قازاقستان • 09 اقپان، 2021

قازنەتتىڭ بارلىق وتاندىق ينتەرنەت-رەسۋرستارى تەگىن بولۋى مۇمكىن

23 رەت كورسەتىلدى

قاتەلەردى، پروبلەمالاردى، ۇيكەلىستەردى بولدىرماۋ ماقساتىندا مينيسترلىك ماماندارى دومەندىك اتتاردى تىركەۋشىلەرمەن جانە كومپيۋتەرلىك ينتسيدەنتتەرگە دەن قويۋ قىزمەتىمەن (CERT) بىرلەسىپ، انىقتالعان بۇزۋشىلىقتارعا قولمەن تالداۋ جۇرگىزەدى. KZ جانە KAZ دومەندىك اتاۋلارى بار ينتەرنەت-رەسۋرستاردى توقتاتا تۇرۋ قولمەن تالداۋ جۇرگىزىلگەننەن كەيىن كەزەڭ كەزەڭمەن جۇزەگە اسىرىلاتىن بولادى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە قر تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى اسحات ورازبەك حابارلادى. 

«ياعني، ءبارىن جابۋ جانە جازالاۋ ءۇشىن جاھاندىق حايپ جوق جانە بولمايدى دا. دومەندىك اتاۋلاردىڭ يەلەرى توقتاتا تۇرۋ مەرزىمىن 15-30 كۇنگە اۋىستىرۋدى سۇراپ، مينيسترلىككە جۇگىنەدى. ءىس جۇزىندە ءاربىر ءوتىنىش بويىنشا مينيسترلىك قولداۋ كورسەتەدى، كەيىنگە قالدىرۋعا كەلىسەدى. ءبىز كەيبىرىنە كوپ ۋاقىت قاجەت ەكەنىن تۇسىنەمىز. قازىرگى كەزدە 3 مىڭنان استام دومەندىك اتتى قازاقستان رەسپۋبليكاسىنىڭ اۋماعىنا كوشىرۋ بويىنشا جۇمىستار جۇرگىزىلۋدە. ولاردىڭ بارلىعىنىڭ يەلەرىنىڭ وتىنىشتەرى قاناعاتتاندىرىلدى»، - دەدى سپيكەر.

سونداي-اق، ول دومەندىك اتاۋلاردىڭ يەلەرى مەن قاراپايىم ازاماتتار ءۇشىن جۇرگىزىلىپ جاتقان جۇمىستىڭ نە بەرەتىنى جايلى ەگجەي-تەگجەيلى ايتىپ بەردى.

بىرىنشىدەن، WebTotem وتاندىق جۇيەسى ارقىلى قازاقستاندىق ينتەرنەت-رەسۋرستاردى اقىسىز نەگىزدە قورعاۋ بويىنشا قىزمەت كورسەتىلەدى. KZ جانە قاز دومەندىك اتى بار ينتەرنەت-رەسۋرستىڭ كەز كەلگەن يەسى اقپاراتتىق قاۋىپسىزدىك كوميتەتىنە تەگىن قىزمەت الۋ ءۇشىن ءوتىنىم جىبەرە الادى.

ال بارلىق قازاقستاندىق دومەندىك اتاۋلاردى ەل اۋماعىنا كوشىرۋ پروتسەسى اياقتالعاننان كەيىن مينيسترلىك بايلانىس وپەراتورلارىمەن بىرلەسىپ، ەل ازاماتتارى ءۇشىن قازنەتكە تاريفتەلمەيتىن قولجەتىمدىلىك جاساۋدى جوسپارلاپ وتىر. بىلايشا ايتقاندا، ازاماتتار شەتەلدىك ينتەرنەت-رەسۋرستارعا قولجەتىمدىلىك ءۇشىن عانا تولەيتىن بولادى، ال قازنەتتىڭ وتاندىق بارلىق ينتەرنەت-رەسۋرستارى تەگىن بولادى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار