«كەزدەسۋ بارىسىندا بارلىق سانيتاريا نورمالارى ساقتالدى. قالا تۇرعىندارىمەن كەزدەسۋلەر, ازاماتتاردى قابىلداۋ, جۇمىس ساپارلارى ءوزارا بايلانىستى ايتارلىقتاي كۇشەيتۋگە مۇمكىندىك بەرەدى. 2020 جىلى الماتى اۋدانىندا كوپتەگەن جۇمىس اتقارىلدى. مەملەكەت باسشىسى ەلوردانىڭ ەلدى-مەكەندەرىن جوسپارلى تۇردە دامىتۋدى تاپسىردى. ماسەلەن, تەك وسى اۋداننىڭ ەلدى-مەكەندەرىندە 23 كوشە اسفالتتالدى, ال ەرىگەن جانە جاڭبىر سۋلارىن بۇرۋ ءۇشىن ارىقتار ورناتىلدى. 24 كوشەدە جارىقتاندىرۋ قالپىنا كەلتىرىلدى, قالانى گازداندىرۋ بويىنشا جۇمىستار جۇرگىزىلۋدە - 300 كم گاز تاراتۋ جەلىلەرى سالىندى», دەيدى اكىم.
ونىڭ ايتۋىنشا 2020 جىلى 21 مەكتەپ پەن 2 بالاباقشا جوندەلدى, بيىل تاعى 9 ءبىلىم بەرۋ نىسانىن جوندەۋ جوسپارلانىپ وتىر. سونىمەن قاتار, ميچۋرينو ەلدى-مەكەنىندە 3 مەكتەپ سالىندى. بۇرىن بۇل ەلدى-مەكەندە مەكتەپ بولعان جوق, بالالار بەيىمدەلگەن بولمەدە وقىدى.
تكش سالاسىندا دا ۇلكەن جۇمىس جۇرگىزىلدى: 19 ۇيدە كۇردەلى جوندەۋ جۇرگىزىلدى, 80 ۇيدە جىلۋمەن جابدىقتاۋ, سۋمەن جابدىقتاۋ جانە كارىز جۇيەلەرى جوندەلدى.
«قالا تۇرعىندارى 60-قا جۋىق ماسەلە كوتەردى: تۇرعىن ءۇي الاپتارىن دامىتۋ, الەۋمەتتىك نىساندار, جولدار سالۋ, اباتتاندىرۋ, اپاتتى ۇيلەردى بۇزۋ, تكش جاڭعىرتۋ جانە ت.ب. تۇرعىندار كوتەرگەن ماسەلەلەر باقىلاۋعا الىندى. بۇعان دەيىن وسىنداي كەزدەسۋلەردى سارىارقا جانە ەسىل اۋداندارىندا وتكىزدىك», - دەپ جازدى قالا اكىمى.
