ال الەمدىك رەيتينگتە قازاقستان جانارماي ەڭ ارزان 167 مەملەكەتتىڭ ىشىندە 8 ساتىعا تۇراقتادى. ال ءتىزىمنىڭ ەڭ باسىنا — ۆەنەسۋەلا, يران مەن انگولا جايعاسقان.
رەيتينگتى شيكىزات باعاسى ليترىنە 1,1 مىڭ تەڭگەنى قۇرايتىن سيريا قورىتىندىلادى. قر ۇلتتىق ستاتيستيكا بيۋروسىنىڭ دەرەكتەرىنە سۇيەنسەك, 2020 جىلدىڭ جەلتوقسانىندا 2019 جىلدىڭ سايكەس كەزەڭىمەن سالىستىرعاندا ەلىمىزدە اي-95/اي-96 0,8% قىمباتتاپ, ليترىنە 171,3 تەڭگە تۇرعان. ال اي-98 1,4% قىمباتتاپ, ليترىنە 190,2 تەڭگەگە جەتكەن.
اي-92 باعاسى 2,7% ءوسىپ, ءليترى 150,6 تەڭگەگە باعالاندى. جالپى 2020 جىلى ەلىمىزدە 4,5 ملن توننا جانارماي ءوندىرىلدى. بۇل 2019 جىلعى كورسەتكىشپەن شامالاس. وڭىرلەر بويىنشا ءوندىرىس كولەمى ەڭ جوعارى ايماق شىمكەنت. مۇندا «پەتروقازاقستان ويل پروداكتس» كومپانياسى بار. اتالعان كاسىپورىن بىلتىر 2 ملن توننا جانارماي ءوندىردى. بۇل ءبىر جىل بۇرىنعى كورسەتكىشتەن 2,6% جوعارى.
ودان كەيىنگى ورىندا پاۆلودار (1,4 ملن توننا, + 5,7%) جانە اتىراۋ (1 ملن توننا, - 15%) وبلىستارى تۇر. اتالعان ايماقتاردا پاۆلودار مۇنايحيميا جانە اتىراۋ مۇناي وڭدەۋ زاۋىتى جۇمىس ىستەيدى.
وسىلايشا وتكەن جىلى وتاندىق كاسىپورىندار ىشكى نارىق قاجەتتىلىكتەرىن تولىق قاناعاتتاندىرعان. ال ەكسپورتتىڭ ۇلەسى 11,7%-دى قۇرادى. ءبىر جىل بۇرىن بۇل كورسەتكىش 1%-دى بولاتىن.
