مۇقاعالي مۇراسىن جاڭعىرتۋ ىسىندەگى ىلكىمدى جوبانىڭ ءبىرى – اقىن ولەڭدەرىن وزگە تىلدەرگە اۋدارۋ بولسا كەرەك. ال الماتى وبلىسى بيىلعى تويعا تارتۋ رەتىندە قالامگەر شىعارمالارىنىڭ ورىس تىلىندەگى نۇسقاسىن جيناقتاپ, كىتاپ ەتىپ شىعارىپ وتىر. جاقىندا «ۆوزۆراششەنيە لاستوچكي» دەپ اتالاتىن جيناق وبلىس وقىرمانىنىڭ قولىنا تيمەكشى. بۇل جيناقتا مۇقاعالي ماقاتاەۆتىڭ ولەڭدەرى اقىن, اۋدارماشى ورىنباي جانايداروۆتىڭ تارجىماسىمەن بەرىلگەن. كىتاپ 500 دانامەن تارالادى.
جالپى, بيىل اقىننىڭ تۋعان اۋىلىندا مەرەيتويلىق شارا وتەدى. دايىندىق بارىسىندا قاراساز اۋىلىنداعى اقىن مۋزەيىن جاڭعىرتىپ, اۋدان ورتالىعىندا مۇقاعاليدىڭ ەڭسەلى ەسكەرتكىشىن تۇرعىزۋ جوسپارى بار. ال جاقىندا مۇقاعالي ماقاتاەۆتىڭ سوزىنە جازىلعان اندەردى ورىنداۋدان «جىرلايدى جۇرەك» رەسپۋبليكالىق بايقاۋى ءوز مارەسىنە جەتتى. ونلاي وتكەن ءان سايىسىنىڭ قورىتىندىسى اقىننىڭ تۋعان كۇنى – 9 اقپاندا جاريا بولماق.
– اقىندى ۇلىقتاۋ ءىسى مۇنىمەن توقتامايدى. جاز ايلارىندا كاسىپقوي سۋرەتشىلەر اراسىندا «مۇقاعالي – ماڭگىلىك بەينە» اتتى وبلىستىق پلەنەرلەر, فوتوكورمەلەر وتكىزىلەدى. بيكەن ريموۆا اتىنداعى وبلىستىق دراما تەاترىندا «مۇقاعالي» سپەكتاكلى قويىلادى. ودان وزگە, رەسپۋبليكالىق, وبلىستىق اقىندار ايتىسى, انشىلەر بايقاۋى, عىلىمي-پراكتيكالىق كونفەرەنتسيالار مەن ءتۇرلى دەڭگەيدەگى كورمەلەر مەن كەزدەسۋلەر, تانىمدىق ساعاتتار, تۋرنيرلەر, وقۋلار وتەدى, – دەيدى وبلىستىق مادەنيەت باسقارماسىنىڭ باسشىسى مارلەن كولباەۆ.
الماتى وبلىسى
