بۇل سۇراققا دەنساۋلىق ساقتاۋ ۆيتسە-ءمينيسترى اجار عينيات جاۋاپ بەردى. ونىڭ ايتۋىنشا, اۋقىمدى شارالار قولعا الىنادى.
«ونداي مۇمكىندىك بار, بارلىق ەمحانالاردا ەگۋ كابينەتتەرى جەتكىلىكتى. ەگەر ول از بولسا, كەڭەيتەمىز. باسقا مەديتسينالىق ۇيىمداردا سانيتارلىق-ەپيدەميولوگيالىق رەجيمدى ساقتاي وتىرىپ, قولايلى جاعداي جاسالاتىن بولادى. بۇل قولدانۋ ءۇشىن كەلىپ تۇسەتىن ۆاكتسينالاردىڭ سانىنا بايلانىستى», - دەپ سەندىردى عينيات.
ال ونىڭ ارىپتەسى, ەلىمىزدىڭ باس سانيتارلىق دارىگەرى ەرلان قياسوۆ جاپپاي يممۋنداۋ كەزىندە 750 مىڭ ۆاكتسينا دوزاسىن جەتكىزۋ جوسپارلانعانىن حابارلادى. ونىڭ ايتۋىنشا, بۇل جەتكىلىكتى بولادى. ونىڭ ۇستىنە, جەتكىزۋ دە, ۆاكتسيناتسيا دا كەزەڭ-كەزەڭمەن جۇزەگە اسىرىلادى.
ول سونداي-اق جۋرناليستەر تاۋەكەل توپقا جاتقىزىلاتىنىن اتاپ ءوتتى. ولاردى ۆاكتسيناتسيالاۋ يممۋنداۋ جۇرگىزۋدىڭ ءتيىستى كەزەڭىندە قاراستىرىلعان.
قازاقستاندا تۇراتىن شەتەلدىكتەرگە كەلەتىن بولساق, ولار ۆاكتسينانى تەگىن الا ما, جوق پا, ازىرگە بەلگىسىز.
