...كەشە

...زيارات ەتۋگە اتتاندى تالاس اۋدانىنداعى ءسادۋ ءشا­كىروۆ اتىنداعى اۋىلدىڭ تۇر­عىنى مىلتىقباي مەرگەنباەۆ سوعىسقا 1941 جىلى كىرىپ, 1943 جىلى رە­سەي­دىڭ ۆولگوگراد وبلى­سىنا قا­راس­تى چۋۆايسكي اۋدا­نىنىڭ ورلوۆكا سەلوسىنداعى قاندى قىر­عىن كەزىندە ەرلىكپەن قازا تاپقان بولاتىن. جاقىندا مايدانگەردىڭ ۇلى, وسى اۋىلدىڭ تۇرعىنى مادىبەك مىلتىقباەۆ “نۇر وتان” حدپ اۋدان­دىق فيليالىنا جەڭىستىڭ 65 جىلدىعىنا وراي مايداندا شەيىت بولعان اكە قابىرىنە زيارات ەتىپ, قۇران باعىشتاپ قايتقىسى كەلەتى­نىن ايتىپ, ءوتىنىش جازعان بولا­تىن. ءوتىنىش فيليال تاراپى­نان قا­بىل الىنىپ, مايدان­گەر­دىڭ با­لا­سى كەشە رەسەيگە اتتا­نىپ كەتتى. ەندى ۋكرايناداعى روۆنەنسك وبلىسىنا قاراستى لۆوۆ اۋدا­نىن­داعى چەرۆونوكرەمەنسك ستان­ساسىندا كوز جۇمعان كەنجەباي تۇرسىنباەۆ پەن رەسەيدىڭ پسكوۆ وبلىسىندا قازا بولعان راقىم مۇ­حامبەتوۆتىڭ ۇرپاقتارى دا اكەلەرىنىڭ قابىرىنە زيارات ەتۋگە اتتانباقشى. كوسەمالى ساتتىباي ۇلى. جامبىل وبلىسى, تالاس اۋدانى. ...مەموراندۋمعا قول قويىلدى اقتوبە وبلىسىنىڭ اكىمى ەلەۋسىن ساعىندىقوۆ پەن ENRC PLC كومپانياسىنىڭ باس ات­قا­رۋشى ديرەكتورى فەليكس ۆۋليس ءوز­ارا الەۋمەتتىك ارىپتەستىك تۋرا­لى مەموراندۋمعا قول قويدى. وسى­مەن سەگىزىنشى رەت جاسالىپ وتىر­عان مەموراندۋمنىڭ اياسىن­دا جالپى سوماسى 1156 ملن. تەڭ­گەنىڭ الەۋمەتتىك ماسەلەلەرى شە­شىلەدى. مەموراندۋمدا بۇرىنعى جىلدار­دا­عىداي بالالار ۇيىنە, دەنساۋلىق ساقتاۋ جانە رۋحاني سالا مەكە­مە­لەرىنە قايىرىمدى­لىق كومەگىن كورسەتۋ قارالعان. اق­توبە جانە حرومتاۋ قالالا­رىن­دا سالىنىپ جاتقان تۇرعىن ءۇي­لەر قۇرىلىسى دا وسى مەمو­ران­دۋمدا قارالعان قارجىعا تۇر­عىزىلۋدا. مەموراندۋمعا قول قويۋدىڭ سالتاناتىندا سويلەگەن سوزىندە وبلىس باسشىسى كوپتەگەن كومپا­نيا­­لاردىڭ الەۋمەتتىك ءارىپ­تەس­تىك­تى دامىتۋعا باسا نازار اۋدا­رىپ وتىرعانىن اتاپ ءوتتى. ولار­دىڭ ارا­سىندا “سنپس-اقتو­بە­مۇناي­گاز” اق, “قازاقويل­اق­تو­بە” جشس جانە اتالعان كوم­پانيا بار. ساتىبالدى ءساۋىرباي. اقتوبە وبلىسى. ...جاستار سلەتى ءوتتى قاراسايلىق جاستار “ەلىمنىڭ بولاشاعى – مەنىڭ بولاشاعىم” تاقىرىبىندا وي قوزعاپ, باس قوستى. وعان “دارىن” عىلىمي-پراكتيكالىق ورتالىعىنىڭ, سپورت جارىستارىنىڭ, قولدانبا­لى ەڭبەك جانە بەينەلەۋ ونەرى بوي­ىنشا وتكىزىلگەن “پرەزي­دەنت­تىك كورپوراتيۆتىك قورى” جانە اۋداندىق, وبلىستىق, رەسپۋب­لي­كا­لىق ءان-بي بايقاۋلارىنىڭ جە­ڭىمپازدارى, جاڭا يدەيالار مەن پىكىرلەردىڭ, ونەر مەن ءبىلىمنىڭ مەرەكەسىنە مەكتەپتەگى پاندەر وليمپياداسىنىڭ جەڭىمپازدارى قاتىسىپ, تاقىرىپ اۋقىمىن كە­ڭەيتە ءتۇستى. سلەتتە شاكىرتتەردىڭ بەلسەن­دى­لىگى ەرەكشە تانىلىپ, ولار ءوزىن­دىك كوزقاراسى مەن ومىرلىك باع­دار­لا­مالارىن دالەلدەپ, ەگە­مەن ەلى­مىز­دىڭ بولاشاعى ءۇشىن ءبا­سەكەگە قا­بىلەتتى ءبىلىم دەڭگەيىن, كا­سىبي ءبى­لىكتىلىك جولىنداعى ءىز­دە­نىس تانى­تا­تىندىقتارىن ورتاعا سالدى. كۇمىسجان بايجان. الماتى وبلىسى.