تەك ساقتىق شارالارى مەن اراقاشىقتىق ەسكەرىلىپ, سىيىمدىلىعى 100 ادامنان اسپايتىن مەشىتتەردىڭ ءىشى 25-30 پايىز عانا تولۋى شارت.
بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىڭ باس يمامى ەركەبۇلان قاراقۇلوۆ مالىمدەدى.
ەڭ ماڭىزدىسى, ناماز وقيتىن عيماراتتى زالالسىزداندىرۋ شارالارىن جۇرگىزۋ قاجەت.
سونداي-اق, پارىز نامازىنىڭ وتەلۋىنەن كەيىن كوپ ۇزاماي مەشىتتى بوساتۋ ءلازىم.
وبلىستىق, قالالىق دەڭگەيدەگى جانە اۋدان ورتالىقتارىنداعى مەشىتتەردە جۇما نامازىن وقۋعا رۇقسات بەرىلمەيدى.
الداعى ۋاقىتتا ەپيدەميالىق احۋال تۇراقتى بولعان جاعدايدا قوسىمشا وزگەرىستەر ەنگىزىلۋى مۇمكىن.
«قازاقستان مۇسىلماندارى ءدىني باسقارماسىنا 30 جىل تولۋىنا وراي, بىلتىر باس ءمۇفتي ناۋرىزباي قاجى تاعان ۇلىنىڭ توراعالىعىمەن ءىV رەسپۋبليكالىق يمامدار فورۋمى ءوتتى. القالى جيىندا «زياتكەر يمام», «زيرات سالۋ, زيارات ادەبى», «داستارقان جايۋ ادەبى» سىندى ماڭىزدى قۇجاتتار قابىلدانعان. سونىڭ نەگىزىندە وبلىستا جوسپار ءتۇزىلىپ, ءتيىستى جۇمىستار اتقارىلۋدا. تۇركىستان وبلىسىندا جالپى 750 مەشىت بار. عيبادات ۇيلەرىندە 1 مىڭعا جۋىق ءدىن وكىلدەرى تۇرعىنداردىڭ ءدىني ساۋاتىن ارتتىرۋعا ۇلەس قوسىپ كەلەدى», دەدى ول.
جۋىردا عانا تۇركىستان وبلىسىنىڭ باس يمامى قىزمەتىنە كىرىسكەن ەركەبۇلان ىبرايىم ۇلى ءوڭىر جۇرتشىلىعىن پاندەميانى باسەڭدەتۋگە ىقپال جاساۋ قاجەتتىگىن اتاپ ءوتتى.
ونىڭ سوزىنشە, قازا اۋىر بولعانىمەن سابىر قىلىپ, جانازا راسىمىنەن سوڭ اس بەرۋدى ۋاقىتشا دوعارا تۇرعان ءجون.
