ۇلتتىق مەرەكە – قازاقستان رەسپۋبليكاسىنىڭ تاۋەلسىزدىك كۇنىنە بايلانىستى ەلباسى نۇرسۇلتان نازارباەۆتىڭ اتىنا قۇتتىقتاۋ حاتتارى مەن جەدەلحاتتار كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى.
ۇلتتىق مەرەكە – قازاقستان رەسپۋبليكاسىنىڭ تاۋەلسىزدىك كۇنىنە بايلانىستى ەلباسى نۇرسۇلتان نازارباەۆتىڭ اتىنا قۇتتىقتاۋ حاتتارى مەن جەدەلحاتتار كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى.
تاۋەلسىزدىك كۇنىن اتاپ ءوتۋگە بايلانىستى قازاقستان پرەزيدەنتى نۇرسۇلتان نازارباەۆتىڭ اتىنا شەت مەملەكەتتەر باسشىلارىنان, حالىقارالىق ۇيىمدار جەتەكشىلەرىنەن, قازاقستاندىق جانە شەتەلدىك مەملەكەت ءارى قوعام قايراتكەرلەرىنەن, كاسىپورىندار, مەكەمەلەر مەن ۇيىمدار ۇجىمدارىنان, سونداي-اق, ەلىمىزدىڭ جەكەلەگەن ازاماتتارىنان حاتتار مەن جەدەلحاتتار كوپتەپ كەلىپ ءتۇستى.
قۇتتىقتاۋلاردا نۇرسۇلتان نازارباەۆتىڭ باسشىلىعىمەن قازاقستان قىسقا تاريحي كەزەڭدە حالىقارالىق ارەنادان لايىقتى ورنىن الىپ, ەلدە اۋقىمدى ساياسي جانە الەۋمەتتىك-ەكونوميكالىق رەفورمالاردىڭ جۇزەگە اسىرىلۋى ارقاسىندا حالىقتىڭ ءال-اۋقاتىنىڭ جوعارى دەڭگەيى مەن مەملەكەتتىڭ ءوسىپ-وركەندەۋى قامتاماسىز ەتىلگەنى اتاپ وتىلگەن.
بىرىككەن ۇلتتار ۇيىمىنىڭ باس حاتشىسى پان گي مۋن جولداعان حاتتا ۇيىمنىڭ بەيبىتشىلىك, دامۋ جانە ادام قۇقىعى سەكىلدى ورتاق ماقساتتاردى ىلگەرىلەتۋ ىسىندەگى قىزمەتىنە قازاقستاننىڭ بەلسەندى اتسالىساتىنى اتاپ وتىلگەن.
رەسەي فەدەراتسياسىنىڭ پرەزيدەنتى ۆ.ءپۋتيننىڭ قۇتتىقتاۋىندا قازاقستاننىڭ الەۋمەتتىك-ەكونوميكالىق جانە عىلىمي-تەحنيكالىق دامۋىنداعى تاڭدانارلىقتاي تابىسقا جەتكەنى, سونداي-اق, ەلدىڭ حالىقارالىق بەدەلىنىڭ ارتا تۇسكەنى ايتىلعان.
«تاياۋدا قول قويىلعان XXI عاسىرداعى تاتۋ كورشىلەستىك پەن وداقتاستىق شارتى نەگىزىندە ءبىز ەكىجاقتى بايلانىستاردىڭ ءوزارا ءتيىمدى بۇكىل كەشەنىن ودان ءارى بەلسەندى تۇردە ۇلعايتا تۇسەتىنىمىزگە سەنىمدىمىن», – دەلىنگەن حاتتا.
امەريكا قۇراما شتاتتارىنىڭ پرەزيدەنتى ب.وباما ءوز قۇتتىقتاۋىندا ەكى ەل سەرىكتەستىگىنىڭ ورناعانىنا ۇزاق ۋاقىت وتە قويماسا دا, ول حالىقتارىمىز بەن ۇكىمەتتەرىمىز اراسىنداعى ىنتىماقتاستىقتىڭ بارلىق سالاسىن مەيلىنشە قامتىپ, دامىپ كەلە جاتقانىنا توقتالعان.
«ءوز تاۋەلسىزدىگىن العان كەزەڭنەن بەرگى 22 جىلدا قازاقستان مادەني, كونفەسسيالىق جانە ەتنوستىق الۋاندىلىعىنان قۋات الۋىن جالعاستىرىپ كەلەدى. ۇكىمەت پەن حالىق وراسان الەۋەتىن تانىتاتىن نارىقتىق ەكونوميكا قۇردى. قازاقستان حالقى وسى جەتىستىكتەرىن ورىندى ماقتانىش ەتە الادى», – دەلىنگەن حاتتا.
ءوزىنىڭ جۇرەكجاردى تىلەگىن تۇرىك رەسپۋبليكاسىنىڭ پرەزيدەنتى ا.گۇل دە جولداي وتىرىپ, قازاقستان مەن ءتۇركيا اراسىنداعى ىنتىماقتاستىقتىڭ قارقىندى دامىپ وتىرعانىنا نازار اۋدارعان. سونداي-اق, ول ستراتەگيالىق سەرىكتەستىك دەڭگەيىنە قول جەتكىزگەن كوپجاقتى قارىم-قاتىناستاردى ودان ءارى نىعايتۋ جونىندەگى جۇمىستاردىڭ جالعاسىن تاباتىنىنا سەنىم بىلدىرگەن.
ءوز كەزەگىندە تۇرىك رەسپۋبليكاسىنىڭ پرەمەر-ءمينيسترى ر.ەردوعان جولداعان قۇتتىقتاۋىندا قازاقستان بەلسەندى سىرتقى ساياسي قىزمەتى ارقىلى بۇگىندە حالىقارالىق قوعامداستىقتىڭ قۇرمەتتى مۇشەسىنە اينالىپ وتىرعانىن اتاپ كورسەتكەن.
ءوز قۇتتىقتاۋىندا ءۇندىستان رەسپۋبليكاسىنىڭ پرەزيدەنتى پ.مۋكەردجي مەملەكەتتەرىمىز اراسىنداعى ەكىجاقتى قارىم-قاتىناستار اياسىنىڭ كەڭەيە تۇسكەنىن جەتكىزگەن.
«ءسىزدىڭ دانا باسشىلىعىڭىزبەن قازاقستان پروگرەسكە تەز جەتتى, ال ءۇندىستان ءسىزدىڭ ەلىڭىزدىڭ تابىستارىنا قۋانادى», – دەلىنگەن حاتتا.
كورەيا رەسپۋبليكاسىنىڭ پرەزيدەنتى پاك كىن حە جولداعان قۇتتىقتاۋ حاتتا وتكەن جىلدار ىشىندە قازاقستان مەن كورەيانىڭ ءوزارا تۇسىنىستىگى مەن ىنتىماقتاستىعى ايتارلىقتاي ارتقانى اتاپ وتىلگەن.
«مەن ەكى ەل حالىقتارىنىڭ ءوزارا مۇددەسى نەگىزىندە ءتۇرلى سالالارداعى ءبىزدىڭ دوستىعىمىز بەن ىزگى قارىم-قاتىناستارىمىز بولاشاقتا ودان ءارى نىعايا بەرەدى دەپ ۇمىتتەنەمىن», – دەلىنگەن قۇتتىقتاۋ حاتتا.
موناكو كنيازى البەر II مەرەكەگە بايلانىستى شىنايى تىلەگىن جولداپ, ەكى ەل اراسىنداعى ءوزارا ىقپالداستىقتىڭ ودان ءارى نىعايا تۇسەتىنىنە سەنىم بىلدىرگەن.
شۆەيتساريا كونفەدەراتسياسىنىڭ پرەزيدەنتى ۋ.ماۋرەر مەملەكەتتەرىمىز اراسىنداعى تابىستى دامىپ كەلە جاتقان سەنىم مەن دوستىق قارىم-قاتىناستارى الداعى جىلدارى دا وركەندەي تۇسەتىنىنە سەنىم ارتقان.
ءوز قۇتتىقتاۋىندا بەلارۋس رەسپۋبليكاسىنىڭ پرەزيدەنتى ا.لۋكاشەنكو قازاقستان-بەلارۋس قارىم-قاتىناستارى ستراتەگيالىق سەرىكتەستىك سيپات الىپ, جىل وتكەن سايىن ايتارلىقتاي مازمۇندى جانە قارقىندى بولا تۇسكەنىنە توقتالعان.
ۋكراينا پرەزيدەنتى ۆ.يانۋكوۆيچ مەملەكەت باسشىسىنىڭ باسشىلىعىمەن ەلدى جۇيەلى جاڭعىرتۋ جولىنداعى جوعارى ناتيجەلەرگە ودان ءارى قول جەتكىزۋدىڭ سەنىمدى ىرگەتاسى بولىپ سانالاتىن ەكونوميكالىق جاڭارۋلار مەن الەۋمەتتىك-گۋمانيتارلىق جوبالار قارقىندى ىسكە اسىرىلىپ جاتقانىن اتاپ وتكەن.
وزبەكستان رەسپۋبليكاسىنىڭ پرەزيدەنتى ي.كاريموۆ ستراتەگيالىق سەرىكتەستىكتىڭ بەرىك قاعيداتتارىنا, كوپعاسىرلىق دوستىق داستۇرلەرىنە, تاتۋ كورشىلەستىككە, ءوزارا قولداۋ مەن قۇرمەتكە نەگىزدەلگەن كوپجوسپارلى قازاقستان-وزبەكستان قارىم-قاتىناستارى كورشىلەس ەلدەر مەن حالىقتاردىڭ مۇددەلەرىنە ساي الدا دا مۇلتىكسىز دامي تۇسەتىنىنە جانە نىعايا بەرەتىنىنە سەنىمىن بىلدىرگەن.
قىرعىز رەسپۋبليكاسىنىڭ پرەزيدەنتى ا.اتامباەۆ ءوزىنىڭ قۇتتىقتاۋ جەدەلحاتىندا ەكى مەملەكەت حالىقتارىنىڭ يگىلىگى جولىنداعى قازاقستان-قىرعىزستان ستراتەگيالىق سەرىكتەستىگى ودان ءارى جان-جاقتى داميتىنىنا جانە نىعايا بەرەتىنىنە سەنىم بىلدىرگەن.
تۇركىمەنستان پرەزيدەنتى گ.بەردىمۇحامەدوۆ جولداعان قۇتتىقتاۋدا قازاقستاننىڭ تاۋەلسىزدىك جىلدارى ساياسي, ەكونوميكالىق جانە الەۋمەتتىك سالالاردا قول جەتكىزگەن تابىستارى, سونداي-اق, ەكى ەل اراسىندا قالىپتاسقان جان-جاقتى قارىم-قاتىناستاردىڭ دەڭگەيى جوعارى ەكەنى اتاپ وتىلگەن.
تاجىكستان رەسپۋبليكاسىنىڭ پرەزيدەنتى ە.راحمون دوستىقتىڭ بەرىك داستۇرلەرى مەن ءوزارا قۇرمەتكە نەگىزدەلگەن, عاسىرلىق تاريحي تامىرى بار قازاقستان-تاجىكستان ءوزارا ىقپالداستىعىنىڭ قارقىندى دامىپ كەلە جاتقانىن قاناعاتتانۋشىلىقپەن اتاپ وتكەن.
ىزگى تىلەككە تولى حاتتار رەسەي فەدەراتسياسىنان – ينگۋشەتيا رەسپۋبليكاسىنىڭ باسشىسى يۋ.ەۆكۋروۆتان, رەسەي فەدەراتسياسى پەنزا وبلىسىنىڭ گۋبەرناتورى ۆ.بوچكارەۆتەن كەلىپ ءتۇستى.
ءوز قۇتتىقتاۋلارىندا اقش كونگرەسىنىڭ مۇشەلەرى م.فيتسپاتريك, ل.لانس, گ.مەنگ جانە م.ميدوۋس قازاقستاننىڭ بەدەلى ارتىپ كەلە جاتقانىن, ونىڭ ورتالىق ازيا مەن اۋعانستاندا تۇراقتىلىق پەن بەيبىتشىلىكتى ىلگەرىلەتۋدەگى ماڭىزدى ءرولىن, سونداي-اق, تەرروريزممەن حالىقارالىق كۇرەسكە تۇراقتى تۇردە قولداۋ كورسەتىپ وتىرعانىن اتاپ وتكەن.
بۇعان قوسا, ەسكيشەحير قالاسىنىڭ مەرى ا.تۋن قازاقستان مەن تۇركيا اراسىنداعى ىنتىماقتاستىقتىڭ قارقىندى دامىپ كەلە جاتقانىن اتاپ ءوتىپ, قالا تۇرىك الەمى مادەنيەتى استانالارى مارتەبەسىن استانادان قابىلداعانىنا قاناعاتتانۋشىلىق بىلدىرگەن.
حالىقارالىق ۇيىمداردىڭ جەتەكشىلەرى دە مەملەكەت باسشىسىنىڭ اتىنا ەڭ ىزگى نيەتتى تىلەكتەرىن جولداپ, جەمىستى ىنتىماقتاستىقتى جالعاستىرۋ تۋرالى وزدەرىنىڭ نيەتتەرىن بىلدىرگەن.
ەۋرازەق باس حاتشىسى ت.مانسۇروۆتىڭ قۇتتىقتاۋىندا مەملەكەت باسشىسىنىڭ ەۋرازيالىق ينتەگراتسيا اۆتورى جانە يدەيالىق جەتەكشىسى رەتىندەگى حالىقارالىق بەدەلى ينتەگراتسيالىق ۇدەرىستەردىڭ تابىستى بولۋىن ايقىنداپ بەرگەنى اتاپ وتىلگەن.
سونىمەن قاتار, ءوز قۇتتىقتاۋلارىن تۇركسوي باس حاتشىسى د.قاسەيىنوۆ پەن تمد پارلامەنتارالىق كەڭەسىنىڭ باس حاتشىسى ا.سەرگەەۆ, مەملەكەتارالىق اۆياتسيا كوميتەتىنىڭ ءتورايىمى ت.انودينا, ەۋروپا گەرونتولوگيا جانە گەرياتريا قاۋىمداستىعىنىڭ پرەزيدەنتى ۆ.حاۆينسون, «مير» مترك توراعاسى ر.باتىرشين جولداعان.
تاۋەلسىزدىك كۇنىنە وراي قۇتتىقتاۋلاردى شەتەلدىك جانە قازاقستاندىق ىسكەر توپتار وكىلدەرى جولدادى.
ولاردىڭ قاتارىندا «رۋسسنەفت» مك» ااق پرەزيدەنتى م.گۋتسەريەۆ, «روسنانو» ااق باسقارما توراعاسى ا.چۋبايس, «شەۆرون» كورپوراتسياسى ەۋرازيا بولىمشەسىنىڭ باسقارۋشى ديرەكتورى س.دەۆيس, «ترانسنەفت» اك» ااق ۆيتسە-پرەزيدەنتى ۆ.رۋشايلو, بيزنەسمەندەر ب.پاكوللي مەن ا.پاكوللي, «الماتىقۇرىلىس» ۇحك» اق پرەزيدەنتى ا.ەرمەگياەۆ, «قازكا» قازاقستان كاسىپكەرلەرى قاۋىمداستىعىنىڭ باسقارما توراعاسى ج.جانىقۇلوۆ, وڭتۇستىك قازاقستان وبلىسىنان «ساۋتس-ويل» كومپانياسىنىڭ پرەزيدەنتى س.سەيىتجانوۆ, شىعىس قازاقستان وبلىسىنان «Normal Work» جشس ديرەكتورى ا.باكىمباەۆ بار.
«قازمىرىش» جشس كومپانياسىنا قاراستى مىڭداعان مۇشەسى بار ۇجىمداردىڭ اتىنان جولداعان ءوز حاتىندا كومپانيانىڭ باسقارما ءتوراعاسى ن.پوپوۆيچ مەملەكەت باسشىسىنىڭ ادام كاپيتالى ماسەلەسىنە كوڭىل قوياتىنىنا توقتالعان.
مەملەكەت باسشىسىن بارشا ازاماتتار ءۇشىن ەڭ باستى مەرەكەمەن ەلىمىزدىڭ عىلىمي ينتەلليگەنتسياسى قۇتتىقتادى.
ولاردىڭ اراسىندا قازاقستان ۇلتتىق عىلىم اكادەمياسىنىڭ پرەزيدەنتى م.جۇرىنوۆ, ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى ع.مۇتانوۆ, مولەكۋليارلىق بيولوگيا ينستيتۋتىنىڭ باس ديرەكتورى ن.ايتحوجينا, قاراعاندى مەملەكەتتىك تەحنيكالىق ۋنيۆەرسيتەتىنىڭ رەكتورى ا.عازاليەۆ بار.
رعا اكادەميگى ۆ.سادوۆنيچي نۇرسۇلتان نازارباەۆقا م.لومونوسوۆ اتىنداعى ماسكەۋ مەملەكەتتىك ۋنيۆەرسيتەتى مەن ەۋرازيالىق ۋنيۆەرسيتەتتەر قاۋىمداستىعىنىڭ مىڭداعان مۇشەسى بار ۇجىمدارى اتىنان قۇتتىقتاۋ حات جولداعان.
«ءسىزدىڭ حالىقارالىق ىنتىماقتاستىقتى نىعايتۋ جانە ەۋرازيالىق ينتەگراتسيا يدەياسىن ۇستانۋ جونىندەگى بەلسەندى ۇستانىمىڭىزدىڭ ارقاسىندا ەۋرازيالىق ەكونوميكالىق وداقتى قالىپتاستىرۋ, ەۋرازيالىق ءبىلىم بەرۋ كەڭىستىگىن نىعايتۋ جانە دامىتۋ جونىندەگى پروگرەسسيۆتى ءىس-ارەكەتتەرىڭىز جۇزەگە اسۋدا», – دەلىنگەن قۇتتىقتاۋ حاتتا. مۇنداي مازمۇنداعى قۇتتىقتاۋلار وسى ۋنيۆەرسيتەتتىڭ قازاقستانداعى فيليالىنىڭ پروفەسسورلىق وقىتۋشىلار قۇرامىنان دا كەلدى.
ءوز كەزەگىندە ديرەكتورى ب.سۇلتانوۆ باستاعان قازاقستاننىڭ ستراتەگيالىق زەرتتەۋلەر ينستيتۋتىنىڭ قىزمەتكەرلەرى تاۋەلسىزدىك مەرەكەسى مەملەكەت باسشىسىنىڭ ەسىمىمەن تىعىز بايلانىستى ەكەنىن اتاپ وتكەن.
سونداي-اق, وزدەرىنىڭ شىن جۇرەكتەن شىققان قۇتتىقتاۋلارىن جازۋشى, قازاقستان رەسپۋبليكاسى مەملەكەتتىك سىيلىعىنىڭ لاۋرەاتى س.دوسانوۆ, الماتىدان اقىن م.ايتحوجينا, قازاقستان كاسىپوداقتارى فەدەراتسياسىنىڭ توراعاسى ءا.قۇسايىنوۆ, قازاقستاننىڭ تاتار جانە باشقۇرت قاۋىمداستىعىنىڭ پرەزيدەنتى گ.حايرۋللين, ارداگەرلەردىڭ رەسپۋبليكالىق كەڭەسىنىڭ توراعاسى ءو.وزعانباەۆ, دۇنيەجۇزى قازاقتارى قاۋىمداستىعى توراعاسىنىڭ ءبىرىنشى ورىنباسارى ت.ماماشەۆ جولدادى.
اۋعانستان سوعىسىنىڭ مۇگەدەكتەرى رەسپۋبليكالىق كەڭەسىنىڭ توراعاسى, كەڭەس وداعىنىڭ باتىرى ن.كرەمەنيش ۇلتتىق مەرەكەگە بايلانىستى ىزگى نيەتتى قۇتتىقتاۋ جولداپ, تاۋەلسىزدىكتى ەلىمىزدىڭ ءوز تاعدىرىن ءوزى انىقتاۋعا مۇمكىندىك بەرەتىن ىرگەلى قۇندىلىق دەپ اتاعان.
«بۇل مەرەكە شىن مانىندە بوستاندىق پەن ءبىزدىڭ مەملەكەتىمىزدىڭ كۇش-قۋاتىنىڭ سيمۆولى بولىپ تابىلادى. قازاقستاننىڭ ۇلى تاريحىنداعى تاۋەلسىزدىكتى حالقىمىز جاڭا جەتىستىكتەرىمەن جانە تابىستى جاڭارۋلارىمەن تاماشا جالعاستىردى», – دەلىنگەن حاتتا.
قازاقستان پراۆوسلاۆيە شىركەۋىنىڭ باسشىسى, استانا جانە قازاقستان ءميتروپوليتى الەكساندر, ورال جانە اقتوبە ارحيەپيسكوپى انتوني وزدەرىنىڭ قۇتتىقتاۋلارىندا ەلىمىزدىڭ ودان ءارى ءوسىپ-وركەندەۋىنە قاتىستى ىزگى تىلەكتەرىن بىلدىرگەن.
ۆەلوسپورتتان وليمپيادا چەمپيونى ا.ۆينوكۋروۆ نۇرسۇلتان نازارباەۆتىڭ ەلىمىزدى جاڭا جەڭىستەر مەن بيىكتەرگە سەنىمدى باستاپ كەلە جاتقانىن, سونىڭ ارقاسىندا ونىڭ ءيميدجى مەن كۇمانسىز بەدەلى بۇكىل الەم الدىندا نىعايا تۇسكەنىن اتاپ وتكەن.
ال مەملەكەت باسشىسىنا دەگەن يگى تىلەكتەرىن استانا تۇرعىندارى گ.شيشوۆ, ب.وماروۆ, ە.ماقتاەۆ, ماڭعىستاۋ وبلىسىنان ت.تۇروۆا ولەڭمەن جولداعان.
قۇتتىقتاۋ حاتتارى مەن ءىزى نيەتتى تىلەكتەرىن جولداعان ازاماتتار قاتارىندا استانادان ءا.قارباي ۇلى, الماتى وبلىسىنان و.بارىبەكوۆ, المالىباق اۋىلىنداعى دارىندى بالالارعا ارنالعان مەكتەپتىڭ 4-سىنىپ وقۋشىسى ە.عاني ۇلى, جەتىگەن اۋىلىنداعى №11 مەكتەپتىڭ 2-سىنىپ وقۋشىسى ە.تىلەۋبەكقىزى, اقمولا وبلىسىنان ب.ورمانتاەۆ, شىمكەنت قالاسىنان و.كومەكباەۆ, شىعىس قازاقستان وبلىسى سەمەي قالاسىنان ە.ورازالين, قىزىلوردا وبلىسىنان س.شىمىرقۇلوۆ, سونداي-اق, ا.تۇرعانبەكوۆ بار.
سونىمەن بىرگە, قۇتتىقتاۋلار مينيسترلىكتەر مەن ۆەدومستۆولار جەتەكشىلەرىنەن, وبلىستار اكىمدەرىنەن, پارلامەنت پالاتالارىنىڭ توراعالارى مەن دەپۋتاتتارىنان, ەلشىلەردەن, قازاقستان رەسپۋبليكاسى ۇلتتىق كومپانيالارى مەن مەملەكەتتىك مەكەمەلەر باسشىلارىنان كەلىپ ءتۇستى.
ءوز اتىنا كەلىپ تۇسكەن بارلىق قۇتتىقتاۋلاردى مۇقيات وقىپ شىققان مەملەكەت باسشىسى نۇرسۇلتان نازارباەۆ ىزگى نيەتكە تولى قۇتتىقتاۋلار مەن تىلەكتەر ءۇشىن شىن جۇرەكتەن العىسىن ءبىلدىردى.
