نۇرسۇلتان نازارباەۆ: قىرعي-قاباق قاقتىعىستىڭ ەكىنشى نۇسقاسى – يدەولوگيا سوعىسىنا قايتا ورالىپ كەلەمىز

«قاۋىپسىزدىك كەڭەسىنىڭ وتىرىسىندا 2 ماڭىزدى ماسەلەنى قارايىق دەپ وتىرمىز. ءبىرىنشىسى - 2021-2025 جىلدارعا ارنالعان ۇلتتىق قاۋىپسىزدىك ستراتەگياسىنىڭ جوباسى. ءبىز ءبىر مەملەكەت، ءبىرتۇتاس ۇلت رەتىندە بەتبۇرىس كەزەڭىنە كەلىپ جەتتىك. بۇل وزگەرىستەر كوروناۆيرۋس پاندەمياسىنان تۋىندادى. دۇنيەجۇزىلىك ەكونوميكالىق فورۋمنىڭ بولجامىنشا، ونىڭ اسەرى الداعى ونجىلدىققا سوزىلۋى مۇمكىن. پاندەميا سالدارىنان الەم جاڭا داۋىرگە اياق باسقانىن كورىپ وتىرمىز. سوندىقتان ەلىمىزدىڭ الدىندا مۇلدەم باسقا سىناقتار تۇر»، دەدى القانى اشقان ەلباسى.

ەلباسى ءتىپتى دامىعان ەلدەردىڭ وزىندە قوعام مەن ەليتا ءبولىنۋى بايقالىپ وتىرعاندىعىنا توقتالىپ ءوتتى.

«الەمدە جانە توڭىرەگىمىزدە نە بولىپ جاتقانىن قاراڭىزدار. وسى جىلدىڭ وزىندە پوستكەڭەستىك كەڭىستىكتە جاپپاي ساياسي تولقۋلاردى، مەملەكەتتەر اراسىنداعى، ورتالىق ازياداعى، بارلىق ۇلكەن وڭىرلەردەگى سوعىستى كوردىك. توڭىرەكتەگى احۋال دا تۇراقسىز. ءتىپتى، دامىعان ەلدەردىڭ وزدەرىندە قوعام مەن ەليتانىڭ ءبولىنۋىن بايقاپ وتىرمىز. ساراپشىلاردىڭ باعالاۋىندا، الەم جاڭا بيپوليارلىققا بارا جاتىر. بۇل جاي عانا جەكەلەگەن سالالاردا، باسەكەلەستىك پەن دامۋ مودەلىندە قاتاڭ كۇرەستى بىلدىرەدى. شىنداپ كەلگەندە، ءبىز قىرعي-قاباق قاقتىعىستىڭ ەكىنشى نۇسقاسى – يدەولوگيا سوعىسىنا قايتا ورالىپ كەلەمىز. ءبىز مۇنداي جاعدايدا وسى جىلداردىڭ ىشىندە نەگىزىن قالاعان باسىمدىقتارىمىزدى، سىرتقى ساياسي تەڭگەرىمىمىزدى قالاي ساقتاپ قالۋ كەرەكتىگىن ناقتى ءتۇسىنۋىمىز كەرەك»، دەدى نۇرسۇلتان نازارباەۆ.

ايتا كەتەيىك، كەشە قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ توراعالىعىمەن قاۋىپسىزدىك كەڭەسىنىڭ وتىرىسى وتكەن ەدى.