بۇل تۋرالى جوعارعى رادادا دەپۋتات ۆاديم رابينوۆيچ مالىمدەدى. مۇنىڭ سەبەبى – مەملەكەت باسشىسىنىڭ وپپوزيتسيالىق تەلەارنالارعا قارسى سانكتسيا ەنگىزۋى. ونىڭ ايتۋىنشا, ۆلاديمير زەلەنسكي «سايلاۋشىلار مەن ەلدى مازاق ەتتى».
ءبىر كۇن بۇرىن ۋكراينا پرەزيدەنتى بىرقاتار تەلەارناعا جانە ولاردىڭ يەسىنە قارسى سانكتسيا ەنگىزدى. بۇل شارالار اكتيۆتەردى بۇعاتتاۋدى, ساۋدا وپەراتسيالارىن شەكتەۋدى, كاپيتالدى شەتەلگە شىعارۋعا جول بەرمەۋدى, ليتسەنزيالاردىڭ كۇشىن جويۋدى, سونداي-اق ۋكراينانىڭ راديوجيىلىك رەسۋرسىن پايدالانۋعا تىيىم سالۋدى جانە تەلەباعدارلامالاردى تاراتۋدى كوزدەيدى.
قازىرگى تاڭدا ءۇش تەلەارنا («112 ۋكراينا», ZIK جانە NewsOne) حابار تاراتۋدى توقتاتقان. ولار زەلەنسكيدىڭ شەشىمىن «باق-تى ساياسي قۋدالاۋ» دەپ ساناپ وتىر. ال فراكتسيانىڭ تاعى ءبىر توراعاسى يۋري بويكو بيلىكتىڭ بۇل ارەكەتىن كونستيتۋتسيانى تىكەلەي بۇزۋ جانە ۋكراينادا جەكە ديكتاتۋرانى ورناتۋعا جول دەپ اتاپ وتىر.
ايتولقىن مىرزاكاريم
