كەزدەسۋگە شىعىس قازاقستان وبلىسىنىڭ مەملەكەتتىك ساۋلەت-قۇرىلىس باقىلاۋ باسقارماسىنىڭ, قۇرىلىس ءبولىمىنىڭ, جىلۋ جۇيەلەرىنىڭ جانە يپوتەكالىق كومپانيانىڭ وكىلدەرى قاتىستى.
كوپ قاباتتى ۇيدە ءجۇز الپىس ەكى پاتەر بار. الايدا وتىزعا جۋىعى ءالى دە بوس. سەبەبى بۇعان دەيىن قونىس تويىن تويلاعان وتباسىلاردىڭ قۋانىشى ۇزاققا سوزىلمادى. كوشىپ كەلگەن كۇننەن باستاپ تۇرعىن ءۇي كەشەنىندە ولقىلىقتار پايدا بولدى.
ء«بىز پاتەر يەلەرىمەن ۇنەمى بايلانىستامىز. قارجىلاندىرۋ ماسەلەسى شەشىلسە, جوندەيتىن مەردىگەر دايىن. ءاربىر پاتەرگە ساراپتاما جاسالادى. ولقىلىقتاردىڭ ورنىن تولتىرۋعا بار كۇش-جىگەرىمىزدى سالاتىن بولامىز», - دەدى يپوتەكالىق كومپانيا وكىلى رەنات نىسانوۆ.
شىعىس قازاقستان وبلىسىنىڭ مەملەكەتتىك ساۋلەت-قۇرىلىس باقىلاۋ باسقارماسى وكىلىنىڭ سوزىنە سۇيەنسەك, ساراپتامالىق-تالداۋ جۇمىستارى اعىمداعى جىلدىڭ 5 ناۋرىزىندا اياقتالادى.
سونداي-اق جاۋاپتى سالا وكىلدەرى ليفت قىزمەتىن 1-ءشى, 2-ءشى پودەزدەرىن الداعى كۇندەرى, ال قالعان پودەزدەردەگى ليفت قىزمەتىن اعىمداعى جىلدىڭ 20 اقپانىنا دەيىن ىسكە قوسۋعا ۋادە ەتتى.
بارلىق سالا وكىلدەرىنىڭ اتالعان ماسەلەلەردى شەشۋى بويىنشا ۋادەلەرى جيىن حاتتاماسىمەن بەكىتىلىپ, «شىعىس — ادالدىق الاڭى» جوبالىق كەڭسەسى مەن «Nur Otan» پارتياسى جانىنداعى سىبايلاس جەمقورلىققا قارسى قوعامدىق كەڭەس ءوز باقىلاۋىندا ۇستايتىن بولادى.
