قر ەڭبەكمينى ەڭبەك, الەۋمەتتىك قورعاۋ جانە كوشى-قون كوميتەتىنىڭ توراعاسى ەربول نۇرعاليەۆ جانە «قتج» ۇك» اق وندىرىستىك قاۋىپسىزدىك جانە ەكولوگيا دەپارتامەنتىنىڭ قىزمەتكەرلەرى ءىس-شارانىڭ نەگىزگى سپيكەرلەرى بولدى.
ءوز سوزىندە ەڭبەك, الەۋمەتتىك قورعاۋ جانە كوشى-قون كوميتەتىنىڭ توراعاسى نۇرعاليەۆ ستاتيستيكا بويىنشا جىل سايىن ەلىمىزدىڭ كاسىپورىندارىندا جازاتايىم وقيعالار سالدارىنان 1,3 مىڭنان استام قىزمەتكەر مەرتىكسە, ولاردىڭ 200-گە جۋىعى قازا تاباتىنىن ايتتى. وتكەن جىلى زارداپ شەككەندەر سانى 1,5 مىڭ ادامعا جەتتى, ال قازا تاپقاندار سانى – 208-ءدى قۇرادى.
«مەملەكەتتىك باقىلاۋ ناتيجەلەرى انىقتالعان ەڭبەك زاڭناماسىن بۇزۋشىلىقتاردىڭ شامامەن 28,8%-ى ەڭبەك قاۋىپسىزدىگى جانە ەڭبەكتى قورعاۋ ماسەلەلەرى بويىنشا ەكەنىن كورسەتەدى», – دەپ اتاپ ءوتتى ەربول نۇرعاليەۆ.
ول مەملەكەتتىك ەڭبەك ينسپەكتورلارىنىڭ دەرەكتەرى بويىنشا سوڭعى ءۇش جىلدا (2018-2020 جىلدارى) تەمىرجول كولىگى كاسىپورىندارىندا جاراقاتتانۋ دەڭگەيى 24,2% - عا (33 ادامنان 41 ادامعا دەيىن), ونىڭ ىشىندە ولىممەن اياقتالعاندارى 71,4% - عا (7 ادامنان 12 ادامعا دەيىن) وسكەنىن اتاپ ءوتتى.
سونىمەن قاتار, «قتج» ۇك» اق وكىلدەرى «وندىرىستىك قاۋىپسىزدىك» ينتەگراتسيالانعان جۇيەسىن تانىستىردى, وندا كومپانيانىڭ ءاربىر قىزمەتكەرى قاۋىپتى فاكتورلاردى تىركەي الادى جانە وندىرىستىك قاۋىپسىزدىكتى باسقارۋ بويىنشا بارلىق نەگىزگى پروتسەستەردى وزىنە قوسا الادى.
تۇتاستاي العاندا, ەڭبەك قاۋىپسىزدىگى جانە ەڭبەكتى قورعاۋ سالاسىندا ات شەشىمدەرىن ەنگىزۋ جوباسى وندىرىستىك قاۋىپسىزدىكتى باسقارۋداعى ءابسوليۋتتى اشىقتىقتى جانە ەڭبەك قاۋىپسىزدىگى جونىندەگى تالاپتاردىڭ بۇزىلۋىنا نولدىك توزىمدىلىكتى قامتاماسىز ەتۋگە مۇمكىندىك بەرەدى جانە ەڭبەك قاۋىپسىزدىگى مادەنيەتىنىڭ دەڭگەيىن ارتتىرۋ باعىتىنداعى ەلەۋلى قادام بولىپ تابىلادى.
سونداي-اق, ەڭبەك, الەۋمەتتىك قورعاۋ جانە كوشى-قون كوميتەتىنىڭ توراعاسى وندىرىستىك جاراقاتتانۋدى تومەندەتۋ ءۇشىن قابىلدانىپ جاتقان, 2019-2023 جىلدارعا ارنالعان وندىرىستىك جاراقاتتانۋدى جانە ەڭبەك جاعدايلارى زياندى جۇمىس ورىندارىن ازايتۋ جونىندەگى جول كارتاسىن ىسكە اسىرۋ جانە ەلىمىزدىڭ 200-دەن استام كاسىپورنى قولداۋ كورسەتكەن «Vision Zero» نولدىك جاراقاتتانۋ تۇجىرىمداماسىن ىلگەرىلەتۋ سياقتى باسقا دا شارالار تۋرالى ايتىپ بەردى.
سونىمەن قاتار, ءىس-شارا اياسىندا «قتج» ۇك» اق وكىلدەرى ءوز قىزمەتكەرلەرىنىڭ ەڭبەك جاعدايلارىن جاقسارتۋ جانە ەڭبەك قاۋىپسىزدىگىن ارتتىرۋ بويىنشا ءوز تاسىلدەرىمەن, سونىڭ ىشىندە ىشكى پروتسەستەردى جەڭىلدەتۋگە جانە جەدەلدەتۋگە ارنالعان اT شەشىمدەرىمەن ءبولىستى.
