ەكپە باستالعان كۇنى وبلىستىق دەنساۋلىق ساقتاۋ باسقارماسىنىڭ باسشىسى ءسابيت پازىلوۆ پەن سانيتارلىق-ەپيدەميالىق باقىلاۋ دەپارتامەنتى باسشىسى دينارا جاڭابەرگەنوۆا بريفينگ وتكىزىپ, ايماقتا 32 ەگۋ كابينەتى مەن 16 جىلجىمالى ەگۋ بريگاداسى جۇمىس ىستەيتىندىگىن اتاپ ءوتتى. قازىر وبلىسقا قاجەتتى 80 مىڭ دوزانىڭ 1 مىڭ داناسى جەتكىزىلدى. قالعانى كەستە بويىنشا اكەلىنەدى. وبلىس ورتالىعىنداعى №1, 3 جانە 6 ەمحانالاردان ەگۋ كابينەتتەرى دايىندالعان. جالپى بۇل جۇمىسقا وبلىس بويىنشا 133 مەيىربيكە مەن 89 دۋبلەر جۇمىلدىرىلىپ وتىر. الدىن الا جاسالعان ىرىكتەۋدەن كەيىن ۆاكتسينالاۋدان وتەتىندەردىڭ 8,4 پايىزىن مەديتسينا قىزمەتكەرلەرى, 23,5 پايىزىن ءبىلىم سالاسى ماماندارى, جارتىسىنان كوبىن دەرت جۇقتىرۋ قاۋپى نەعۇرلىم جوعارى سوزىلمالى اۋرۋلارى بار تۇرعىندار, 10,3 پايىزىن ستۋدەنتتەر قۇرايتىنى بەلگىلى بولىپ وتىر.
ەگۋ جۇمىستارىنا دايىندىق بارىسىندا تەلەمەديتسينا ارقىلى العاشقى مەديتسينالىق-سانيتارلىق
كومەك كورسەتۋ مەديتسينالىق ۇيىمداردىڭ 65 مامانىنا «وبلىستىڭ مەديتسينا ۇيىمدارىندا «سپۋتنيك V» ۆاكتسيناسىنىن جۇرگىزۋدىڭ العىشارتتارى, قابىلداۋ, تاسىمالداۋ جانە ەگۋ جۇمىستارىن ۇيىمداستىرۋ الگوريتمى مەن ۆاكتسينالاۋعا كورسەتكىشتەر مەن قارسى كورسەتكىشتەر» تاقىرىبىندا سەمينار وتكىزىلدى. وبلىس بويىنشا ماۋسىمعا 8 ستاتسيونار, 61 العاشقى مەديتسينالىق-سانيتارلىق مەكەمە جۇمىلدىرىلادى. وندا 54 سۇزگى كابينەتى, قوسىمشا 79-ى تەلەفون شاقىرۋلار مەن كەڭەس بەرۋ ءۇشىن جۇمىس ىستەيدى. ءۇي جاعدايىندا قىزمەت كورسەتۋ ءۇشىن قوسىمشا 81 اۆتوكولىك ءبولىندى.
قىزىلوردا وبلىسى
