اۋداننىڭ تۇرعىن ءۇي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى ءبولىمىنىڭ باس مامانى جانىبەك دوسبولوۆتىڭ ۇيىمداستىرۋىمەن ماقتاارال اۋداندىق پوليتسيا ءبولىمىنىڭ قىزمەتكەرلەرى رەيدتىك شارا بارىسىندا 6 اۆتوبۋس پەن 15-تەن استام شاعىن اۆتوبۋستاردى توقتاتىپ, قۇجاتتارىن تەكسەردى. ناتيجەسىندە باعىتتاردىڭ قوزعالىس كەستەسى جانە سىزبالارى جوق ەكەنى انىقتالدى.
ىشكى ىستەر مينيسترلىگىنىڭ اقپاراتتىق جۇيەسىمەن ينتەگراتسيالانعان پلانشەتتەرمەن قر اكىمشىلىك قۇقىق بۇزۋشىلىق تۋرالى كودەكسىنىڭ كولىك قۇرالدارىن پايدالانۋ ەرەجەلەرىن بۇزۋ, جولاۋشىلاردى جانە جۇك تاسىمالداۋ قاعيدالارىن ساقتاماۋ باپتارى بويىنشا 7 اكىمشىلىك حاتتاما تولتىرىلىپ, ايىپپۇلدار سالىندى.
ايتا كەتەيىك, الداعى ۋاقىتتا دا رەيدتىك ءىس-شارالار جالعاسا بەرەدى.
