الماتى قالالىق پد جەرگىلىكتى پوليتسيا قىزمەتى باسقارماسىنىڭ باستىعى ماناپ ساتتاروۆتىڭ ايتۋىنشا, قالادا 1 مىڭ 899 قوعامدىق كولىككە يە 21 اۆتوپارك بار. بيىلعى جىلدىڭ قاڭتارىندا قوعامدىق كولىك جۇرگىزۋشىلەرى جول قوزعالىسى ەرەجەلەرىن بۇزۋدىڭ 280-نەن استام دەرەگىنە جول بەرگەن. ولار كوبىنەسە كولىك قۇرالىن باسقارۋ كەزىندە ۇيالى تەلەفونمەن سويلەسۋگە (110 فاكت), سونداي-اق مانەۆر جاساۋ ەرەجەلەرىن بۇزۋعا (114 فاكت) جول بەرەدى.
- پاترۋلدىك پوليتسيا قوعامدىق كولىك جۇرگىزۋشىلەرى تاراپىنان كەلەسى زاڭ بۇزۋشىلىقتاردى انىقتادى: جولاۋشىلاردى تاسىمالداۋ ەرەجەلەرىن بۇزۋ (قر اقبتك-ءنىڭ 571-بابىنىڭ 2 جانە 3-بولىكتەرى) – 13 فاكت, كولىك قۇرالىن ءتيىستى رۇقساتسىز قايتا جابدىقتاۋ (قر اقبتك-ءنىڭ 590-بابىنىڭ 7-بولىگى) – 5 فاكت, جول ءجۇرۋ الدىنداعى تەحنيكالىق بايقاۋدىڭ بولماۋى (قر اقبتك-ءنىڭ 590-بابىنىڭ 8-بولىگى) – 12, مىندەتتى تەحنيكالىق بايقاۋدىڭ بولماۋى (قر اقبتك-ءنىڭ 590-بابىنىڭ 9-بولىگى) – 5, قاراما-قارسى جولاققا ءوتۋ (قر اقبتك-ءنىڭ 596-بابىنىڭ 3-بولىگى) – 3, جۇمىس جانە دەمالىس رەجيمىن بۇزۋ (قر اقبتك-ءنىڭ 572-بابىنىڭ 2-بولىگى). سونىمەن قاتار, اۆتوپارك باسشىلارىنىڭ ىشىنەن جەتى لاۋازىمدى تۇلعا اكىمشىلىك جاۋاپكەرشىلىككە تارتىلدى, – دەدى ول.
