اۋىل • 05 اقپان، 2021

اۋىلدىڭ ءبارى «I love»-پەن الەك

56 رەت كورسەتىلدى

قازاقتىڭ التىن قازىعى اۋىلدى دامىتۋ – مەملەكەتتىك ساياساتتىڭ باسىم باعىتتارىنىڭ ءبىرى. اۋىل قالاي وركەندەۋى كەرەك؟ ينفراقۇرىلىمى جاقسارىپ، ساپالى جول، سامالا جارىق، ساۋلاعان گاز قولجەتىمدى بولىپ، عالامتوردا ىركىلىس بولماۋى قاجەت. سونداي-اق اۋىل تۇرعىندارىنىڭ الەۋمەتتىك الەۋەتىن نازاردان تىس قالدىرماي، ۇياداي بالاباقشا، ۇلاعاتتى ۇستازدارى بار مەكتەپ، سپورتتىق سەكتسيالار مەن مادەني-رۋحاني كەشتەر، ءتۇرلى ۇيىرمەلەر ۇيىمداستىرىلۋى ءتيىس ەمەس پە؟ اۋىل جاستارىنىڭ ماسەلەسىن شەشۋ، جۇمىسسىزدىقتى ەڭسەرۋ جانە قوراداعى قوزى-لاقتىڭ كۇيىن كۇيتتەۋگە، مالدىڭ جەم-ءشوبىن قامداپ، سۋىن تاۋىپ بەرۋگە مۇمكىندىك بولۋى كەرەك.

وكىنىشكە قاراي، بىزدە بارلىق اۋىل وسى دەڭگەيگە جەتتى مە؟ ەلىمىزدىڭ باسقا وڭىرلەرىن قايدام، ماڭعىستاۋدا اۋىلدار «I love-لا­تىپ» الاۋلاپ تۇر. وبلىس ورتا­لى­عى اقتاۋ قالاسىنان باستاپ ءاربىر اۋدان، قيىرداعى شاعىن اۋىلدار دا اعىلشىنشا ءولىپ-وشكەن ماحاببات قۇشاعىندا. تۇيەسىن ىزدەگەن ءبىر اپاي بالا-شاعاسىنا قايتىپ كەلىپ: «مىنا جايراعىر اناۋ «ايلادىر» دەگەن جازۋدىڭ ارعى جاعىنا ءوتىپ كەتىپتى، ول جاقتان نە جەيىن دەپ جۇرگەنىن؟..» دەگەن ەكەن. قاراپايىم اۋىل تۇرعىندارى تۇسىنبەك تۇگىلى ءتىلى دە كەلمەيتىن تىركەستى تۇگەلگە جۋىق اۋىلداردا اسپەتتەپ تاسقا قوندىرۋ قانشالىقتى قاجەت جانە كىمگە قاجەت؟ وسى ينستاللياتسيا راسىندا اۋىل ءسانىن ارتتىرىپ، جاستاردىڭ كوڭىلىن كوتەرە مە؟ اۋىلدار اجار جاعىنان ءبىر-بىرىمەن باسەكەلەستىكتە بولىپ، وزگەدە جوق نارسەنى جاساۋمەن عانا ەرەكشەلەنە الادى. ال ءبىر جازۋدى ينكۋباتوردان شىققانداي كوبەيتىپ، كەز كەلگەن اۋىلعا اپارىپ ورناتا بەرۋدىڭ ەشقانداي ماعىناسى جوق سەكىلدى. الدە اعىلشىنشا جازۋ اۋىلدا «مەنمۇندالاپ» ايقايلاپ تۇرسا، دامۋدىڭ، جوعارى وركەنيەتتىلىكتىڭ بەلگىسى مە؟ الدە بۇل ء«ۇش تۇعىرلى» ءتىل باستاماسىنا ءۇن قوسۋدىڭ، ء«تىلدى ۇيرەنۋدەمىز» دەگەننىڭ يشاراسى ما؟ ولاي دەۋگە اعىلشىنشا تۇگىلى، قازاق تىلىندە قاتەسىز جازا المايتىن اۋىل وقۋشى بالالارىنىڭ ساۋاتى كەدەرگى. مۇمكىن، داراقىلىق، تالعامسىزدىق...

اۋىلىن، تۋعان جەرىن جاقسى كورمەيتىن ادام جوق. اۋىلعا دەگەن رياسىز كوڭىلىن، شەكسىز ماحابباتىن «I love» دەپ ەمەس، «اينالايىن، اۋىلىم» دەسە، بۇل تىركەس ماحابباتىن جەتكىزە الماي تاقياسىنا تار كەلىپ جاتسا، «سۇيەمىن سەنى، اقتاۋ!» دەگەن ءتارىزدى كەلتىرۋگە بولماس پا ەدى؟!

ايتەۋىر اۋىلداردا اعىلشىن ءتىلى تۇعىرعا ءمىنىپ، نىعايىپ تۇر...

 

ماڭعىستاۋ وبلىسى

 

سوڭعى جاڭالىقتار

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار