەرگەن تاپسىرماسى»، دەدى.

بۇل رەتتە جول كارتاسىنىڭ بارلىق باعىتى ءماجىلىستىڭ كوميتەتتەرى اراسىندا بولىنگەن. ال ونىڭ ناقتى تارماقتارىنا باقىلاۋدى كۇشەيتۋ ءۇشىن Nur Otan فراكتسياسىنىڭ دەپۋتات­تارى بەكىتىلدى. اتاپ ايتقاندا، ءماجى­لىستىڭ كوميتەت توراعالارى ق.مۋسين، ج.نۇرمانبەتوۆا، م.قۇساي­نوۆ، ا.قۇس­پان، ا.راۋ، سون­داي-اق باس­قا ساياسي پار­تيالاردىڭ تورا­عالارى بار ەكى كوميتەتتە بۇل جۇمىستى كومي­تەت­تەردىڭ حاتشىلارى – فراكتسيا مۇشە­لەرى ۇيلەستىرەتىن بولادى. ولار – ا.قو­جاحمەتوۆ پەن ب.وسپانوۆ.

سونىمەن قاتار دەپۋتاتتار باع­دار­لاما تارماقتارىنىڭ ورىندالۋى تۋرالى اقپارات بەرۋگە دەربەس جاۋاپتى مەملەكەتتىك ورگانداردى دا انىقتاۋدى ۇسىندى. ول كەم دەگەندە ۆيتسە-مينيستر دەڭگەيىندە بولۋى كەرەك.

جيىندى قورىتىندىلاعان ءماجىلىس توراعاسى: «بۇل جول كارتاسى – ءاربىر وبلىستى، ءاربىر اۋداندى، ءاربىر اۋىلدى جانە بارلىق حالىقتى قامتيدى. ول العا قويىلعان مىندەتتەردى اشىق، ساپالى، ءتيىمدى ورىنداۋعا كەڭ جول اشادى. سەبەبى وندا پارتيامىزدىڭ توراعاسى، ەلباسى نۇرسۇلتان ءابىش ۇلى نازارباەۆتىڭ تاپسىرماسىنا سايكەس، بار­لىق سالا بويىنشا، اسىرەسە، الەۋ­مەتتىك ماسەلەلەردى شەشۋدىڭ ناقتى شارالارى كورسەتىلدى»، دەدى.

ايتا كەتۋ كەرەك، جيىنعا Nur Otan پار­تياسى توراعاسىنىڭ ءبىرىنشى ورىنباسارى باۋىرجان بايبەك جانە ۇكىمەت مۇشەلەرى قاتىستى.

Nur Otan پارتياسى فراكتسياسىنىڭ مۇ­شەلەرى – دەپۋتاتتار دايىنداعان جول كارتاسىن قولداپ، وزەكتى ماسەلەلەردى العا تارتىپ، پىكىرلەرىن ورتاعا سالدى.

سوڭعى جاڭالىقتار

كۇلشە قىز

تەاتر • بۇگىن، 09:25

گۇلدەردىڭ سىرىن ۇققان...

ونەر • بۇگىن، 09:24

قالدىقتى كادەگە جاراتتى

ايماقتار • بۇگىن، 09:22

اقىلى اۆتوجول كوبەيدى

قازاقستان • بۇگىن، 09:18

Digital تەڭسىزدىك

تەحنولوگيا • بۇگىن، 09:14

ەلىن سۇيگەن ەرەن ەر

تاريح • بۇگىن، 09:11

راسيمانىڭ ءاسۇيى

قوعام • بۇگىن، 09:07

الاكولگە پويىزبەن بارۋعا بولادى

ايماقتار • بۇگىن، 09:01

اسارلاتىپ التىنشى ءۇي سالدى

ايماقتار • بۇگىن، 09:00

1500 وتباسى باسپانالى بولادى

ايماقتار • بۇگىن، 08:58

ۇلى مۇرات ۇستىنى

پىكىر • بۇگىن، 08:54

ادامزاتقا قالتقىسىز قىزمەت

تانىم • بۇگىن، 08:42

شىناشاقتاي سپورتشى شىندىعى

سپورت • بۇگىن، 08:39

قانداستار ءوز ورتامىزعا ورالدى

قازاقستان • بۇگىن، 08:33

جاڭا جوبالاردى تانىستىردى

قازاقستان • بۇگىن، 08:27

كۇزدە – حالىق ساناعى

قازاقستان • بۇگىن، 07:58

مەيىرىم ەكەن عوي

ونەر • كەشە

ءانۋار الەمى

ونەر • كەشە

بوياۋلار قۇپياسى

ونەر • كەشە

ۇقساس جاڭالىقتار