سەناتورلار وڭدەۋشى ونەركاسىپتى قولداۋداعى قازىرگى شارالارعا, ونىڭ ىشىندە وڭدەۋ سالاسىنداعى وتاندىق كاسىپورىندارعا نەسيە بەرۋدى ۇلعايتۋ جونىندە قانداي جۇمىستار جۇرگىزىلىپ جاتقانىنا نازار اۋداردى.
كوميتەت توراعاسى داۋرەن ادىلبەكوۆ ەلىمىزدىڭ دامۋىندا شەتەلدىك ينۆەستيتسيالاردى تارتۋ اسا ماڭىزدى ەكەنىن جانە وسىعان بايلانىستى زاڭنامانى جەتىلدىرۋ ءۇشىن جاڭا تاسىلدەردى ازىرلەۋ تالاپ ەتىلەتىنىن اتاپ ءوتتى.
"ونەركاسىپتى ودان ءارى دامىتۋ ءۇشىن ساپالى زاڭنامالىق قولداۋ قاجەت ەكەنىن ءتۇسىنىپ تە, كورىپ تە وتىرمىز. سوندىقتان, ءبىز ءۇشىن زاڭناماداعى ولقىلىقتاردىڭ ورنىن تولتىرۋعا جانە وڭدەۋشى ونەركاسىپ ءوندىرىسىنىڭ كولەمىن ۇلعايتۋ ءۇشىن جاڭا تاسىلدەر ازىرلەۋگە مۇمكىندىك بەرەتىن كەرى بايلانىس ورناتۋ وتە ماڭىزدى. وسى جاڭالىقتاردىڭ ءبارى "ونەركاسىپتىك ساياسات تۋرالى" جاڭا زاڭدا كورىنىس تابۋى ءتيىس", - دەدى داۋرەن ادىلبەكوۆ.
دەپۋتاتتار سونداي-اق "قاراپايىم زاتتار ەكونوميكاسى" باعدارلاماسى اياسىندا باسىم جوبالارعا نەسيە بەرۋ تەتىكتەرىنە قاتىستى ماسەلەلەردى كوتەردى, سونداي-اق وڭدەۋ ونەركاسىبى جوبالارىن جەڭىلدىكپەن قارجىلاندىرۋدى قولدانۋ مۇمكىندىكتەرىن تالقىلادى.
كەزدەسۋ "قازاقستان رەسپۋبليكاسىنىڭ ونەركاسىپتىك ساياساتىن زاڭنامالىق رەتتەۋ: جاي-كۇيى, پروبلەمالارى جانە شەشۋ جولدارى" تاقىرىبى بويىنشا ۇكىمەت ساعاتىنا دايىندىق اياسىندا ءوتتى.
